Pavs..Pavs..Pavs. Punn Tallo Bizovnk Udok Nam Nerul, Pilerne, Verem ganvantlea lokan Dezembravher 26ver nollantleant udok mellonam mhonn rasta roko korun nixedh porgotailo. Thoinsorlo ho dekhavo nhoinch poilo punn herui-i ganvanim lok rostear yeun udkachi oddchon asa ti suttavi korunk, Gõychea sorkarak ulo martat. Khorem mhonnlear amchea Gõyant heram Rajantlea vorn dupot pavsachem udok mellta., punn Gõycho Sorkar hacho lab ghevnchea vo tem udok samballun dovorchea (reservoir) bodla Gõychem nisontton kortole SEZ prokolpachea (project) fatlean poddla. Mandvi pulacher nodor ghalit voili gozal monan goloun Ponnje thavn Betim vochpi ferryboat-ir, Verem ganvcho Ramos ubo astanam, konnem tori tachea pattir hat marlo ani taka zagoilea porim kelo. Fattlea volun pollelear kolejint borabor xikpi, Assagao-cho ixtt Elton aslo. Eka-mekak hat divn Natalanche bore anvdde ditanam Gulfant nokri korpi ixtt Ramosak, Eltonan vicharlem. Kedna ailo Gõyam? Keddna vetlo ho vichar kor. Ramosan niraxi zavn mhonnlem. Dista mhaka, he pavtti tuji trip bori vochunk nam mhonn Koxi vetli? Aillea disa udkache noll shuke. Ek dis bizli aslear char dis sutti gheta. Fuddlea vorsa Febrer meren Tillari prokolp somptolo ani Uttor Gõyam aslelea lokacho udkacho prosn sodamkal somptolo mhonn Bhouxik Vavra Khatemche (PWD) Montri Churchill Alemao-an sangun dilam. Hi asol fott. Amdar-Montreak fottingponnam uloupachi sonvoim zaleli asa. Natalam adim Gõyche padd doxir aslele roste duruxtt (repair) kortolo mhonn Montri Churchill-an sanglelem, punn kainch zalem nam. Padd rosteank lagun amche borele tornatte akxidentant morun gheleat. Sunkraradis Ponnje Kala Academy vosreant Bharotache Prodan Montri Dr. Mankohan Singh-achea hatantlean Atomic Energy Commission Chairman, Dr. Anil Kakodkar-achem bhovman (felicitation) kelem. Amche amdar-montri lobad, fotting, Gõyem luttpi mhonn tankaim bille divn bhovman korunk zai aslem. Ramosan bhitor asleli tiddok Eltonam somor uktaitanam ferryboat Betim vatten pavli.
PM. Dr. M.Singh, Atomic Energy Commision Chairman Dr. Anil Kadodkar hanchem Bhovman kortanam Tunvem tuji motor-saikol haddunk nam? Motor-saikoli xivai Ramos bhair sorpi nhoi mhonn adim thavn Eltonank khobor asli. Dekhunuch tannem taka vicharlem. Amche roste konddkullanim bhorlele asat. Cholun bhonvlear ghora surokxit pavtolom mhonn bhorvonso asa. Ani dusrem mhonnlear atam khoinchai-i vellar rasta roko zata. Ani hech kharanank lagon mhojem kazar Mumbaim zalem. Dezembracher 26ver Eltonan Mumboi tikhann korun aslelea cheddva thaim logn zallem Oh! I am sorry. Visorlom hanv. Parabens. Email-in pattoilelem amontron, kazarachem kard mhaka mevlelem. Punn tunvem Mumboi kazar dovorlemxem? Nigtench tunvem sanglam. Khoinchai-i vellar Gõyam rasta roko zatat mhonn. Mhoje vokllechea familin ghelea vorsa, tanchea eka Mumbaichea soireachem kazaracho koddu onnbhov chakla. Char dis nollak udok nam tem nanch velean bizli nasun kimsanim tankam malaria piddecho inam dillo asa khoim. Kazara vo respera disa Gõyant Regional Plant 2011 nakach naka mhonn lok rostear ailolo, ani vokoll-nhovreak igorjent pavpak vell zallo mhonn Padri Vigar resper korunk tiddkelolo ti yad ajun tanchea monan jivi asa. Nokream khatir Gõykar pordesant vheta. Ani atam logn zavnk xezarchea ganvanim vhechem poddta. Fuddarak amchea bhurgeank dis marekar asat, Ramosan mhonnlem. Borem tor. Mhozo rekad tuje familik di. Magelem ravtelem. 'Hamlet' Gõyam kortolo? Ramosan vicharlem Somzunk nam, 'Honeymoon' Gõyantuch kai mhonn vicharta hanv. Elton lojist zalo ani tokli dusre vatten korun mhonnlem Hummm Kuidad ghe. Mhelleo vostu duupak, nollak udok asa teddnach 'hamlet' baz. Busint bhitor sortanam Ramosan mhonnlem. Lino B. Dourado http://www.goa-world.com/goa/poems http://www.mail-archive.com/cgi-bin/htsearch?config=gulf-goans_yahoogroups_com&restrict=&exclude=&words=Lino+B.+Dourado ____________________________________________________________________________________ Be a better friend, newshound, and know-it-all with Yahoo! Mobile. Try it now. http://mobile.yahoo.com/;_ylt=Ahu06i62sR8HDtDypao8Wcj9tAcJ
