26/11 Mumboichea atankvadi homllean amche Mumboiche porjek bhenkddavn uddoili
ti bhirant aiz passun amchea kallzantlean vochunk nam punn Mumboichea pulisen
sampddailolo atankvadi kal amkam (potrkarank) aple dantt dakhovn hanstalo hem
pollovn monantlea monant borich tiddog marli.
Kalchea disa tache kesichi sunavnni chalu zavpachi asli dekhun ami sogott
potrkar taka amchea somor jivo polloitale. Hea homlleant hea atankvadeamni
sumar 300 lokank jivexim marlole, tor ho kalliz naslolo Kasab amchea sovem
pollovn khoxalkaien aplo hanso ditalo. Ghoddie to hansta astolo ki amcho
Sorkar tacho ek kens legit ukddavnk xokcho nam mhonn? Ghoddie to hansta astolo
ki apnnem jem kam kelem tantunt to ek vir zalo mhonn? Nam tor ho hanso tachea
mukhamollar ailo koso?
Aiz hench kortub Pakistan-ant ghoddlolem zalear tea Kasab-acho ek tukddo pasun
pollovnk mellcho naslo.Hem OSLEM fokt amchea Bharotant ghoddtta.
Amcho sorkar hea Kasab-ak fokot ghorant ghalun poslolea toren posta anik ek
vell to koidikhanneantlo niropradhi mhonn suttonkui xokta karonn amche
lamb-lamb neai ani kaide eka opradheak niropradhi korunk xoktat.Dekhun
sorkar-ak amchem magnnem ki he kesint vell pidd'ddear korinastanam Kasab-ak
soroll gollar humkollavcho. Ani tovui zalear sobhemazar.
AURELIO VIEGAS
Add more friends to your messenger and enjoy! Go to
http://messenger.yahoo.com/invite/
