Teach yourself Konkani ------------------------------------------------------------ Isidore Dantas in Mumbai <[EMAIL PROTECTED]> has done some useful translations for the Konkani Wikipedia (now under incubation) at http://incubator.wikimedia.org/wiki/Wp/kok
You could use it as a way to brush your Konkani... the entire original English version of the articles are at http://en.wikipedia.org/wiki/Pinto_Revolt http://en.wikipedia.org/wiki/Mandovi_river http://en.wikipedia.org/wiki/Kadamba_Transport_Corporation Articles below focus on (i) the Pinto's Revolt (ii) the Mandovi river and (iii) the Kadamba Transport Corpn. Pintonchem Karosthan Pintonchem karosthan, vo dusrea nanvan Goenchem karosthan, Pintochem Bondd vo Pinto Karosthan ani Purtugezint A Conjuração dos Pintos, ek Purtugez rajvottkecher 1787 vorsantlem bondd aslem. Hem karosthan rochpi Purtugezam add govai dinvk rochlolem. Tache fuddari tin nanvlovkik Goenche padri Pinto kuttumbantle vo kullientle asle je Bardez talukeantlea Kandolli ganvche asle ani hea khatir oxem nanv taka dilam. Contents * 1 Mukhel Patram * 2 Karonna * 3 Uprantlem Porinnam * 4 Sondorbh Mukhel Patram * Pri. José Custódio de Faria, zaka Abbé Faria mhonn vollkhotat, ek Bharti-Purtugez mottvaxi aslo zo bhulvidiecho poilo vineanik aslo. Tachem nattiorup patr ek 'piso' mottvaxi Château d'If hanga koid kel'lo mhonn, Alexandre Dumas hanchea The Count of Monte Cristo novolkannient aspavta. * Pri. Caetano Vitorino de Faria - Fuddari * Pri. Caetano Francisco do Couto * Pri. José António Gonçalves (Divaddecho) * Nitidar José da Rocha Dantas e Mendonça, Goenchea Unchlea Niaialoiacho Nitidar ani karosthan kaidean chovkoxi korpi Karonna Hea karosthanank sfurti divpi French bonddache ievzonneo zavn asleo ani sarkem sangtolo zalear rajki chollvollecho prochar jea udexim French Bondd zanvk pavlem, ho zavn asa. José António and Caetano hannim apnnank Bisp nemunk magnnem korunk Romank ani Purtugalak bhett dili punn tanchem magnnem mandun ghenvk na. Hea nhoikarak lagun tannim Abe Faria vangdda karosthan rochlem. Hea kamant, tras bhogpi Kristanv soinikanchi toxench padrinchi tankam bhuzvonn mell'lli. Karosthan rochpeanim Tipu Sultan, hea Moisurchea zago bollkavpea kodde ulovnni kelim ani jen'na Goem ovevosthent pavtolem ten'na ghuri ghal ani amcho hetu xarti pavoi, oxem taka sanglem. Hem, ievjilolea pormonnem ghoddlolem zalear Kristanvponn (ani ghoddiek khatren Hindu dhormui) Tipu Sultan nisontton kortolo aslo, zoxem tannem Mungllurchea Konknni Kristanvank toxench Malabarchea Hindvam sovem kelolem toxem. Hem karosthan eklea rochpean soddun dilolea karonnan Goem, Tipu Sultanachea ghurintlem vattovlem. Purtugalache misionaranim (Dominikan, Fransiskan ani Jezuit) Igorzo ani sorkari seva 18vea xekddeache akhrek aplea xeka khala dovorloleo, ho mull motbhed, hem karonn zavn aslem. Thollavea Kristanvank (zankam poile dhormantor kel'le) mhotvache vo zobabdoreche zage divpant durlokx kortale. Hea Goenkar padrink kuxin dovrun Dokxinn Bhartachea Sant Thomaachea padrink (chodd korun Bisp Kariattil) rikamea zalolea Cranganore ani Mylapore zageam khatir, tankam lagim