www.goa-world. com Quality. Precision. Professional.
Live Konkani Music at
http://www.live365.com/cgi-bin/directory.cgi?autostart=konkani
BRESTAR - PODD'DEA FATTLEAN (12):
POISO ETA KHUINCHEAN VETA KHUINCHEAN
- Wilmix Wilson Mazarello
TIATR POLLOUPI
Ek Tiatr, lokanche nodren, boro zalo zalear, kaim lok tiatrachea xevttak
tallio pettoitat, zalear kaim lok tiatrache vedi-fattlean green-room-ant eun
Nirmateak /Digdorspeak / Kolakarank bhetttat ani porbim ditat.
Kaim lokank toslem poddlelem nam, punn tiatr boro lagla mhunnttoch, te
khuxeal zaun ghara vetat.
Vetana lokamodem kaim oslem ulovop aikonk eta :-
1). Tiatr boro assa 2). Ho tiatr choltolo 3). Hea season-ant ho tiatr
hit 4). Ekar ek kantar borem assa . 5). Comedy chodd bori assa 6).
Story samkich bori assa ... adi. adi. adi.
Zor tiatr boro lagonk nam, zalear tallieo tor sodduch, boldek gallieo
mellpachi xokea assa. Green-Room-ant porbim diunk, konn bhitor sorona.
Konn chukon bhitor sorlo zalearui tiatra-babtint kainch mhunnona. Tacheruch,
Nirmatean/ Digdorspean / Kolakarani somzopachem ki lokank Tiatr boro lagonk
nam.
Oslo tiatr polloilea uprant lok Hall-antlo bhair sorta astana lokamodem oslem
ulovop aikonk eta:-
1). Ponch Tiatr 2). Titrak Orthuch nam. 3). Time piddear kelo .4). Ek
tori kantar aikopachem assonk zai aslem ? 5). Comedy-k orthuch nam, ek pautt
tori hansonk mellonk zai aslem? 6). Bekar poddleat, zainam zalear kiteak
tiatr borounk fuddem sortat mhunn konn zanna 7). Konnainkui kosloi role
ditat ani titrache bhognar korun soddttat.... adi. adi. adi.
Hem , lokanchem ulovop zaum mot, khuinchean tori Digdorspeachea /
Nirmateachea / Kolakaranchea, kanar pauta.
Tem aikon, boro tiatr keloleani khoxi zaupachem ani vaitt tiatr keloleani
sudhorpacho proitn korpacho.
KENAIM BOREA TIATRAK LOK NASTA
Zaite pautt oxeim zata, ki ek tiatr lokank avoddtta, punn tea tiatrak arthik
ies mellona. (Is not a financial success).
Toxeim zaupak, kitlimxinch karannam astat.
Punn aiz ami hea Podddea Fattlean lekhant toslea karannan-chi khobor
korinant.
Choddxea lokank, vo tiatr-polloinarank legit khobor nasta, tiatrantlo
poiso khuinchean eta ani khuinchean veta to.
Tor hea Podddea Fattlean lekhant ami nodor marunea Tiatrachem Budget
koxem-kitem asta ani tiatrant Iennavoll koxi-kitem eta.
POISO ETA KHUINCHEAN VETA KHUINCHEAN
Udharonnank gheunea, Kala Akademi Hall , Ponnje.
Somzonea ek tiatr zata, Ponnje, Kala Akademi, A/C Hall-ant.
Ponnje, Kala Akademi, A/C Hall-ant, 900 lokank bospachi soulot assa.
Tiatrachea Tikettinchi Dor:- Rs 60/-
Zorui tiatr Housefull zalo, (mhunnge sogleo 900 tiketti khopleo), zalear
Iennavoll eta..... (Rs 60/- x
900)..........................................................................Rs
54,000/-
Zorui 800 tikettich khopleo zalear, Iennavoll eta (Rs 60/- x 800).....Rs
48,000/-
Zorui 700 tiketti khopleo zalear Iennavoll eta (Rs 60/- x 700 ).......Rs
42,000/-
Zorui 600 tiketti khopleo zalear Iennavoll eta (Rs 60/- x 600)........Rs
36,000/-.
Zorui 500 tiketti khopleo zalear Iennavoll eta (Rs 60/- x 500)........Rs
30,000/-
Zorui 400 tiketti khopleo zalear Iennavoll eta....(Rs 60/- x 400).....Rs
24,000/-
Atam pollounea Ponnje, Kala Akademi A/C Hall-ant kelolea tiatrachea ekach
proeogak,odmasan kitlo khorch zata to:-
Hall-achem
Bhaddem.......................................................Rs 10, 000 /-
Jahirati
(Advertisements)......................................................Rs 5,
000/-
Kalakaranchi mozuri (14 Artists @ Rs 500/- each)..............Rs 7, 000/-
Setting & Transport.(Vedi-Manddavoll/Haddpacho khorch.Rs 2, 000/-
Mini Bus.(Kalakarank Haddpa / Vhorpacho khorch.............Rs 1, 000/- .
