Konknni Martyr-ancho Bhoumaan korta "Rom Lipi Action Front"
Goykaranchi mahaan sounstha "Romi Lipi Action Front" , ji Romi Lipiek
Raajbhas Kaideant bhitor haddpachi chollvoll-icho fuddakar gheta , atam
fuddem sorlea ek dobazo ghoddun haddunk "Konknni Martyr-ancho Bhoumaan". Ho
Dobazo zatolo 19 ver Dezembrache Sanjechea 3.30 vaztam, "Lohia Maidan",
Margao.
Goyant kitlexech, favo naslele munis legit, apunn suttke-zhuzari mhunn,
serkara-koddchean faido ghetat, ani khore Martyr (Hutatme) zanni aplo jiu
orponn kela, tancho konnuch ugddas kaddina.
Aiz, ekvis vorsam bhoron ailim, Sorgest, Florian Vaz ani Agassaim che 6
Goykarani, Konknni Bhaxe khatir aplo jiu dilo , punn amcho Goycho serkar,
tanche passot kainch korina.
Kaim fottkire fuddari Goychi raajbhas konknni apnnem kelea mhunn, aiz apli
xaati dhaddaitat punn jea munxeani Konknni bhaxekhatir aplo jiu orponn
kelo,tancho tankam ugddass legit iena. Dusrem , te satui Martyr , Romi
Lipi-entlea Konknni boroitale ani vachtale. Aiz tanche Lipiecher dhampnnem
uddoun he fottkire fuddari, Devnagari lipi gheun bosleat. Tankam konnem
sotea dilea zait, ho bodol korpak.?
Teach khatir aiz "Romi Lipi Action Front" fuddem sorlea, "nit" magonk.
Konnni Martyr-ank favo to "maan" ani "Romi Lipi' Raajbhas kaideant.
19ver Dezembrache 2007 tarker zatelea dobajeant Goyche Padri, Madri, Xikxok
, Potrankaar, ani veg-vegllea kshetrantle Goykar, haajir rautole.
Martyr-ancho bhoumaan kortele ani oniticher nixedh martele.
Dobajeachi kollounni pautanch, xemborani Padrini rekad dhaddla ki appnnacho
purai tenko assa nhunn, Konnni Martyr-ank ani Romi Lipiek.
Hea vixoiak adim saun soglea Goykarancho tenko tor asloch , pun atam
,poilech pautt ugtteponnim dissonk lagla. Ekvottan chollvoll fuddem vhoronea
"Soth", soglloch kall lipon urona. Ravon na pavon "soth" voir sortach. Ani
Romi Lipi, hem ek nibel soth.
"Romi Lipi Action Front" soglea Goykarank ulo marta. 19 ver Dezembr 2007
justuch 3.30 vaztam , Lohia Moidan-ar, Margao, hajir zaumchem ani
Matyr-ancho bhoumaan korcho.
Wilmix Wilson Mazarello
(Convenor, Romi Lipi Action Front)
