-------------------------------------------------------
CONVENTION OF THE GOAN DIASPORA FROM GOA INTO THE WORLD
Lisbon, Portugal June 15-17, 2007 Details at:
http://www.goacom.org/casa-de-goa/noticias.html
-------------------------------------------------------
Aicho Gõykar Zagrut Zala Kai?
Aiz amchea Gõyant, bailmonis surokxit nam. Veta
thoim tancher vonoibhong (molestation) ani bolatkar
zatat. Ani ostoreancheo moskoreo (eve teasing) ek
fashion zalelea porim dadlomonis sompeaponnim ugttea
suvater kortat. Thoddeo pavtti heo moskorea xime bhair
pavun ani lokachea lojek lagun ostorek zhonvzall
(stress) zaun toklecho kantto gunvon hotea (suicide)
kelleo khobro amchea kanar poddleat.
Ghelea sumanant, May-che 8 tarker Moddganvchea
novea bazarant ek bhav, aplea bhoinicheo moskoreo
kortolea eka dadlea monxak, aplo virudh (objection)
dhakoun aple bhoinink surokxa diunk gelelea kodden,
hospitachea katir nidhpa sarkelo mar khauncho poddlo.
Ani hench kharan puro zalem Moddganvchem vepari xar
(commercial town) don dis sompar vochunk.
Aplea bhoinnicheo moskoreo kello khoincheach bhavak
avoddnam ani odik korun porkea monxan. Amkam
khatrechi khobor pavlea tea porponnem jea cheddvacheo
moskorea korun Moddganchea xarak hinsokacho (violent)
uzo pettovpi zaun asle on-Gõykar vo bhaile monis ani
Gandhi markitant nokri korpi. Posorkar Rajesh
Kunkoliker-an aplea bhoinnicheo moskoreo kortoleacher
virudh dakhoilo mhonn Afzal navanchea monxan anik sat
bhageleank ghetle ani tacher akromonn kelem.
Dolle ugoddpa sarkeli gozal hi. Amchea innosent
(zaum ti tuji vo mhoji) bhoinnacher disa uzvaddan
bhoimkor akromonn zata. Amchem kalliz ugttem korun
on-Goykarank ami boro ievkar ditat. Punn amchea
oskotayecho adhav (faido) te ghetat. Amchi oskotai
oxem mhonnpachem kharan mhonnlear ami lhan vavr korunk
loztanv. Bar-anim, khannavolint (restaurant) veller
aslelea xakanim, xetkaman, ani yer kosloi-i vavr
korpak voilo lok dista. Bolsak bhurak aslolo pasun
Gõykar fidalgo zala. Afzal, Mohamed Gavas, Abdul
Shaikh, Sameer Bepari him nanvam kollit kortat tanchi
zat kitem ani te konn te. Pulasanim guneavkarank dorun
bond keleat punn thoddea disanim favo to ruzvat
(evidence) na zaun tanchi sutka zateli ani sutka divpi
ami nivddun kaddlele amchech fuddari astele. Kiteak he
dis ekdom mothvache. Eleisanvam darer asat. Zori hea
guneavkaranchim nanvam ration kadar aslear, odik kam
tanchem piktelem. Hi amchi doxea lobad ani dovdirea
rajkarnnanim (politicians) kelea. Punn Gõykar hea
fuddem nidhun ratolo oso nam mhonn kallchea sumanantlo
Moddganv Bandh hi ek xiddkavnni loz naslelea
amdar-montreank pavtti kelea. Dekhun hanv mhonntam
aicho Gõykar zagrut zata. Thodde pavtti oxem-i bhi
asta. Borelo monis bina chuk eve teasing hatunt bolli
(victim) poddtta.
