---------------------------------------------------------------------------
2008 International Goan Convention
Toronto, Canada
Early Bird Discount Registration closes March 31, 2008
http://www.2008goanconvention.com/regform_print.html
---------------------------------------------------------------------------
Mangnnem, Upas, Jinzvar. Punn.....?
Kitloch vell fonachi bel vazli. Perpetak husko zalo.
Gelea tin dis Povitr Brestar, Povitr Sunkrar ani
Povitr Sonvar tigeli ixttinn Palmira upas ani jinzvar
kortalem. Goddie borem nam zalem kai? Perpetacho husko
anik-ui vaddlo. Fonacho receiver sokoll dovorchea
vellaruch konnem zodd tallean avaz dilo.
Konn uloita?
Hanv.
Hanv konn? Odikuch zodd tallean vichar.
Hem Palmirachem ghor nhi? Dubhav pois korunk,
Perpetan vicharlem.
Konnem sanglem nhi mhonn?
Ago dukri, tujea taleak kitem zalam? Avaz bodolla
mugo? Sonsunk zainam zalear upas kiteak korop?
Moddeak?
Happy Easter.
Oh! Sorry-sorry. Happy Easter. Ago ollxige,
sokallchim 9 vazlim mugo? Azun nidhen asa?
Hanv nidhlear tuka tras zatat?
Toxem nhoi go kolvonta. Ratim, Paskam Porbechem Mis
somplea uprant mhaka mellum nastanam porian tum
dhanvim-dhanvim ghora gellem mhonn, soikoilea
vaddeantlem randunn Fulment sangtalem. Mhaka dislem
goddie potta bhuken tum bore nam zalem mhonn.
Tum kednam sudortelem tem hanv sangunk xokonam,
punn tum sangta tim fottingponnam ani uloita tim
pozoddponnam aikun-aikun mhoje kan mat bere zatele.
Ratim, Fulmentacho cheddo boro nam zavn taka ghevn tem
babddem hospitalan aslem ani tum
?
Tem Fulment nhoi aslem? Ham! Goddie hanv chuklim
astelim. Voklam vorunk nant nhu go hea?
Vachtanam tuka voklanchi goroz poddta mhonn hanv
zannam, punn tuje oxir chintnache nodrek nhoi.
Tum sarkench mu go. Aichea borelea disa bextttench
mhojer thaptta.
Bore bhoxen aik. Lok tuka, tujea khaxelea Perpet
hea nanvan vollko nant. Fotting Perpet mhonnlear
avoichem dudd pietelem por porian tuka vollkota. Tujea
fottingponnachem challint sot asa mhonn sangpak, tum
tujea khaxelea bhurgeacher sopot porian ghevcheli bail
monis.
Lokak lai uzo. Tanchem jevttam hanv? Tiddken
Perpetan mhonnlem.
Punn lokacheo gorje viret gozali ani chaddyo kelea
xivai tujem dhados zainam nhu? Prachitachea kallar
lokan apleak pollevnk zai mbonn igorjichea fuddlea
bankar bosun retir ani her dhormik karriavolleank ajir
zalam. 40 vorsanchi bail monis 70 vorsanche zantte
ostore bhaxen tujem cholop-moddop. Tuka vollkonam to
lok mat babddem upasar asa mhonn somzola. Punn fotting
Perpetachi ghora kodden, lip-choriam khavpachi giron
chalu asta mhonn xezari lok kuchu-kuchu koroun tujeo
khobro korit. Him dhongiponnam keddnam somptelim?
Lokachi paddeli nodor mhojeruch asta. Tankam,
malsuyadank borem zatelem? Sodd ti gozal. Ek sang.
Tuka zalam kitem? Sokall fuddench pimgonvtai? Asa
kitem go kusveant?
Orxim mhaka naka aslem tuka kollit kellem. Ani ogi
boslear fonavelean hanv, avoiponnachea bhesar asa
mhonn tum perganv ghaltelem.
Punn tuzo avaz kitem tori lipoun dovorta Perpetan
mhonnlem.
Amgelean mhaka ek surprise dilo. Raitim Mis somplea
uprant tagelea bhoinnim ani kuneadam sangata Beach
Resort-an dansak ghevn gelo.
Korezm kobar zata thoinch asa. Rokdoch dans zai
aslo tuka?
Amgelo zanam aslo hanvem upas samballa mhonn.
Zeddnam tannem apli khuxi, okosmat mhojea somor ghatli
teddnam hanvem dhongi Farizev ani Judevanche
odhikaream bhaxen mhojea mukhamollar savlli haddun
tache khuxer add vochunk nam.
Borem zannam mugo tum filozofi.
Aik Perpet. Amchi ixttagott kolej xiktanam. Futti
ghalpacheo ani dusreanchem vankddench chintun zoddti
korpachi sonvoim asa ti soddun di mhonn hanvem tuka
khubdam ugddas kela. Tuji pozddi ani fottingponnanim
ulovpachi chal asa ti bodoll. Tujea oslea xikillea
ostoreak oslo sobhav sobonam. Magnnim, upas, ani
jinzvar korun tunvem korezm gazoilem punn tuji vrutti
(attitude) mat bodollolo diso nam ani fuddarakui
dubhau lagta. Lhan bhurgim porian tujea nanvanche
tirpatte kortat
Koxe? Modinch tond ghalun Perpetan vicharlem.
Tujem nanv P-E-R-P-E-T
.! R okxar kaddun pole
R? R kaddlear kitem zata go hea? R.
r..r
r
Xi
Ollxig mugo?
Atam Kollllem?
Lino B. Dourado
Somest mogacheank PASKAM porbeche bore anvdde.
http://www.goa-world.com/goa/poems
http://www.mail-archive.com/cgi-bin/htsearch?config=gulf-goans_yahoogroups_com&restrict=&exclude=&words=Lino+B.+Dourado
____________________________________________________________________________________
Never miss a thing. Make Yahoo your home page.
http://www.yahoo.com/r/hs
