POLICE II tiatra vixim thoddi bhov mahiti
POLICE II tiatra vixim thoddi bhov mahiti ektthaim korpak Goa-world.com
Team-icho vangddi kaim zageancher saron marun zoma keloli tazi khobor, amchea
tiatr mogiank dita.
KANNI: Tiatrachi kanni ghoddi-modimni vinnlea ani fuddem-fuddem kitem ghoddot
te vixim mon osvosth zait veta.
BHUMIKA: Mahew Araujo hea tiatant double role korta ani donui obhinoyank neay
korta zalear Salu de Loutolim pormannik pulis odhikareache bhumikent boro
porzollta. Dola SP Carol koxem tiatr pollennaranchi xebaski mellun gheta zalear
Aurio gundda Das koso apli bhumika bori korta. Jessica, Roma, Agostinho
ap-aplea bhumikank neay kortat.
VINOD: Tiatracho vinod bes boro boroila ani comedian Selvy vinodant ut’tom
obhinoy korta, zaka Rebello favo to sohokar dita.
GITAM: Gitam-babtint Joaquim Cabral hacho opening chorus chukounk zaina. Osvi
Viegas-an gailolem ‘Abrabam Lincoln’ Devacher bhavart dovrunk ulo marta.
Apleakuch visrun dusreank adar kelear Devachi upott kurpa denvtoli mhunn bai
Roma ‘Dusreank Adar’ kantarantlean sondex dita. Osvi Viegas ani Joaquim
Cabralan gailolea Adli Kazaram’ gitak boro ievkar mellta. Toxench Roma, Jessica
ani Dolan gailolem ‘Gandhijicheo Vostu’ aikunk borem aslem ani Selvy-cho ninodi
solo ekdom moujevontt asa.
SONGIT: Agnel Dias ani Norman hanchem songit tiatracho rong vaddoitat.
MACHIE-MANDDAVOLL: Mario Fernandes machie-manddavoll sullsullit polletolo
hatunt dubav nam.
Comedian Agostinho hannem boroun digdorxit kelolo POLICE II tiatr chalu
mhoineanche 19ver sanjechea 3:30 vorar Hawally A/C Auditorium machier haddtat.
Goa-world.com Team-ink katrechi khobor gavlea tea pormonnem Gate pass sugur
korpak tiatr pollennarancho disan-dis nett choddot veta khoim.
Goa-world.com
Khobre-Potr
