Jun 2008 Gulab ‘POLICE’ tiatra vixim boroita ‘POLICE’ tiatrachi kanni sorkar-gundda-pulis hea vixoyacher attapun pulisanchi bori ani vaitt bazu hea tiatrantlean dakhovpacho Agostinho hannem boro yotn kela. Soglech pulis dhongi ani bhroxtt nhoi bogor kaim promannikui pulis veokti astat mhonnpachem pottoun divpachi hea tiatrantlean tannem tozvit kelea. Ani khubdam pulis promannikponnan pavlam martat ten’na rajkornni ddobav haddun pulisanche karvayent sorkari moni koxe modem poddttat tem spoxtt dakhoilam……….
Tiatrantlo vinod boro manddla. Comedian Selvy aplem sovong bhov soimbik korun lokank hansovpache proyotn korta, zaka comedian Agostinho ani Rebello hancho boro sohokar melltta. ‘Made in India’ hi comedian Agostinho ani Selvy hanchi gavpa-spordha ‘comedy sequence’ bes bori ani tiatr-pollennarank zobordost monoronjon divpi nog (item) zaun asa. Tin-char pavtti hea nogak ‘encore’ poddtta……. ‘KUVEITAN MARGAI’ vaddta tea khatir koddok nixedh kantarantlean porgottunk Kuveittan novoch trikut (trio) zagrutt zala, ani to mhonnlear Cajetan de Sanvordem-Mario de Majorda-Michael D’Silva. Ani tanchea pattlean koddegant Laurente Pereira ani Comedian Philip kolakar asat. Dekhunuch, Goyam savn Agostinho ani tachi ‘POLICE’ fouz Jun-ache 13ver 2008 sanjechea 3:30 vaztam Hawally A/C Auditorium hatunt hajir zata. Hi moujevont kariavoll chukoinastanam pollevpak hankam sompork (contact) kor: Limra Cargo, Salhiya Tower, Basement, Shop No 9 Tel. Tony 7643536, 9581491 & Chequinho 6364366