Khub vorsanchi gozal hi. Utorda-Mollar, Vasco savn
Moddganv vetele bosir hanv choddlom. Rikami aslelea
eke bosker vochun hanv boslom. Mhoje bazuk ek
salwar-khameez neshun asleli choli asli. Teg
poinaranchi (passengers) boska ti. Cholieche bazun
anik ek nentto tornatto bosun aslo. Mhonntoch ti
cholli doga tornattea modim. Tinnem, tichea uzvea
bazuk bosun aslelea tornnateachea kana xim kitem tori
gunngunnlem ani ti uthunk kori punn ticho
salwar-khameez-ar voir soddpacho dupata mhojea kullea
(buttocks) ponddak aslo mhonn hanv bosker bostanam
mhaka gomunk naslem. Jedna ti, aplo dupata forsan
oddun kaddunk kori tennanch mhaka gomun ailem ticho
dupata mhojea kullea pondak asa mhunn. Hanvem, mhoje
kulle voir korun tigelo dupata kaddunk tika adhar
dilo. Hea vellar to tornnatto kitem somzolo ti mhaka
khobor nam. Tidki-midki Hindi bhaxen ferem-ferem korun
mottean ulovpak laglo. Bosintlo soglo lok amchea
islean polletalo. Mhaka loz zali. Mera bhahen ki
hizat ho sobd dor ek, to uloitolea vakean (sentences)
mhonntalo. Tednam mhaka titli Hindi ienasli punn Hindi
film-a pollounk mat chukoinaslom. Ani tea disa,
tennachea Cinema Metropole theater-ran choltolea
eka Hindi cholchitr pollouk mhonn bhair sorlolo
subhagi, sab-subho eve-teasing hea vorgan vochun
poddlom. To chodduch ferem-ferem korta tem aikun
mhaka-i tiddok choddli ani hanvem mhojea lagim asleli
tambddi Hindi marli.
Meroko kya kobor? Mera bonk pondak dupata tha?
(hanv mhonnonk sodi, mhojea kullea pondak dupata
aslolo mhonn mhaka khobor nasli) Hindi-ntlean hanvem
tin-char pavtti tori mhonnlem. Punn, te cholie-cho
bhav mottean aroddlo.
Kya bollta tu? Bonk-bonk-bonk.
Laginch bosun aslolo modlea piraecho dadlo utthlo
ani amchea xim yeun goir-somoz zalolo to nittaer
ghatlo. To boro Hindi zanam aslo. Punn mhaka anik
thoimsor bosunk naka aslelean bosichea fattlea daraxim
vochun ubho ravlom ani bos Cinema Metropole-xim tambli
tedna bosintlo dhenvun nitt cinema hollaxim vochun
tikett kaddun bhitor sortanam mhozo ek ixtt gavlo ani
ami, tenkonuch aslela gadier (hawker) thondd piepak
ghele.
Bosint ghoddleli gozal taka sangtanam cinema
hollantli nimnnim ghantti vazli tedna ami bhitor
sorle. Uzvaddantlean kalloki hollant bhitor sortanam
dollea samkara kallok-kallok zata. Mhoji tikett hatant
dhorun boska dakhovpean torch divea adharan mhaka
mhojea boskexim pavoilo. Hanv bosker boslo tedna
mhojea kullea pondak kitem tori motti vost addkoli.
Hanvem boska dakoitelea monxak ulo marun sanglem.
Are babush. Matxe light ghal. Mhojea bonk pondak
kosli tori vost asa.
Oh no!!! Idhar bhi tu aa gaya meri bhahen ko satane
ke liye.? Vollkicho tallo mhojea kanar boslo
.Ani
pollelear? Bosintlim bhav-bhoinim.
Lino B. Dourado
http://www.goa-world.com/goa/poems
http://www.mail-archive.com/cgi-bin/htsearch?config=gulf-goans_yahoogroups_com&restrict=&exclude=&words=Lino+B.+Dourado
____________________________________________________________________________________Get
the free Yahoo! toolbar and rest assured with the added security of spyware
protection.
http://new.toolbar.yahoo.com/toolbar/features/norton/index.php
-------------------------------------------------------
Goanet recommends, and is proud to be associated with,
'Domnic's Goa' - A nostalgic romp through a bygone era.
This book is the perfect gift for any Goan, or anyone
wanting to understand Goa. Distributed locally by
Broadway, near Caculo Island, Panjim & internationally
by OtherIndiaBookStore.Com. For trade enquiries contact
[EMAIL PROTECTED]
-------------------------------------------------------
