https://www.facebook.com/photo.php?fbid=1295814437109558&set=a.176720485685631.40790.100000430425817&type=3&theater Ghugum Roddtta Ten’nam....
Ratchea vellar kalljidar mon’xanchea kallzant bhiranticho kanttoani kuddir xellogham’ haddpi ghugumacheo kannio, ami lhan astanam amcheavhoddilam koddlean aikoleat. Ganvche ximer ani vapor zainaslolea ghorancher techoddxe distale tea khatir to zago, bhutancho mhonnttale. Ghoracheapaddosar te roddlear, paddelem noxtt gheun ailam mhunn ghorantlim vhoddilam mottheanavaz korun tankam dhanvddaupachi tozvit kortalim. Punn dusrea disa xezarcheakivam soireanchea ghorant konnui tori gombhir duent zala vo sorla (mela) osli vaittovi khobor aikunk mellttali. Ratcho konnuin bhonvtta ten’nam ghugum roddtta mhunn, ek mhon’ni asa. Konnuim monisratrichea vellar konnank tori vhodd luksannank pavoupachi vaitt kornni adarunkveta tea somoyar ghugum veglloch kharkhas avaz korun, lagim aslolea ghorantravpi lokak xittkavnni ditalo mhonn zannttelim sangtalim. Borea kama khatir ratichobhair sorlolea mon’xachea fattik ghugum lagonaslo mhunnttat. Konn boro ani konnvaitt monis tem ghugumank kollttalem mhonn vhoddilancheo vividh kolponikkannio voranvor aikon, hanv choddso ratcho ghorantlo bhair soronaslom.Punn ken’naim ratchea fungsaumvank gel’le koddem ghora portotana mhaka ghugumdisonaslo. Goddie zait te mhoje mon vollkhotale. Choddso ghugum rachea vellar konn naslolea zagear dista ani thoimtaka bhutam mellttat mhonn sunneank koxem kollttalem ti ek gomotichigozal. Zaite pavtti hangachi lhonv ubi zata toslio akantacheo huyelisunnim ghaltalim tea vogtar amchim vhoddilam soroll mhunntalim “paddelemkhuim tori pesaum ailam astolem”. Ghugumank motthe dolle aslolean takapurnn kallokhant barik vost porian nigut dista. Amchea ganvant bizli yenvcheadim kerosin diveachea uzvaddan kitem tori bapain sodunk sanglear, ani ti vostmhaka mellonam zatoch mhozo bapui mhaka mhunntalo, “ghugumanche dolleasat mure tuka”. Ghugumachem gordon (neck) sumar 270 degree koslechtras zainastanam sompeaponnim tanchean halounk zata. Aitarache Misa uprantghora kodden, kosloch vichar korinastana mhoje tokler kutti marun mhoji avoimhunntali “Mis chalu astanam ghugmam baxen tuji tokliyevtten-tevtten kiteak ghunvtali?” Bhutam kodden ghugumachem naddbhudichem setting aslolean,tim astat thuinsor ghugum distat mhonn zannttele uloilolem ami aikolam.Sokalchea vogtar iskolache vatter melolo ghugum dislear, amche zanttele sangotaka bhutamni marun uddoila. Mon’xancher bhirankull kampero haddpachem kam’bhutanchem. Ghugumancho bovall mhollear, paim vatten yetolo ratcho vattsur tivatt chukoun dusre vatten vetalo dekhun bhutank borich tiddok martali ani hemkarann aslem khoim tankam jivexim marpak. Aichea tempaveli Gõychi poristhiti pollelear adlea vhoddilancheakolponik kanniancho ugddas mhaka yeta. Aichea Gõyant, Delhi thaun denvlolim disa uzvaddan zomin luttpachim bhutam Gõykarank sotaunk lagleant. Dor ekganvche ximer rakhonnddar asta. Akantak sampoddlolea ratchea vattsurianktanchea vollkichea mon’xachem rupan ghorachea humbrear meren pavoitoleo gozaliamkam sangleat. Gõyantlea challis motdarsonghantlea lokan ek ek korun challisrakhonnddar nivddun kaddleat. Punn he pottdolldire apsvarthi fuddari Delhicheabhutank mellun amchem bhangarachi zomin tankam vikun Gõychem ghott’tton korunsoddlam. Tancher ghuguma porim 360 degree tokli ghunvddaunkoddok dollo dovorpiank, Delhiche bhutamni kaim Gõychea holkott netanchea adharan jivexim marleat. Delhichea bhutank khuxi korunk Gõyche lobadd fuddariamni Mopavimantollacher virodh asloleak poilo nattak kela. Nhoi fokot Vaxim punnprotek Gõyche ganv samballunk ulo martoleacho avaz, Sant Estavam nodint buddounbond kelo. Atam tisreak Romi Konknni khatir bovallttalo mhonn Mumbai pattoundila. Tacho nikal koso lagtolo hem mat, ghugum roddlea uprant gomtolem..... Lino B. Dourado
