------------------------------------------------------- CONVENTION OF THE GOAN DIASPORA FROM GOA INTO THE WORLD Lisbon, Portugal June 15-17, 2007 Details at: http://www.goacom.org/casa-de-goa/noticias.html -------------------------------------------------------
*"Cholchitr vo **Video film** mhunn dorzo naslelem lokak kitem-i divchem nhoi:" T-Bush* (Ek mulhakat V. Ixtt-ak) * 24 Abril, 1957 vorsa, MOGACHO ANVDDO hem poilem Konknni cholchitr uzvadda ailem. Tea nimitan, vorsavolli pormannem, Abrilache 24ver, 2007 Dalgado Konknni Akademin (DKA) Ponnje Institute Menezes Braganza Vosreant Konknni Cholchitr Dis monoilo. Hea vellar, Kuveittant nokri korpi udeto, nanvosto ani tornno Gõykar cholchitr digorspi ani 'producer' T-Bush to-i hajir aslo. Konknni Cholchitr Dis-a nimitan tache koddchean amchea protinidhin ghetleli mulakhat ami amcheam vachpeam mukhar dovortanv. -Sompadpi)* * * *V.Ixtt: Gõyant, BFA-ntlea Audio-Visual-ant ddigri xikop kortoch, choddxe zann cholchitrachem xikop Mumboi kortat. Zalear tuvem Londonant kiteak kelem?* *T-Bush:* Mhaka ieram poros hea mollar vegllea konnantlean *(angle),*kholayen ani dorjedar *(standard)* oxem xikpachem aslem, dekhunuch Londonant gelom. *V.Ixtt:** Londonant kelelem xikop tuka kitlem porian faideachem zalem oxem dista?* *T-Bush:* UK-ntlea London Film Schoolant Art of Film Making & TV Production-ant kelem xikop aiz mhaka bhorpur faideachem zalam.Tea xikpak lagun aiz mhaka cholchitrachim vegllim-vegllim angam bhes-borim somzotat, ani cholchitrancho dorzo-i somzota. *V.Ixtt: Cholchitram korpant tuzo onnbhov kitem?* *T-Bush: *Hanvem *The Letter* nanvachem inglez *short film* kelam. Hem film zorui Kuveittant shoot kelam, torui polleteleak tem Amerikent *shoot*kelam dista te kolatmok pod'dotin hanvem kelam. Hem cholchitr London-ant *International Short Film Festival*-ant dakhoilem ani hea cholchitra khatir mhaka 3 puroskar mell'le - Best *International Short Film Award,* *Best Director Award* ani *Best Technical Award.* Khorem mhonnlear, hem film mhojem, Gõyant poilo *IFFI* zavpachea vellar toyar zalelem ani Gõyant-uch tacho *premier show* korunk ievjilelem. Punn ievjilelem toxem ghoddunk nam. Mhonntoch hanvem tem London-ant *International Short Film Festiva *patthoun dilem. Hea cholchitrachi borpavoll, digdorsop ani nirmiti hanvench keleli. *V.Ixtt: Cholchitr ani Video Films (VCD) hanchem modem ontor kitem?* *T-Bush:* Cholchitr hem kormonnukechem *(entertainment)* khorem ani sthapit *(established)* zalelem madheom *(medium)* Taka zait nem' asat, tanche vixim sangtolo zalear taka ek vegllem *session* zai. *Video Films (VCD)* mhonntat tem kormonnukechim madheomuch nhoi. *V.Ixtt:** Zalear kitem tor tem?* *T-Bush:* *Shooting* korpacho kemra hatant dhorunk mellta mhunn kitem-i *shoot* kelem mhunn tem *video film* koxem zaum ieta? *VCD*-cho zo 'concept' asa to veglloch. Somzum-ia, Pakistanantlea lokacher Bharotant ek cholchitr kelam, punn Pakistani lokak tem tancheam cholchitr-ghoramnim pollevnk mellonam tedna tem cholchitr *'Video Compact Disc'* -an *(VCD)* tankam patthoitat. *V.Ixtt:** Zalear, aiz Gõyant onnbeam porim Konknnintlean bhair sorpi Video Film-ak kitem mhonnop tor?* *T-Bush:* Home videos! Ghorant *video*-cher ghalpacheo ani *time pass*mhunn pollevpacheo. Tantum cholchitracho-ekui ghottok *(element)* nam. Cholchitrant ek *seriousness* asta tem *home video*-nt asonam. *V.Ixtt:** Punn tum mhonnta te Home Videos korpant Gõyantleam nanvosteam digdorspeancho ani cameraman-ancho-i vantto asa?* *T-Bush:* Nanvoste digdorspi ani *cameraman* jednam osle *Home Videos*korunk fuddem sortat tedna te-ui aplo dorzo denvoitat. Kiteak *Homeo Videos* konnachean-ui toyar korunk zatat. *V.Ixtt: Aiz khubxe producers Konknni video filamam 'Cholchitram' mhunn bhair ghaltat. Tem kitlem porian sarkem asa?* *T-Bush:* Oxem korun te lokak fottoitat ani tache vangdda* market value*denvoitat. Lokak borem video film divop hem *producer*-acher dhorlelem asa. Choddxe *producers,* duddvanchea faideacher nodor dovrun lokak *video film-*achea* *nanvan kitem-i ditat. Lokak-ui uprant apunn film vo tiatr vo anik kitem polleta tem khobor asonam. Tantum lokacho guneanv nam, kiteak svota *producer*-akuch apunn lokak kitem dita tachi khobor asonam. *V.Ixtt:** Aiz amche tiatrist apleam tiatrachim cholchitram kortana distat. Tujem mot?