Dhirio Portean Suru Zatat? Khub disanim ek boil ani reddo nodixim udok piyevnk aille kodden bhettle. Reddo soddam porim huxar naslo. Gaborlolo distalo. Boilan taka vicharlem. BOIL: Khub disanim mure? Gaborlolo koso dista. Zalam kitem?
REDDO: Avois!! Tukach khobor nam tor? BOIL: Tuje bhoxen hanv chodd heddtam? Xet kosovpak zotak bandtat mhaka. Ani mhojem kam kitem? REDDO: Hei-ii. Hem soddun di. Atam tum, adle bhoxen porot don payanchea zonovaram (vach: monxam) modim famad zavncho asa. Sardin aileant dokhxinn Gõoyant. BOIL: Hea disanim rampnink bangdde poddtat mhonn aikolam hanvem. Sardinam khoinchim ailim? REDDO: Boil to boiluch tum. Doreachim sardinam nhoi re papia! Kurttore ganvchem sardin. BOIL: Are Reddea, tuji adli pillgi borim zonovoram aslim zalear tumche pattir bosoilele teg Rai-ank ghevn udkache tollent dhenvche nasle ani baddde Kurttore xezarchea ganvant aslele zonovarank (vach: monxank) tumchea nanvan azun hinsavpache nhoi. Sardin, sardin mhonnta to, mhaka dislem tarleanchi gozal korta mhonn. Are poir eleisanvank nivddun aila to Foransik Sardinha mhonn sangonk sodta tum? REDDO: Oi. Punn tuka-i borim nanvam ucharunk (pronounce) korunk yetat mure? BOIL: Kiteak yevnchi nant? Amchea ghorant soglim Inglix tastat. Tem bogom re atam. Ek sang, tum gaborlea porim dista. REDDO: Are ho Kurtorecho sardin sorry Sardinhan, eleisanvam vellar managelem fest kaddlelem . BOIL: Are Reddea, manifest mhonntat taka. Tacho orth, eleisanvam vellar zomateo kortat ani motdarank bhaxon ditat tednam apunn nivddun ailo mhonntoch jem utor borovn dilelem tem purem kortolo mhonn sangtat REDDO: Dekhunuch sangtam tuka hanv. Adle tuje, All Goa Champion zavpache dis, lagim aileat. BOIL: Kosle dis re te? REDDO: Sardinhalea manifest-an, apunn Delhi-chim eleisanvam BOIL: Lok Sobhechim mhonntat REDDO: Oi, oi. Lok Sobhechim eleisanvam jiklo zalear Gõyant redde-boilancheo dhirio bond asat teo, porot suru korunk porvongi ghetolom khoim. BOIL: Hanv sozmotalom char payanchim zonovaram ginean naslolim kai mhonn. Pollevnk ghelear don payanchea zonovorank ginean nam mure? REDDO: Oxem kiteak mhonnta re tum? BOIL: 1996 vorsant, Mumboi Unch Neayaloyaeche Ponnje Khonddpittant (Panjim bench of Mumbai high court) Prevention of Cruelty to Animals Act, 1968 kaido laun, poromporik dhireo ghalcheo monam kelelem asa. Zalear hi korttin dileli hukum adlea professor Sardinhank zanniv astanam koxe toren tannem osli bhas divn ginean aslelea zonovorank fottovnk yeta? REDDO: Fottaxeo aikotele pixe re? Dekhunuch choddxim ghorant ravtelim zonovaram Lok Sobhechea eleisanvam disak, bhair sorunk nant khoim. BOIL: Dhirio mhonnlear, amche hal zatat hi tuka khobor asa reddea? Zonovorancho murkponnim upeog korun toddeanim poixe zomoile zalear ganvantli xanti ani ixttagott hea amchea dhiryeank lagon piddear zatali. Camilacho boil jiklear Pedro pikar zatalo. Jack Joãocho reddo jiklo tor Inasak tiddok choddtali. Ani hem soglem, amcher apost (betting) marlele piddear zale mhonntoch ganvche tinttear sorea pompar boballtat tedna kolltalem. REDDO: Punn kitem-i zaum re. Dhiriam tempar tuka borixi pend, gonv, ani yer ruchik gottsanichem poddtalem. Atam poi tuka. Funk marlear soklak poddtolo. Hem soglem borem-borem amchem jevonn bond poddunk People for Animals Nirmonnank lagun . BOIL: Nirmonn film nhoi. Vokil, Norma Alvares reddea . REDDO: Ham!! Oi. Ti anink modinch aili ani Gõycheo poromporik dhirio bond korun ghaleo. Ek sang re. People for animals, mhonnchem kitem? BOIL: Zaum!! Kitem tori tum zannam zavnk sodta. Don payanchea zonovorank people mhonntat. Tujea ani mhojea oslea ghorchea zonovorank domestic animals, ranantlim wild animals sunnim-mazram pet ani oxe toren zaitim Inglezin nanvam asat. Tum Morathi xiklolo reddo nhi re ani .. REDDO: Xoma kor. Modinch tond galem mhonn ragar zaynaka. Ek sang, Gõyche Vidhan Sobhen vichun kaddlele 40-sank kitem mhonntat? BOIL: Konnank zay toxim nanvam dovorchim punn, zonovaram mhonnon amkam opman korum naye. Ani ek ugddas kortam tuka. Adle Kendr sorkaracho kaide montri (union law minister) ani atancho Gõycho PWD montri Churchill Alemao dog-aim thaim champion redde-padde asle. Tevui-i dhirio chalu dovorunk bhouch khottpottlele. Kaide sorxim tanchi dal kopunk nam. Ani tuka dista Sardinha thaim ho kaido hallounk yetlo mhonn? Soglleo fottaxeo reddea. REDDO: Ek mhozo upkar tujea thaim. BOIL: Koslo? REDDO: Portean, portean mhaka reddo mhonnom naka re. BOIL: Kitem mhonnchem? Ginean aslolo MONIS? REDDO: Are, are hem poi. Xetan sogloch dhul zala mure. Konnacho boil re to gayeche fattik lagla? BOIL: Like father like son. Put to mhozo. Hem kainch nhoi Reddea. Mhoje dhanddge pirayer hanv uzo kortalom. Voir ganvant aslelea zonvorank (vach: lokak) Rambo mostela mhonn kolltalem. REDDO: Punn atam kiteak zainam tor tujean? BOIL: (Lojun) Bonka poddink pollelam? REDDO: Kitem zalam tor? BOIL: Kapao kela Lino B. Dourado http://www.goa-world.com/goa/poems http://www.mail-archive.com/cgi-bin/htsearch?config=gulf-goans_yahoogroups_com&restrict=&exclude=&words=Lino+B.+Dourado ____________________________________________________________________________________ Never miss a thing. Make Yahoo your home page. http://www.yahoo.com/r/hs