CHOTRAI: Ho lekh kolponnik (fictional). Hatuntlo mhatalo nhi mhunn mon’xanchim vo jevnnachia pratanchim nanvam khoincheach mon’xank ani khanavolik lagu zainant. Sodiak chalu aslolim vo bond poddlolim. Vava GoyaSt. Antonio-chi porob, poromporik Gõychea ruchik jevnnamni sormorunk, VAVA GOYA Kuveitchia famad khannavolin, Junache 12ver ani 13ver humollxik laglolia Gõykarank, ‘Feast Special’ jahir kelem. Goddachim sanna, plain sanna, sorpatel, croquettes/vegetable cutlets ani bebinca-k rakhun dovorunk vo magnnim korunk, mobile number dilo. Hia khannavolintlea pratanchim nanvam jibek udok haddit, ‘whatsapp’-ar Babitt vachtana, lagim aslole tachia ixttak, to kitem vachta tachi kurusidad zali. Babittan, mobile tachia hatant dilo ani tovui anvdde gilott vachunk laglo. “Kitlo temp zalo hem ‘restaurant’ aslear?”, Babittachea ixttacho proxn“Tem hanv nokom. Punn ubem aslololem ‘building’ zaitea tempachem. Adim heach zagear VILLA INN ‘restaurant’ aslem ani atam....”“Number sang. Hanv atanch ‘order’ ditam”, Babittachem sompchem adim, tachea ixttan sokoilea vontar than voilea vonttacher jib bhonvdaun fon maglo. Aplea mobilar fon ankdde damle....ani fon ‘loudspeaker’-acher, Babittak aikunk yeta toso soddlo.“Hello, Vava Goya restaurant?” “Hoi. Konn uloita?”,“Hanv Damos uloitam. Tujem nanv?”“Mojem nanv....”“Kitem....? Posco? Ok, ok Posco. Sanna maddachem vo uxichem goddachim?”“Patrão, tumche ruchi pormonnem ami ‘order’ ghetat. Customer satisfaction is our top priority”“Sanna, mandanchi sur ghalun kortat?”“Desa pormonnem bhes asta nhoi patrão? Toruiponn, tumche jibechi ruch amchim sanna niraxi korchinant”“Benbica kitlea layerachem asta?”“Tumi ‘order’ ditat toxi patrão. Panch, sov vo sat layers.....”“Somzolom, somzolom. Vegetable cutlets, kitlea bhaji-paleanchi?”“Turturit sov torkari misoll”“Sorpatel dukra masachem?”“Kiteak fonkandam kortai? Mhaka dista, mhojea adim tumi Kuveitan vosti korun asat. Kaide nem’ tumi bore bhaxen zanant. Ani tumcho vinchar?”“Tuka khobor nastoli. Adim hanga ‘Gõykarancho Dis’ monoitale. Zaitim jevnnanchi ‘stall’-am astalim. Sorpatel, chevris pão amche ruchichem melltalim....somzolom tum. Fonar ugtem ulounk zainam”“Goddie zait! Amchem sorpatel khavun polle ani tuka tujem ruchichem mell’lem koxem distolem”“Hum! Kitlea voznanchem sorpatel?”“Ek ‘container’ sumar 400 gramancho”“Koxi kat order divpachi? ‘Minimum’ kitli ‘order’ ghetat tumi?”“Giraikachem dhadosponn zaun asa amchi khuxallkai”“Toxem tor don plain sanna ani 100 grams sorpatel dovor mhaka”“Hi ‘order’ khavpak vo bomblecher dovorpak?”Lino B. Dourado