kortale. P. Kamat hinnem hea vixoia voir obheas kela. Tichea pormonnem Purtugez odhikaream voir hea padrincho nixedh aplea khasgi maggneancho aslo. Heo magnneo mhonnche tanchea voir vonvxache bhedbhav ani karbharant vaitt vagnnuk zavn asle. Hi nakhuxi Purtugezanim Goenkarank vaitt vagnnuk dili dekhunui asli chodd korun jen'na Purtugez zage- Damanv ani Vosoi 1739 vorsa Morattheam kodde harovle ten'na. Hea vagnnukek lagun Goenkaranim Purtugezanche Udent Afrikechea soinikanchea zhuzant bhag ghenvk na. Haka lagun Goenchea Purtugez Viceroy hannem 1760 vorsa votthukum kaddlo ani khapri vo cachorro (sunnem) thoinchea ravtoleank mhonnpak addvarlem. Uprantlem Porinnam Hem karosthan lagu zatolea odhikareank thavem zalelem ani tem adim fuddench vattavpak khub proitn kele. Thodde karosthan korpi Brittix zageancher bhes bodlun pollun gele. Punn odhikaranim tankam ottok kele ani 47 zonnank khast laili zantunt 17 padri ani 7 soinik odhikarancho somavex aslo. Ponnjechea mukhel Topal ghora bhonvtonnchea zageak Sanv Thome mhonn vollkhotat. Sod'deachem hem topal ghor, poilim dhumpttechem ghor aslem ani tachea uzveak sorkari tanksall asli. Zageache uzve vatten Ponnjechi adli gollfaxi asli zoim sobhemazar faxi ditalet. Hangasor, hea fiskottlolea bonddachea 15 karosthan rochpeank faxi dileli. Fr. Gonçalves hannim Brittix rajeant pollapoll kaddli ani aplem urlolem jivit ek liplolo Inglix xikovpi mhonn Kolkatant kaddlem. Abbe Faria, French bonddkhoream vangdda aslo ani nitidaranche pongdda sangata bonddkoreanim Katolk Igorz matechem krur zulum Frans ani her kodden choloilo,tantunt vantto ghetlolo. Tipu Sultanachea fultea karkidint, tannem Mungllurchea Konknni Kristnvank bollzobrin dhomantor kele vo jive marle. He kristanv adle Goenkar zavn asle. French bonddkhori raj, Tipu sangata ravun tannim Inglix zhuzchea koideank Tipu kodden suvadin kele zankam Tipun bollan dhormantor kele vo nhoikar ditoleank jivexim marle.Hem soglem French gopchup pollet asle. Pri Faria, ek voibhovi Goenkar desbhokti asun ani French bonddachea rajeacho pattlavdar asun, hea vonvx hoteacharacher tannem nixedh marunk na. Doskanchim doskam, hea karosthanacho faido ghevun, Goenkar misionarank ani Brittix Indientlea padrink tanche virodhi, bodnam kortale ani unneponant lekhtale karonn Goenkar Padroado pokxache asle. Brittix sorkarant ani Brittix Indient, Goenkar ovisvaxi, bonddkhor ani dusmana (Tipu Sultan) thaim todd-zodd korpi mhonn he ghoddnnechi dekh divun sador kortale . Hi Goenchi kalli dontkotha zavn asa. Sondorbh * Rivara, Joaquim Heliodoro da Cunha. Goa and the Revolt of 1787, New Delhi: Concept Publ. Company, 292 pgs., 1996. (Author was the Portuguese Chief Secretary of the Goa Government from 1855 to 1877) * Borges, C. J. Goa and the Revolt of 1787, 1996, 290 pgs. $22 ISBN 81-7022-646-5 * Kamat, P. Some Protesting Priests of Goa, in T.R. de Souza (ed.), Essays in Goan History, New Delhi, Concept Publication Co., 1989 : 103-117. ------------------------------------------------------------ Mandovi Nodi Mandovi nodik, Goenchea jivitachi jivon rekha oxi pachartat.He nodicho arombh Jamboti zata ani Dudsagorachea