* *T-Bush:* Tiatrak 'tiatr' mhunn tacho kherit dorzo asa hantum dubavuch nam. Punn tiatrachi borpavoll *(script)* ghevn cholchitr vo video film korunk zainam. Hem cholchitrachea *concept*-antuch bosonam. Punn ek, tiatrachi *story* ghevn cholchitr korum ieta. *V.Ixtt: Konknnintlem poilem cholchitr 'Mogacho Anvddo' uzvadda ailear 57 vorsam bhorlim. Torui, aiz itleo sovloteo asun-ui tea kallavele tankichem ekui cholchitr Konknnintlean ievnk nam. Kiteak?* *T-Bush:* Kiteak amcheam *producer*-anchi nodor mottvi ani chintop oxir.Dusro korta mhunn te apunn-ui korunk sodtat. *Professionally* fuddem vochpacho tancho vichar nam. *V.IXtt: Somzum-ia 'professionally' ek Konknni cholchitr kaddlear tem kitlem choltelem?* *T-Bush:* Fattlea mhoineant, Abrilache 24ver, Ponnje Dalgado Konknni Akademin *(DKA)* *Konknni Cholchitr Dis* ghoddun haddlo. Thoimsor bhasabhas zatanam, DKA-cho odheokx Tomazinho Cardozan sanglem - "2 lak tor lokamnim ek Konknni cholchitr pollelem zalear, *producer*-acho khorch bhortolo." Punn hanv mhonntam, ho 2 lak lok legit hem cholchitr kiteak pollevnk ietolo? Hea lokak khorea orthan cholchitr mhonntat tem kitem tachi poili khoboruch nam oxem tuka disonam? Hea lokak dorzo naslelim *video film*-anchi sonvoi keleli asa. Faleam konn-ui dorjedar cholchitr ghevn ailo zalear, tem-ui tosleach dorjeachem oxem lok somzotolo. *V.Ixtt: Zalear osleam lokachem chintop bodlunk tujea sarkean kitem-i korchem oxem disonam tuka? * *T-Bush:* Dubav viret dista. Dekhunuch hanv ek Konknni cholchitr gheun dakhounk eitam. Hem cholchitr hanv Gõyant sogleam zageancher dakhoitolom. Choddan chodd lokamnim hem cholchitr pollelelem mhaka zai. *V.Ixtt: Fattlim 3 vorsam DKA "Konknni Cholchitr Dis" monoita. Te babtint tujem mot?* *T-Bush:* DKA-k xabaski! DKA itlo tokos ghevn ho dis monoita, punn hea disa chaltea lokak soddlea zalear, Konknni cholchitrank borpavoll korpi, digdorspi, *producer*, kolakar mhaka konnuch disonk nam. *Konknni Cholchitr Dis*-achi konnak-ui chodd goroz asa zalear ti heam sogleank. Tea disa zaleli bhasabhas cholchitrank borpavoll korpi, digdorspi, *producer*, adi. hankam sogleank dolle ugte korunk mozotichi zateli asli. *Konknni Cholchitr Dis* ho cholchitram kodde sombond asleleank khas korun lagu zata. Somzum-ia cholchitr vo *Video Film*-am korpeank tea disa sorkar-an 20-20 lak rupia dita mhunn jahir kelelem zalear, he lok mud'dom, vellant vell kaddun thoimsor hajir ravtele asle disonam tuka? *V.Ixtt: Konknni cholchitr vo Video Film-am korpeank tuzo sondex?* *T-Bush:* Gõykar Konknnichea mogache. Konknni tiatr, cholchitr mhonnlear te pixe zatat. Hea lokak Konknnichea nanvan kitem-i khopta mhunn duddvanchea faideacher nodor dovrun tankam cholchitr vo *video film* mhunn kiteachem kitem-i dorzo naslelem divchem nhoi. Lokak dorjedar tem dilear lokacheo avddi-i dorjeacheo zateleo. Cholchitrantlean lokanchea monacho dorzo vaddovpachi zababdari, cholchitra kodden sombond aslelea dor ekleacher dhorleli asa. Lokak jem dorjedar kitem dita tachevelean cholchitr vo Video Film korpeancho-i dorzo disun ietolo.** http://www.goa-world.com/goa/poems http://www.mail-archive.com/cgi-bin/htsearch?config=gulf-goans_yahoogroups_com&restrict=&exclude=&words=Lino+B.+Dourado ____________________________________________________________________________________ Finding fabulous fares is fun. Let Yahoo! FareChase search your favorite travel sites to find flight and hotel bargains. http://farechase.yahoo.com/promo-generic-14795097 ------------------------------------------------------- Goanet recommends, and is proud to be associated with, 'Domnic's Goa' - A nostalgic romp through a bygone era. This book is the perfect gift for any Goan, or anyone wanting to understand Goa. Distributed locally by Broadway, near Caculo Island, Panjim & internationally by OtherIndiaBookStore.Com. For trade enquiries contact [EMAIL PROTECTED] -------------------------------------------------------
