PAVS NAM! RAINCOAT KITEAK? Axrom zaun asa ek dhormik ekttovschi suvat. Aichea sotran, Axrom mhonnlear sorospoticho halchall, (cultural activity) zoxem porim yoga, songit xikxonn ani dhormik suchovnni divcho ek tholl. Survatte-porian tem sompo-meren, Hinducho itihas ani dhormxattrachi ek bolixtt khunna koxem, Axrom zaun astolem. Modhiyamkhallin (medieval ages) zau meren, choddxe Hindu raja, kholl gineyan aslole monis (sage) mhunn vollkotale. Raj-ranni kuttumbank, otmik (spiritual) vo sonkoxtta vellar sol’lo (advice) ditale. Dekhunuch tankam 'rajguru' mhonntalem. Tannim keddnanch vaittovea margavelean dusvasachim ani akantvadachim biyam kirlailolim nant. Punn atanchim adhunik Axromacher ek dhanvtti nodor marlear thoddim Axroma asat tim angar ek bhiranticho kannto ubo kortat. Fattim Moddganv, Divalle adle rati bomb-sfottan dog sompil’le akantvadi, Fonddem-Ramnathi aslolea Sanatha Sonstha Axrom-antle bhageli mhunn, Goychim disalim boball’lim. Ani kallchea satolean potrancher chhapun ailole bhatme pormonnem, tech Sanatha Sonsthantlim 500 gorbnivarchim vo 'condoms' laginch aslolea xetan udoilolim mell’leant mhunn Goychea disaleancher ami vachlem. Tea bhair Fonddemchea 'Public Health Center' koddsun anink ek hozar 'condoms', Sanatha Sonstha-en magoyleant mhunn, pulisam koddlean kolit zalam. Axromantleant borem asa tench vanttpacho vavr asta, punn; Ramnathichea Sanatha Sonstha-en kedna thavn 'condom'-amchi vanttnni suru kel’li gai? Pavs zhoddtta teddnanch sotrecho upeog zata. Pavs nam thoim, raincoat-achi kosli goroz? Umedichea rongar yeun, aicho eksuro zannttelo vichartta. Tankam dista, osle Axroman tannim bhorti zaunchem. Lino B. Dourado http://aitaracheokaskuleo.blogspot.com/
