Don Tonddanche Monis
Don tonddancho monis mhonn asta? Devachi rochnna ekuch tondd ghevn rochta ani
porot vhetanam tench tondd ghevn vheta. Devan, monxak khoim apleach rupa
sarkelo rochlolo. Punn aiz sovnsaracho rong itlo bodollla, monxan aplem rup
kednam bodollem tem sudam Devak khobor na. Punn Devan dillo jiv, taka ami
otmo mhonnttat - to mat konnachenuch boldunk zainam vo zavnchonam. Oi! Hoch
otmo voimkunttachea darar ubo zata tednam, tuka dillea khariachi zhoddtti
ghetanam, ekuch tondd punn don rupannim distelean, zhoddtti ghetolo porian
gonndollak poddtta. Ani choddan chodd don tonddache Goykaruch astat.
Halinch Bharotachea Uttor bhagant Saini Sunpura, 50 kilometr Novi Dilli
sakun pois, don tonddachem bhurgem Sushma ani Vinod Singh hea kazari joddpean
zolman haddlam. Lali-k (porachem nanv) ek tokli zalear fokot kan soddun don
tonddam, don jibli, don nak, char vontt, char dolle asat. Hi ek vichitr
rochnnam. Adhunnik khallar ho zolm mhonntoch ani dusre vatten thoinchea
vattarantlo lok achari (superstitious) aslelean hea don tonddachea porok devi
(goddess) mhonn somzun tichem dorxonn vo axirvadd ghetat. Sodeak, Lalichi
bholaiki ghottmutt asa ani don-ui tonddanim avoichem dudd piyeta.
Devachea nirmonnam pormonnem Lali vhodd zatelem ani ulovpak xiktelem. Don
tonddam asat mhonntoch khoinchem tondd tichem poilem uloitelem ani dursem tondd
koxem bondd urtelem vo kitem sangunk sodtelem hi gomot mat pollevpachi urlea.
Ek tokli mhonntoch ek mendu (brain) asunk zai. Tichem chintop ani vagop
(behavior) tichea mendva koddsun zatelem. Ticho zolm don tonddanim zala
dekhunuch, uloitanam don-ui tonddancho upeog zatolo.
Amijan (amche avoik MAIM mhonntat, Singh lok Amijan) mhaka udok di Punn
tigelem dusrem tondd magchenam Amijan mhaka khavunk di Kiteak, tiche jivak vo
kuddik udkachi tann laglea ani nhoi khavpachi. Don tonddam asat mhonntoch don
toren tem por ulovchenam.
Amkam ekuch tondd asa. Punn tem tondd, don pavtti nhoi, dha bhaxen uloita.
Todde Goykar zolmotanam don tonddanim zolmoleat kai distat. Sokallchi gozal
sanz zata mhonnlear, rong boldun novench rup ditat. Soro ghonttoleak vo
bebbdeak ami somzunk zata. To sorea nadar ek ulovpi ani piyelolo soro
thonddayer ailo mhonntoch apunn toxem uloilolo na vo nanch mhonnpi. Punn ginean
aslele dusreachem vaitt chintpi monis sodanch don tonddam ghevn bhovnttat.
Sobemazar vo tum heram monxam sangata astanam, tujea tonddar, tujem borem
tench uloitat. Ani jednam, thoimsorlo koddsorun tum ghelo mhonntoch fattlean
toch monis tuka vaitt utram divn tujea nanvanchem bhanxirem khorum tujea ixttam
modim lamboita.
Anikui todde don tonddanche Goykar asat te, eka zomlelea vo ektthaim aslelea
zagear, ani tanchea modim tum naslear, sogllea samkara tujem boreo kornneo bab
Eric uloitolo. Oi! Lokan bab Eric-ak mhonnpachem. To konnachem vaitt uloinam.
Punn dusre vatten toch Eric, tujea khaxea ixttak ekloch mellta tednam, tujeo
chaddyo sangun tujea vixim tujea ixttachem mon kusoita. Hacho somoz: You cannot
judge a person in general but you can judge him individually.
Oi! Anikui don tonddache Goykar amkam melltat. Tuji turturi gazoitat. Tuzo
somazik vavr hea ani tea tintear vo ganvchea nakear vhodda avazan vakhandtat.
Gorje vellar tuzo adhar magunk tujea ghorache sopnnam (stairs) choddunk
visronant. Ganvchea sonskruttik kariavollin hajir ravunk tuka khas amontronn
ditat. Tuka matxe thondddi zalear, (common cold) zoran vo thapsanin bhaztelea
porim disantlean don pavtti tori tuji khobor ghetat. Aitara Misa uprant,
igorjiche adrar vo kompavdant tujexim sorbhovntim zomo korun tum sangta ti
gozal dhean divn aikotat. Punn jednam tuka Goychea sorkara koddsun ganvche
somudayecho boro fuddari mhonn puroskar favta, tednam mat tech lok, tech
monis don tonddanche zatat
.To PUROSKAR tuka favo nhoi aslo mhonn, ganvbhor
reng-teng vazoitat
..ani
Lino B. Dourado
http://www.goa-world.com/goa/poems
http://www.mail-archive.com/cgi-bin/htsearch?config=gulf-goans_yahoogroups_com&restrict=&exclude=&words=Lino+B.+Dourado
__________________________________________________
Do You Yahoo!?
Tired of spam? Yahoo! Mail has the best spam protection around
http://mail.yahoo.com