toxench Varapoha dhobdhobeantlean pasar zata zoim kaim kodden tika Gomati mhonn vollkhotat jicho arombh ostompt ghanttachea Bhimgad hangasor zata. Mandovi sangata Zuari nodi heo don Goenchea rajeacho mukhel nodi. Goeant, hea nodichi lambai 77 kilometr zavn asa. Mandovi nodicho proves Goeant Satari talukeant san zata. Hi nodi Kumbharzuvem, Divaddi ani Choddnnem hantuntlean pas zata. Donui Mandovi ani Zuari nodichem udok Orbi doriant lottun ditat ani eka samaneo zagear Cabo Aguada hangasor dhoko rochtat. Ponnji rajdhani ani Pornem Goem-hi adli Goenchi rajdhani donui Mandovichea davea dhodder urtat. Mhapxenchi nodi Mandovichi lhan nhoim zavn asa. Kumbharzuvem khariz donui nodink zulloita ani hea khatir Mandovi nodintlean Goenchem mukhel khonniz-lokhnnachem min haddunk-vhorunk sompem zata. Tin motthe goddea udkache zunve Divaddi, Choddnnem ani Vashi, hea nodint Pornea Goeant aspavtat. Choddnnechea sunvear Salim Ali suknnea obhoiavoronn asa jika nanvadik suknnea vinean Salim Ali hanchem nanv dilam, Ek sodanchi feribott hangsorlea ravtoleank hea zunveavoile mukhel zageancher pavovpak adar korta. Mandovi nodicho vistar Ponnji, vhoddvikechea Mandovi pula kodden zata. Ho pul 1980 vorsant kosollolo dekhun bodnam zanvk pavla. Novo pul bandun zodd ieradarik hadd- vhor korunk adar korta. Mandovi nodi udexim Ponnji ani Betim ganv zulltat. Xinvallea disanim, bharadik bhonvddekaranchea mosamant, khas ratcheo Mandovi nodintlean bottincheo bhonvddeo astat zantunt gavpeanche pongodd Mandovi nodik bhul ghaltat. ------------------------------------------------------------ Kadamba Transport Corporation Kadamba Transport Corporation hem Goenchea sorkarachem marganchem ieradari monddoll zavn asa. Tem, ten'nachea Pratapsing Rane hanchea mukhelponna khal Kongres sorkaran 1980 vorsa sthaplolem. Goem, eka lamb kallak khasgi bosim ieradaricher ovlumbun asa bhairavn nillea-tambddea-dhovea Kadamba bosi jeo hea nemank ek opvad zavn asat. KTCn zorui Goenchea mukhel xaranchi toxench ganvanchi zoddnni kelea torui halinchea kallak tichea vevharant goir-karbhar, rajkaronn ani bhroxttachar bhorsoleat oxe arop ghatlole asat. Contents [hide] * 1 "Sugur, bhorvonxeachi" * 2 Bosinche thambe cholovpi * 3 Ieo-voch seva * 4 Dhormik Bhonvddeo * 5 Xallank Seva * 6 Bosi bhaddean mellop * 7 Orthik bandavoll * 8 432 vahona, 87690 km "Sugur, bhorvonxeachi" Kadamba Transport Corporation porjek, 'sugur, bhorvonxeachi, vell sambhallpi, kuxoll, suksoichi ani porvoddpachi' seva Goenchea porjek divpak toiar kel'li. Zorui hi seva divpant bhorpur khorch zala, torui chodd so ho hetu xarti pavoila. Sorkara koddlean tika chodd palov mell'lla ani her Bharoti sorkari margam ieradari monddollam porim ti luskonnant cholta. Bosinche thambe cholovpi KTC bosinche thambe (mukhel bos thambe vo thanne) Goenchea soglea xaram ani nogranim choloita. Tichi seva Goencho soglo vatthar maddoita. Tikettinchi dor favo toxi asa ani Goem bhitor provas kortoleank bosinuch bosichea konddokttora koddlean tikett melltta.Gordichea vellar heo bosi provasanim bhorlolea astat. Thodde kodden, thambonastona "ieo-voch" koxeo dhaktteo bosi asat jeo