Tamilan Jallikattu Gõyant Dhirio Kitle mhonn tras dahkttea porache? Jevnnachi ek tori unddi tonddant sarki ghenvchi asli? Upaxim nidhlam tem. Tunvenuch piddear kelam taka Bed-ivelem bixeanneam sarkem kortanam, Lapittache bailen dhuvechi tokrar di-it mhonnlem.
Hanvem? Koxem? Lapittan vicharlem. Bhailea jevnnachi vo fast food khannachi sonvoim zalea. Ghorantlem ruchonam taka. Bhurgeank ruchichem jevonn randlearuch gostan jevttelim nhi tim? Gozalincher, illoso mirsangicho pitto otoun Lapittan mhonnlem. Kitem? Vhoddlim asat tim hanvem randlelem hat lenvun jevtat. Tujea morgadachea tondak uzo marla. Rat bhor kagall (complain) di-it ravtelem? Nidhpachem keddnam? Ani tum kitem korta tor? Rat bhor potram vachtolo? Pongal Utsov-achi khobor aichea potrar asa ti, tunvem vachlea? Ghorantlo vavruch khobar zainam mhozo. Potram khoim vachunk pavteli hanv? Kitem ailam tem tori sang. Tamil Nadu rajeant Pongal vo luvnnecho utsav (harvest festival) Jan 12ver tem 15ver monoitat. Utsovachea tisrea disa thoinsorle xetkamti lok, garvam (cattle) vorvim xetachi pikavoll korunk adar zata mhonn garvanchi puja kortat. Tankam rongit rongan, angostravnni ani fullamnim bhortat. Haka Maattu Pongol mhonntat. Poilea disa kitem kortat to lok? Gozalincho rong fullovpak bailen vicharlem. Poilea disa, Bogi monoitat. Pornneo vostu, kopdde bhair uddoitat vo lastat ani noveo vostu bhitor ghetat. Poromporik dusro mukhi dis Pongal. Hea disa tandlam borabor tajem dudd, godd eka novea aidonant sakor, kazu bieo, pasam (raisins) tatunt misoll korun aidonachea gollea voir kottkotto yev meren fantea parar vo suria udenvchea adim xizoitat. Luvnnechea vellar adar diteleank upkaranchi bhett divn choutto vo nimnno dis Kannum Pongal palltat. Punn hem soglem mon divn vachunk, tuka konn tori Tamilian sampodlam kitem re? Lapittache bailen moskorean vicharlem. Umedichi gozal mhonnlear ghelea sumanant Suprim Korttan, Pongolachea Utosova somoyar soro divn ani mirsangincho pitto dolleancher gostun zonvorank uchamboll korun nixthurponnim dukhavoll ditat mhonnn Jallikattu, ho 400 vorsam odik dhirio lavpi poromporik vorsavollichi porob monoipacher kaidean bondi ghatleli. Dhormik bhavnnam (religious sentiments) dukhoilim mhonn Tamil Nadu-cho lakanim lok rostear yevn khor nixedh porgotoch, veg-vegim Uchch Neayaloyan Jallikattu vo gerram ani her khell porot chalu korunk hukum dilo. Punn, zonvarank mat koslich dukhavoll zanvchi nhoi mhonn koddok xiddkavnni dilea. Toxem zalear Gõyantui dhirio porot chalu zateleo mhonn bhorvonso asa tor Lapittache bailen vicharlem. Khasdar Francisco Sardinha-an, Loksobhachim eleisanv jikhlear, jerul dhirio portun chalu kortolo mhonn Dokxinn Gõyche motdarank utor dillem asa. Hem songllem eleisanvam vellavelo khell. Uprant mar xenddi. Rajkarnnichea utrancher visvas dovorunk zainam tea vixim sumar korun Lapittache bailen mhonnlem. Tamil Nadu-cho lok vorsantleant ek pavtti Pongal Utsov monoita. Ganvanim lhan, lhan porbam somoyar to lok dhiro ghoddoun haddtat ani mouzen dis sartat. Adim Gõyant, ganvchea festachea nanvan dhirio ghoddoun haddtale ani zoitivontt zallea paddeachea malikak porbim ditale. Lohu, lohu he dhirio bond mattov ghalun tikettinnim suru zaleo. Nanv voste Rambo, Bullet, Black Fighter, Tortoro, Zogil, Kampri, The Thunder, Rocket, Missile ani sabar redde-padde aslear lok upott ghalun dhiro pollevnk vhetalo. Thodde pavtti uchamboll zalle redde-boilanchea xingank xirkun lok zokmi zatalo ani toddeancher akttak mornn porian aillem asa........." Lapittacheo khobro aikota-aikotam tachi bail nidhen gorevnk lagli. Tannem, laginch aslelea mezavelo bizle divo palloilo ani tovui bed-ir, bailek ghott veng marun nidhunk ghelo. Boreach vellan, Lapittache bailek okosmat zag zali. Pattlean kosli tori nibor vost addkotelean tichi nidh piddear zali ani tiddken tinnem mhonnlem. Dusre vatten tondd korun matxe nidhxi?" Gotteant garvam aslim mhonntoch xingak xing haddkotach nhi ge?" Lino. B. Dourado http://www.goa-world.com/goa/poems http://www.mail-archive.com/cgi-bin/htsearch?config=gulf-goans_yahoogroups_com&restrict=&exclude=&words=Lino+B.+Dourado ____________________________________________________________________________________ Be a better friend, newshound, and know-it-all with Yahoo! Mobile. Try it now. http://mobile.yahoo.com/;_ylt=Ahu06i62sR8HDtDypao8Wcj9tAcJ
