Air India - Brings Pride to the Nation Mangir? Ami umaleanim sontonsuk zai. Ami mijasin amchi bhuzam voir kaddunk zai. Mhoinantle tin pavtti tori vimananche ‘landing gear’-ache ‘tire burst’ zatat ani passingerank Kuwait Airport Hotelant gorje viret ek dis vo 24 voram odik sutt’ti piddear korchi poddta.Tumi zanna astana hea Maharaja sarkelea vimanant proves kortat. Punn kaim goxttti tumi monan laun ghenant. Tumchea ‘hand’ beggant bhitorleo mustaki asunk nibel goroz. Toothpaste, tooth brass, shaving cream ani razor daddlea passingeran ani ostoreanim apnnalem make-up set chukoinastana hand begant toyar dovorchem. Eka voran ‘flight’ vetli oxem tumi aikolear, dusrea disa mhunn somzuchem. Eka disacho bhitorlea mhelli mustakicho, tonddacho vas? Naka re saiba!!! Dekhun, passingeran gorjecheo vostu hand-begant sambalcheo. Air India vimanan proves korta titlech pavtti tuka ghatt zata. Vimananchem landing gear-acho tire burst zalo, nibam melltat. To tire dusre ‘flight’-icher Delhi thavn Kuwait pavtta mhonllear, mornank ajir zaunk vetolea passingerank moronn chuktta. Bhoinnichea putak vo bacheak mamachem besanv favo zainam ani kazarachea resperakui vellar pavona. Ganvchea festachem vhoddlem Mis chukchem chukonn porbek ailolim soireak ‘wish’ korunk mellona. Hea vellar tumi sorgest Rosario Rodrigues hachea tiatrachi yad korchi. ‘Fattim Pavlo’Thodde passinger desh-boktti. National carrier Air India xivay dusrea vimanan poin (traveling) korinant. Punn aple kuttumbak dusrea ‘flight’-ir dhaddtole ani apunn sota Maharaja zaun Air India vimanan udna kortole. Tire burst zaun akh’khi famil voir voir fly zali zalear?Ami bore dixen ken’na tori dixtt ghalea? Amchem National carrier amkam kitleo sovlovti dita tem tumi ken’na tori niyallam? Dusre aviõa-cher vetana tumkam kitli funkot sutti ((free baggage allowance) mellta? Tis kilo. Hoi mhu? Amgelo Maharaja tis kilo sutti, ani 10 kilo subeij (excess) samonank fokot KD 12 farik korunk sangta. Ani tea bhair tum frequent flyer aslear tujean ‘Flying Returns’ hatunt vangddi zaun anik 10 kilo ek fils dinastana tujean vorunk zata. Itlem sogot amkam melltana ami kiteak gorvan mhonnchem nhoi? Air India – Brings Pride to the Nation? Ani Nimnnem: Vellar pavunk naka zalear sodanch Air India vimanan udnam korchim. Lino B Dourado
