Borovpan Sudarnni Korunk Soddtana SOMPADAK: Heo tujeo kannio vachpak loka kodden vell nam. Tugele lekh uzvaddak ieunk naslelean fattlea don sumanant offisantle fon vazle. Vachtana hansunk, hi tuji borovpachi chall asa ti, vachpeanchea nirxealea jivitacher odik hanso haddun, adlea vorsa vonn Novea Vorsant tankam bhouch umedir dovortolo oxem mhaka dislelem. Punn, ho tuzo lekh polleun vachpeanim igorjek sermanv aikopache bond korchem poddtelem. BOROVPI: Mhoji borovpachi poddot kaim lokank avoddnam mhonn vachpi boroitat, hea chitti vibhagant vachunk mellta. Double meaning diun hanv ollxigim borovpam kortam, itloch tancho nixedh. Hea khatir mhojea borovpan illoso bodoll korun vachpeanchea monant mhojea vixim goir somoz zala to poixavunk hea Novea Vorsant panvl ghetlam. SOMPADAK: Khoinchea vachpeanchi khobor korta tum? Aichea vachpi lokak, kitem zai ani naka asta tem eka potrachea sompadpeak khobor asta ani hech khatir hanvem tujim borovpam svikar keleant ani uzavaddak haddleant ani haddtam. Ek ugddas dor. Thika (criticism) marpi odik moujen tuje lekh vachtat ani hech monis zaun asat khorele dhongi (hypocrites) BOROVPI: Anik ek Goenchea Konknni dhormik satollea potrar Sopnant Ghoddtta Patok Nasta ho mhozo lekh chappun haddlolo. Don sumanant konn ekto Fast Pen mhonnlolo uttlo Boroita Tem Mat Patok mhonn niddukaen roddunk laglo. Tea uprant tech borovpean Mumbai-chea eka Konknni masikar aplea penant kitli meren oskotaen bhorleli niddukai asa ti dakhoili. SOMPADAK: Only a hypocrite would yell about the imperfection of something when they themselves are imperfect. Khaxalem tanchea thaim naslolean dusreanchem sarke nhoi mhunn sangpak fokot dhongi monis poile aroddtele. Tuka ek dakttich gozal sangtam. Ghoddie tunvem hea adim aikoleli asteli. BOROVPI: Punn kitem-i sang. Novea Vorsant nichev ghetla to mat hanv fattim gheuncho nam. SOMPADAK: Hanv sangtam tem poilim aikon ge. Uprant tuzo nirnnoi. Dog Budddhormik mothvasi (Buddhist monk) eke nodixim pavon sorle. Suktter, te nodichem udok dhimbe sokla pavtalem. Tedna lok, ti nod par kortalo. Budddhormikamni, ek sobit sundor choli nodixim ubi asleli poleli. Tika, nodi par korunk zai asli punn, apnnale paim mat udkan bizounk ti toiar nasli. Oxem, eka Budddhormikak kolltoch tannem, tika aplea khanddar marli ani nodi peletoddik voron pavoili. Dogui aple fuddle vatter astana sumar orddea hora uprant dusro Budddhormik zagovlo ani poileak hinnsaun ani xiddkavnni diun sanglem, te choliek khanddar marun tanchea dhormancho kaido moddun pap adarlem mhunn. Buddhist dhorman, ostoreank apuddchem mhollear ek vhodd patok adim somzotale. Tea vellar borea Samaritanan, dhongi Budddhormikak sanglem. Hanvem te choliek khanddar gheun peletoddi haddlear orddem hor odik zalem. Azun tum te cholie ani mhojea vixim itlem vaitt kiteak chinta? Jedna hanv, ti doiall karnni sapuch visorlom? BOROVPI: Hea gozali velean tum mhaka kitem sangunk soddta? SOMPADAK: Hanv kainch sangonam. Niall korun polle. Sangpachem mhollear potrachi bori vikri zateli zalear tatunt lokachem monant probhav poddpa sarkelim boroupam asunk nibel gorjechem. Hansun-hansun chimtto kaddtelim boroupam don pavtti vachunk poddtat, kiteak; bhero don pavttim hansta. Mhojem disalem, dispottim (daily) bhair sorta. Tuzo lekh dor Sonvarak uzvaddak ieta. Ek Sonvor chuklo zalear, mon diun vahpi asat te fon khorun kharann vichartat. Disantlean mhaka topall (mail) pavtta tacho hixeob nam. Choddan chodd borovpam dusreancher chikoll marlelim astat. Tosle topall, kochreachea dobean udoitam. Tuka vixech korun mhojea offisant apovchem mhollear, eka namnechea lekhokachi borpavoll dobean udovpak mhaka vaitt dista. Osle nove lekh vachun monis aplea jivitachi novsornni (renewal) korcho nam. Dekhun ho tuzo lekh ge ani tujea borovpachi poddotik sudarnni dinastanam adlech poddotin boroun, nirxelea (disappointed) jinneche mukhamollar hanskutleant hanso khelloi. Lino B. Dourado
http://www.goa-world.com/goa/poems http://www.mail-archive.com/cgi-bin/htsearch?config=gulf-goans_yahoogroups_com&restrict=&exclude=&words=Lino+B.+Dourado __________________________________________________ Do You Yahoo!? Tired of spam? Yahoo! Mail has the best spam protection around http://mail.yahoo.com -------------- next part -------------- An HTML attachment was scrubbed... URL: http://lists.goanet.org/pipermail/goanet-goanet.org/attachments/20070106/708d78af/attachment.htm