mukhel xaram zoxim Ponnji, Moddganv,Vasku ani Fonddem hankam zulloitat. Heram Goenchea bosinchea bhaxen, bhurgeank ani jextt nagrikank kherit dor asa. Xallechea vellar, xallecheo bosi koxeo teo dhanvtat. Ieo-voch seva KTC eka zagear san dusrea zagear dhakttea bosinim vevharik xaram modem seva korta. Him xaram mhonnche Ponnji, Moddganv, Vasku, Mhapxem, Fonddem ani Kuddchoddem. He sevent vatt pollovp thoddem ani fokot bosun vochpi provasanchi seva aspavta. Kaim vellar kherit sovlot modem denvunk dita punn hem kocherinchea vellar mhonnche sokallchea 10 horam poilim. He sevechi dor (atam bodol'lea) oxi asa: * Ponnji tem Moddganv ani urfatte vatten 17 Rupia * Ponnji tem Vasku ani urfatte vatten 17 Rupia * Ponnji tem Mhapxem ani urfatte vatten 7 Rupia * Moddganv tem Kuddchoddem ani urfatte vatten 11 Rupia * Ponnji tem Fonddem ani urfatte vatten 15 Rupia * Moddganv tem Vasku ani urfatte vatten 15 Rupia Dhormik Bhonvddeo KTC aplea vatanakul bosinim Ashtavinayak bhovddi satolleanche akhrek korta.Thevurchem Chintamani, Morganvchem. Mayureshwar, Sidhtekchem Sidhivinayak, Ranganvchem Mahaganpati,Ozarchem Vighneshwar,Lenyadruichem Girijatmak, Mahadchem Varadevinayak, Palichem. Balleishwar he zage bhonvddaita. Hi bhonvddi 1600 km zata ani ticho khorch dor ekak 2500 Rupia.KTC bos thannear heo tiketti mellttat. Novenachea ani porbechea disanim Valankani Tamil Nadhun urtolea Nagapattam dhormik bhonvddi korta. Hacheo tiketti adim fuddem kaddpak zai. Xallank Seva KTC xallam khatir tanchea soi ani gorzam pormonnem kherit seva dita.Xallechea karbhari ektthaim kortat tea pormonnem mhoineache pasa vorvim hi seva dita. Heo seva sokoilea xallam khatir asa: * Our Lady of Rosary High School, Dona Paula * Sharda Mandir High School, Miramar * Kendriya Vidyalaya, INS Mandovi, Verem * Hegdewar High School, Ponnji * Sanjay School, Porvori * Vidhya Prabhodini High School, Porvori * St. Joseph High School, Verna * Regina Mundi High School, Vasku * St. Theresa High School, Vasku * Don Bosco High School, Netravali * Almeida High School, Fonddem Ontor rajeam modem provas kortolo zalear tiketti adim fuddem ghevpak suchovnni asa karonn xinvallea ani bhonvddekaranchea mosamant gordi asta. Heo vegllleo seva asun sud'dham teo pavonant. Bosi bhaddean mellop KTC apleo vatanakul Volvo, vilasi vo nim-vilasi dhaktteo bosi toxeoch vatanukul dhaktteo bosi bhaddean dita. Teo 'round contract' ani 'drop contract' hixeobar vegllea doren mellttat. Xikpeank hi seva sovai doren mhonnche don rupia kilometra fattlean unni dor, dhor bhonvdde fattlean ani bosichea akar ani tora pormonnem ovlumbun asa. Orthik bandavoll Odhikrut zhorim pormonnem, komponechem purem bhanddvoll 299 milianv rupia Goenchea sorkarachem zavn asa. Hem bhanddvoll, bosi mandd, bosi thannem, mukhel karioxalla ani bosi vikteo ghevop oxi bandavoll korunk upkaraita. 432 vahona, 87690 km Sod'deak KTC kodden 432 vahona sat. Ti 87690 km dhanvddaita punn puri ieradarchi goroz bhagounk xokna mhonntta. Tichem sangnnem, udarmotvadachem dhoronn, novo sudharlolo vahon kaido ani vaddttea mhal ani kamdarancho khorch KTC chea khorchacher soroll probhav ghalta.
