<http://v-ixtt.com/images/logo.jpg> Soglleam Santam-Bhoktancho Dis <http://v-ixtt.com/img/all_saints_day.gif> Dor vorsa Povitr Sobha Novembrache 1ler Soglleam Santam Bhoktanchi Porob somarombhta, soglleam santancho mhonnge, vollkhiche toxech vollkhonasloleanchoi tea disa kheritponnim Povitr Sobha ugddas korta. Ho ek boreantlo boro soeg amkam Kristi itihasant soglleam santancho ani martirincho ugddas korunk. Hi Kristi porompara Kristanvponnachea 4tea xekddeant thavn suru zali. ponn 609 vorsa Boniface IV Pap Saiban Maiache 13ver soglleam martirinchi porob korunk tharaili. Sumar 200 vorsam uprant mhonnlear 837 vorsa,Gregorio IV Bhagevont-Bapan Soglleam Santam Bhoktanchi Porob Novembrache 1ler somarombhunk tharaili. Purvilim Kristanvanchi ek chal asli, Kristi bhavarta khatir melolea martiricho ugddas je svater tannem rogot varoilam te svater dobajean pallunk. Sumar 4tea xekddeant thavn lagxileo diosezincho lok tea dobajeant vantto gheunk laglo. Tea bhair tea martirincheo relikeo vanttunk laglim ani samanya porob koxi korunk laglim. Zaitim zannam zor ekach disa martir meleant zalear tanchi porob boroborobruch kortalim.Diocletian Sam'rajeachea kallar Kristanvank motto dhumallo diunk laglo tedna zaitech martir mele. Tankam ek-ek dis tharavunk kotthin zalem Torui astana Povitr Sobhek dor martiricho ugddas korunkuch zai aslo; mhonntoch tanchi soglleanche porbecho ekuch dis tharailo. Hachi khobor amkam Antiokache Povitr Sobhent mellta. Hi porob Povitr Atmeache Porbe uprantlea Aitara somarombhtale. Oxich hea samanya disachi khobor 373 vorsa St Ephrem-achea sermanvant ani St. Juanv Chrisostom (407) hachea 74tea sermanvant mellta . Survatek fokot martirinchich porob kortale ani Juanv Baptistacho kherit disa kortale. Uprant il'le il'le heram-i santank tantun aspavle.. Jedna Povitr Sobhen Santkoronnache proses suru kele tedna santam bhoktancho ankddo vaddunk laglo. 411 vorsa Chaldean Kalendaracher "Commemoratio Confessorum" Paskam uprantlea Sukrara kortale Ostomte vattarant Boniface IV Bhagevont-Bapan Maiache 13ver 609 vo 610 vorsa Saibinnichea ani soglleam martirinchea manak Roma xarant ek iadostik Mondir (Pantheon) sonvskarlem. Toxench Gregorio III (731 - 741) St Pedruchea Bajilikentlem ek kapel soglleam Santam-Bhoktank bhettoilem ani Novembrache 1ler porob korunk tharailem. Hi porob soglle Povitr Sobhek korunk formailem. <Right click -> Save as> to download star_tip_hat_md_wht.gif!<http://eknp.com/clipart/ani/star_tip_hat_md_wht .gif> _______________________________ Give a gift subscription of "GULAB" - the Konkani monthly magazine now in its 26th year - to your family and friends that will be remembered for the whole year. Email [EMAIL PROTECTED] <mailto:[EMAIL PROTECTED]> or dial (+965) 99391452 for more details.
