Samballun Nangor Ghalcho Sumitra-chem logn-jivit sukhivontt aslem. Apnnalea xetkamot (agriculture) korpi ghorkara sangata, mogan ani apurbahen dis sartalem. Voros bhorunk nam tangelea longnank. Ek sokal, taka ulti (onkari) yevnk lagli. Tagelo ghorkar, xet kosunk pois mollant ghelolo aslo. Visvaxi xezarnnink gheun, bailanchea khas ghorbest voizachim (obstetrician) topasnenk gelem.
Dotorin, taka bore toren topaslem. Tagele dis vochun tacho kusvo ballkan zopt kela mhonn khuxechi gozal dili. Tem lojist zalem. Punn, dusre vatten usko zalo. Kitem tori taka sotavpak laglem. Dotorik vicharunk kori. Akantlem. Dotorin tagelem chintop parkilem ani mhonnlem. “Ling (sex) sogleankuch zai. Thoddim logn zalim mhonntoch apli sullsullit bhurgi suropai ibaddtoli mhunn vegim bhurgeank zolmank haddinant ani rochtolea jivak abort (abortion) korun, kunn kortat”. Dotorin aplo onnbhov ukthailo “Na, na, na. Hanv toslem kaim ek korunk sodina. Punn mhagelea monantlo ek dubhau pois korunk hanv vicharunk sodi….” “Horkot na. Bhirant pois dovrun ani lojunastana vichar.” “Bim vomplolea xetacher, mhagelea ghorkaran nangor ghalunk zata?” Lino B. Dourado http://aitaracheokaskuleo.blogspot.com/
