SoundPollution...
SunnimBhonktat Okasmat Face Book-ar ‘sound pollution’-acho bovall.Gorje bhair konnem eklean diskusanv kelam. Adim khoim, kazar, dans ani hersomarombhank rat bhor songitar nachtale. Punn atam..? Konkan Railway- n provaskortolea ani ‘Nagar’ vattarant ravtolea ‘votebank’ lokak, nidunk tras zatat khoim. Dekun, tanchea ‘god father’-an (vach: amdaran) ‘Prevention and Control ofPollution Act’ sokticho kela. Mhonge, ratche 10 tem sokallchim 6 meren, ‘no sound please’, ho kodok kaido chalikasa. Lakh duddvancho korchkorun dongurlea mattvamni zatelim kazaram, dedd vora bhitor kabar zatat mhunn, voileadiskusanvant anik eklean tiddok ugtaili. Kazarachea amontronnar lognachosomarombh sanjechea 7 vorar suru zatalo mhunn kolit kortat ani amontrit lok 9vorar vosreant ‘entry’ martat. Dusrea eklean diskusanv fuddem vhorun kazarak‘late’ pavtoleanchi izot kaddli. Fokot bufeti vellarui pavpi, amontrit lok asakhoim. Konn eklo zantteloastolo. Tovui diskusanvank bhitor sorlo. Adlea disancho vo adlea tempaveleakazarancho ugddas kelo. Vaddeant ek kazar aslear puray ganv zagrut astalo.Ratchea kazarak, mattva bhair kollokant ubim ravun, mattvant nachtolea apleaghorcheank ani vhokllechea vo novreachea vatten ailolea lokak polletalo.Ten’nancho ‘sound system’ atam torennaslolean, xezarchea lokak nidunk tras zai nasle. Punn atam? Amchevorsa-volliche festache dans bond. Festacho tiatr ratchea 10.30 vaztam suruzatalo, tovui bond. Kazaram ani her somarombh ratchea 10 poilim bond. Adim, Natalancheani Novea Vorsache dans pulis NOC aslear puro asli. Atam dans korunk, jil’loodhikariachi (district collector) porvongi zai. Ghelea vorsa NuventloWoodbourne vosreant aslolo Natalancho Dans pulis fouz haddun bond kel’lo.Kiteak? ‘Sound pollution?’ Vo anik dusremkharan aslem? Bhailo lok Gõyantbhitor sorloleak Gõykaranchi sabar vattamni nid piddear zalea. Te bhaile lokeklech yenant. Tanchea sangata tanchi ‘pets’ (sunnim, mazram ani kunkodd) ghorchiazon’varankui haddtat. Adim, parpoll sunnim bhou thoddim distalim. Tinvuimzalear xaramni. Atam gavantlea konxea-konxeamni ratchem 144 kolum toddun,‘Nagar’ vattarant ravpi lokachim dha-bara sunnim sangatat ganvant heddlolimdistat. Susegad Gõykar, ratchea10 vorar nidunk veta. Punn him parpoll sunnim ratchim 11 vorar bhonkunk suruzatat. Tanchea bovallen nid piddear zata.‘Sound pollution’ zata tednam, bos bhorun pulis fouz pavta. Hea bhonktoleasunneanchem ‘sound pollution’ konnbond kortolo? Hi zababdari konnank lagu zata? Ganvchea Panchayatik vo Nogorpalikek?People for the Ethical Treatment of Animals (PETA) zababdari gheit? ‘Rabies’ piddeche bhirantin, Nogorpalikeche ‘kardad’monis parpoll sunnim rostear disti poddlearfaran jivexim mari. Kagall kelear, ganvantui heddtole sunniecher far bostalo.Mumboichea unchle nitisobhen parpol sunneank marunk bond kelea uprant,sunnianchi poltonn vaddlea. Ratchea vellar ani dis uzvaddantui rostear bonvunkbhirant dista. Unchle Nitisobhen parpoll sunnienk marpachi portean porvongidiunk konnem tori orz kelear, People for Animals (PFA) kitle dhados zait? Namnhoi? Dans, kazar, tiatr, nattok ani utsovank ratchia 10 uprant avazacho bovallar pulisanchi bos bhorun somarombhcholtolea zagear pavta. Zalear, sunnim bhonktolim ‘sound pollution’ hacher tabo konn dovortolo? Amkam zabab mellot? Lino B. Dourado Lapitt http://aitaracheokaskuleo.blogspot.com/
