Thapott Kiteak Marlem?
Kiteak marlem? Kainch noko zal’liaporim vichar korta mure! Kaido korpian kaido aplea hatant ghevpacho? Namnu! Tenvuim zalear disak chovisui voram chokchokit, viz ditolea ‘Electricity Deparment engineer’-acheakansular? Hem sarkem? Khoinchea hixeoban? Ken’na tumi aikolam Gõyant bizliapa-lipa zaleli? Nam nhi! Ken’nam tori tumi aikolam Gõyant fokot dha dis bizlicholta ponn bizlechem bil, tis disachem tumchea dudvanche tizorek khata?Frijintlem margelem nustem, mas ani her vostu ken’na tori tumi bhair udoileat?Nam mure! Zalear, Mickkyn thapott kiteak marlem? Atam kitem? Kitem mhonnchem? Ek thapottkhavoilem ani babdo sov mhoineanchi kadoi khata. Kedi vhoddli sojea! Tumkamlagon. Tumkam nhoi tor konnam lagon? Tuminch zaun taka nivddun kaddlolo.Porjecho sevok to. Seva zaun asa, tacho dhorm. Tea disa Jul 15ver, 2006 vorsa, ten’nancheKrixi–(Agriculture and Animal Husbandry) Montri aslolo Mickkyn,aplea offisant Junior Engineer Kapil Natekar-acher marpett kelo. Thapttanchoavaz bhair aslolea bizle khateacho dusro injiner Victor Barbosa ani driver JoseD’Costa-chea kanar sadovlo. Kapil Natekar, dolleant dukham ani pollo tambddokorit Mickkychea offisantlo bhair sorlo. Thapott marchem kharan? Adlea disa,Mickkychea piyen (PA) Bizle Khateak kagal kel’li. Kagalik atenção diunk nammhunn lofdde. Hanvem sanglem tem sarkem mure. Porjecho sevok porje khatir sorkarinokrank bodoita. Atam gomlem? Punn Mickkychem sarkem nhoi, ham!Dhomki dinvchi asli punn thapott marchem nhoi aslem. Tenvuim sorkari kamcharecher?Te kitem, heram bhaxen lal khatat? Ek bizleche kanekson divpak, meza poddcheankhaim pasar zainam zalear, (file re, tumi dusrench somzotat) ghorak uzvaddmellunk, mhoinem kivam vorsam lagtat. Motdarsangantlea lokak bizli sarkimellonam ani mellta ti apa-lipa khellun mellta zaliar, khoinchea Sevokak ragyenvcho nam? Ani ragacho porinam tumchea khatir vo tumche seve khatir zalomure? Punn valor. Konnank? Sorkarak? ValorEngr. Victor Barbosa ani driver Jose D’Costak. Pulis chovker FIR nond keli anikortint Kapil Natekarchea votten sakxidar ravle ani Mickky-k bondkhonn favozata toxi keli. Sorkari nokrancher hat ubarchea poilim, amdar-montrianim dhapavtti chitpachem asa. Khorem mu? Sorkari duty nibaitonam, thapott martoleachi nit keli. Borem asa! Ponn tiainjinerachem kitem? Khoincho injiner? Bizle Khateacho junior Engr. KapilNatekar. Tachi nit kiteak zalim nam? Tacher marpett korpak Mickkyche hatkorzotale? Vhoi? Mickkychem thapott khavmeren tia injinerachi kosli chuk asli ti, tia khateak (electricity department)poddun kiteak vochunk nam? Tiracol ganvant Golfcourse ubo korunk vatter aslolilim naka tim zhaddam katortat. Hoi mure?Ponn bizlechea wire-yerancher ek don voilean vetole zhaddanche khadde khatorpak,hea ani tia khateachi NOC zai, porvongi zai mhunn lamboytat, kiteak? BizlemKhatem itlem padd doxer pavlam, bizlecho meterreading korunk sudam tanchea kodden sarkem zainaslolean, hispa bhair hachertacher hozar-hozaramni bizle bilam tapun ghaltat. Magir ghe! Vicharlear kitemsangchem? Poilem bil farik kor uprant karvai kor. Hankam ogem ravpachem lokan?Sorkari novkor, sorgar than ailole devdhutt? Tankam kainch mhonnonk lokak hok’knam? Tokrar keli tor bhospagari zatoch pesanv (sorry) ‘pension’ khatololeanim, survatek tabortob ‘action’ kiteak ghenant? Mangir? Mangir kitem? Thapott khavchem? Ani nimnnem: Uruguay-cho huxar ani famad Futbol khellgoddi LuisSuarez-ak, sonvoi asli gans marpachi. Fattlea vivx kopant (2014) tannem Italychekhellgoddi Giorgio Chiellini-k, gans marlolo mhunn; char mhoinem futbolmoidannam koddsun taka pois dovorlolo. Xevottak chuk magli ani atam to Spanishdesantlea famad Barcelona ttimink khellta. Gans marpachia prokoronnam uprant, jitle-ipavtti Suarez nigut khell khellta, title-i pavtti hanv mhonnttam. ‘gans marpisudorlo’. Mickky-n sov mhoinem bondkhonn bhoglea uprant, lokak chance astolo kai mhonnpak? “Zaum baba,Mickky sudorlo” Lino B. Dourado
