Pantle-bhor Konknni Mogi Paili-bhor Zale?
Poir tedus tapoun kaddlo. Adlea kuroikara bhaxen amchea ghora lagim, nemallim haddun diunchim mhunn xiddkailo. Don’par zata mhonnlear ‘Ful’ masik pavlem. Fuddarak chukoinastana haddun ditlo mhunn utor dilam. Hie adhunik kallar, hun vodde khavunk amkam ghanttar vochpachi goroz nam. Amkam zai ti vost, emkoddachea darar marlear, denvchar pasun amchea ghora lagim pavtti korta. Nakak dorlear tondd ugtem zata khoim. ‘Amcho Avaz’ sattolear ek budvont boroita. Ghora lagim haddun divpachi sovlot bond zalolean, Konknni mogi nemallim vachinant. Adlo Raicho kuroikar ekdom borem kam’kori. Vellantlo vell kaddun nemallim porxim ghora kodden vo offisamni haddun ditalo. Dekun, pantle-bhor nhoi punn paili-bhor aslole vachpi an’natem-bhor zaunchea adim, aichea kuroikaran adlea kuroikara bhaxen zaunchem vo tachea koddlean xikchem. Adim vhoi! Punn atam Konknni vachpi, nemallim sodunk bhair vochonam. Nemallim uzvaddak haddtoleamni vachpeank sodpacho vell ho! Boreach vorsamni ‘Ful’-acher aslole Konknni malgodeank Shrimati Dias, Rodrigues, Menezes, Pativ bab Vaz, Alphonso, Silveira, Gomes, Vel’lekar, Shri Gonsalves, Borkar, Viegas, Fernandes, Quadros ani sabar zanank polleun hanv khuxi zalom. ‘Hanv azun Konknni xiktam’. Dekun, Professor-achea ‘Promann Riti Vixim’ poilem vachunk suru kelem. Dhean diun vachlem. Borovpant konnacheo chuki asat teo kollunk hanvem mottea kurusidadin ‘Ful’-achi dor ek paklli sonspoli. Sahitichea unchlea panvddear axill’lleancheo legit borpantlia kaim chukincher niyall kela tem gomlem. Mhojea monnantlean ek avaz aikunk ailo. “Tujem kitem papia? Don gonttanchim borpam gheun nachta?” Kaim vorsam fattim ‘Boroilam Toxem Chapplam’ oxem kitem kat ‘Ful’ masikar suru kel’lem. Vhoddli masli (lekhokank) soddun Saudi nokri kortolea Konknni mogiachem poilem ‘asa toxem’ borovp chappun haddlem. Novo borovpi to. Chukisoit tachem borovp chappun, taka lojent ghatlo. Khub niraxi zalo. Borovp borem aslolem tor chuk sudravnni korun tem chappunk zai. Hem sompadpeachem kam’ aslem. Ani dusrem mhonnlear sompadpean aplea potrkaritachi frakez dakoili. Asa toxem chappun haddchem mhonnlear, ‘Ful’ masikak, sompadokachi goroz nam koxi zali. Hanv ogi ravunk nam. Saudi Gõykar Konknni mogiachem chuk sudravnni korinastanam poilem chappun haddpachem kharan maglem. ‘Face book’-ar ani her mavle thollar bovall kelo. Tisro mhoinno sumarak ‘Boroilam Toxem Chapplam’ bond zalem. Hanv jikhlom. Punn atam tench fattlea darvonttlean bhitor kaddlam. Dusre stailin. Konknnileant ‘aslo’ ttaip kelear ‘auto correction’ Inglishxin ‘also’ zata. Tivui ek borovpiachi chuk? Sompadpiachem kam’ koslem? ‘Junior’ sanv Konknni mollar vaur korun ‘Senior citizen’ zaloleanche pikil’le kens mezpachem? Lino B. Dourado | | | www.goa-world. com | | | | | GULF-GOANS e-NEWSLETTER (since 1994)http://www.yahoogroups.com/group/gulf-goans/ www.colaco.net http://www.live365.com/index.live Tumcam Maie-mogacho ieukar. Stay tuned to Gulf Goans e-Newsletter - everyday someone, somewhere learns a little..... ________________________________________________________________________________ THOUGHT FOR THE DAY: Every individual has a place to fill in the world, and is important in some respect, whether he chooses to be so or not.