Posters
(2)..............................................................................Rs
2, 000/-
Hand-bills, Tickets Printing ani Ticket Seller.......................Rs 2,
000/-
Rehearsals.(Essaio)................................................................Rs
1, 000/-
Karbhari
(Helpers).................................................................Rs
500/-
Barik
Khorch..........................................................................Rs
2, 000/-
---------------------------
Total
Rs 32,500/-
Mhunnttoch Ponnje, Kala Akademi,A/C Hall-antlea proeogacho khorchuch zata Rs
32,500/-
FAIDOCH FAIDO
A) House Full Show zalo zalear Nirmateak / Digdorspeak tea proeogacher
faido urta (Rs 54,000/- baad Rs 32, 500/-)...........Rs 21, 500/-
B) Zorui 800 tiketti khopleo zalear Nirmateak / Digdorspeak faido urta (Rs
48, 000/- baad 32,500/-).......................................Rs 15, 500/-
C) Zorui 700 tiketti khopleo zalear, Nirmateak/ Digdorspeak faido urta (Rs
42,000 baad Rs Rs 32,500/-)......................................Rs Rs 9,500/-
D) Zorui 600 tiketti khopleo zalear, Nirmateak / Digdorspeak faido urta (Rs
36,000/- baad Rs 32, 500/-) ................................Rs 3, 500/-
LUSKONNUCH LUSKONN
E) Zorui 500 tiketti khopleo zalear, Nirmateak / Digdorspeak kainch faido
urona, velean luskonn zata (Rs 30, 000/- baad Rs 32,500/-)
.................................Rs 2, 500/-
Ami zaite pauttim polletaum, kaim Nirmate / Digdorspi, Hallant 200 lok zalear
passun tiatracho proeog kortat.
Tedna tankam babddeank tea ekach proeogacher luskonn bhogchem poddtta (Rs
12,000/- baad Rs 32, 500/-)
...........................................................................Rs
20, 500/-
Hanvem tor, mhojeam tiatristponnant kitleaxeanch Nirmateani / Digdorspeani,
apli loz vattaunk Hallant 100 lok nastana legit tiatrache proeog kelole
polleleat.
Tenni babddeani kitlem luskonn sonslam astelem tachem kont tuminch korchem.
Hacher, ek mat amkam kollon eta, ki Odmasan komint komi 550 lok, Hallant
zalea xivai vo 550 tiketti khoplea xivai Ponnje, Kala Akademi Hall-ant eka
tiatracho khorch suttona.
ZODDTTA TO ZODDTTA
Dubau nam, henvui khorem ki kaim famad zalle Digdorspeank / Nirmateank lok
choddso zatach, ani te bori zodd zoddttat,
Goyncheam chodd xeam Hallani unneant unnem 800 tem 900 lokank, bospachi
soulot assach. Mhunnttoch hem Kala Akademichen udharonn gheun kellem kont
choddxem heraim Hall-antleam proeogank, lagu zata.
Tiatranchea proeogancho itihas vo arthik kont (Financial situation) samkench
niraxi zaupachem nam:
Hanvem, alinchea kallar, kaim osle tiatrani kaam kelam zanche, komint komi,
24 tori proeog veg-veglleam Hall-ani House-Full geleat.
Team 24 proegancheruch ( proegak 800 tikettich dhorleo zalear) ek ek
Nirmatean / Digdorspean , Rs 3,60,000/- faido zoddla.
Mhunnttoch tiatranchem kont soglench niraxi zaupachem nhuim.
Khoxealkaiecheim assa.
Fuddlea Podddea Fattlean lekhant vachunk toear ravat :-Konkani Tiatr ek
Industry.
(c) Wilmix Wilson Mazarello
[EMAIL PROTECTED]
www.goa-world.com/goa/tiatr/
Live Konkani Music at
http://www.live365.com/cgi-bin/directory.cgi?autostart=konkani
Brought to you by Ulysses Menezes & Gaspar Almeida
The tiatr "POLICE" will be staged in Kuwait on Friday, June 13, 2008, at
the Hawalli A.C. Auditorium, at 3:30 pm. For Gate Passes and further details
contact Limra Cargo, Salhiya Tower, Basement - Tel. Tony 7643536, 9581491 &
Chequinho 6364366.
++++++++++++++++++++++++++++++++++++++++++++++++++++++++++
Anik toddea disanim 'AITARACHEO KATKUTLEO' pustokache rupan bhair sorchem
asa. Tumchi kopi atanch sugur korat.
Email: [EMAIL PROTECTED]
www.goa-world.com
Email: [EMAIL PROTECTED]
http://www.goa-world.com/goa/credit/credit.htm
- Promoting Tiatr & Tiatrists since 1994 !
Goa's Pride - http://www.goa-world.com
- Goeam khatir vavr korta to khoro Goemkar punn Konkani boroita ani uloita to
niz Goemkar
Goa's Pride - http://www.goa-world.com
http://in.youtube.com/watch?v=_Avn6_AepNw&feature=related
Gulf-Goans e-Newsletter is presented by Ulysses Menezes, www.goa-world.com and
moderated by Gaspar Almeida (since 1994)
