---------------------------------------------------------------------------
**** http://www.GOANET.org ****
---------------------------------------------------------------------------
Happy New Year Twenty-Ten
---------------------------------------------------------------------------
Birds of same feather flock together
Russi choliyecher bholatkar. Padrichem nanv piddear korun gailoli CD. Hea
gorom-gorom zovllpi vada vixim, az meren kaim ek zag kaddinastana Lapitt-a osle
somaz-sevok ajun kiteak ogi asat te zanno zavpak, CHABUK potrache sompadpean,
tagelea eka batmidarak Lapittachea ghoraxim pattoun dilo.
Batmidar:Amkam khub ojeap dista ……
Lapitt: Koslem?
Batmidar:Tumi az meren ogeponn samballun asat mhunn……
Lapitt: Kitea vixim?
Batmidar: Goychea eka vojondar (influential) rajkornni, Russi choliyecher
bholatkar korun, Goychem nanv vorun xennantle gairint purlam. Hem vixim tumchem
mot
Lapitt: No comments.
No comments? CHABUK potracho batmidar Lapittachi zap aikun tothaklo. Goem,
Bharot ani sonvsarbhor Kolva ganvant ede vhodd bholatkar gazlole ghozalicher,
Lapitt kaim ek mhunnonk sodina. Kiteak kai? Russi choliyecher bholatkar korpi
John Fernandes-ak samballche khatir, Goycho MP Shantaram Naik-an, Rajya
Sabha-en boball kelolo asa. Eke porki choliyen rache vellar on-vollki
(strangers) daddle mon’xa bhorim sangatak bhonvop mhunnchem, ek chukuch. Kolva
zalolo bholatkar borobor asa, oxem kitem kat dakhoita (justification) mhunn,
kaim Rajya Sabha-cho MP ostoreo challvollun poddleleo. Birds of same feather
flock together? Oslo kitem tori Lapittak vas marlo kai? Dekhunuch, vicharlolea
pronsnank 'no comments' zap?
Batmidar: Natalam somoyar xanti vantchi asta tea zagear Kolva ganvant fator
vantle mhunn, Goybhor Kristi lok dukhi zala. Kolva igorjeche padri-vigarachem
nanv piddear korun CD kaddun bazarant vikrek gali, ticher nixedh porgottche
khatir Kolva Parish Council padr- vigarak kolit korinastana igorjichi ghantt
vazoili, lokak zoma kelo ani modd-fodd kelo. Kolvenche Kristi somudayek
Kristachi xikovnnem pormonnem, perotolea ujeacher thonddai haddche khatir
Goyche Mha Gonvlli Bap Arsebisp Filipe Neri Ferrao-n kosloch upai ghetlolo nam
vo yont kelo nam mhunn zaite zonn xinn kortat. CD producer-acheam ghor
fatrailem. Hea prokara vixim tumchem mot kitem?
Lapitt:No comments.
Batmidar: Kitem?
No comments, no comments.Lapitt-a koddsun hi zap kiteak gai? Batmidar guspollun
poddlo. Aichea CHABUK ankar, vhodd okxoran jahir kelolem asa. Lapitt-achi khas
mhulakat KOLVECHEM RAJKI GIRGIREM falleanchea ankar vachunk toyar ravat..
Vicharlolea prosnank fokot no comments mhonnlem zalear, faleanchea peporar lok
vachtolo kitem? CHABUK sompadpeak loz bextti mhu? Produsorachem ghor fattrailem
tache vixim kitem tori to sangtolo mhunn batmidar khos aslo. Ghoddie oxem zait?
Jezu Kristache xikovnnem pormonnem, konnakuch pattok naslolea Kolvekaramni CD
producer Calvert Gonsalves-achem ghor fatrailem gai?
Batmidar: Somzotam, DOGUI BODMAS kantaranchi CD, tumi aikoli. (Hoi… oxem
sangche khatir, Lapittan toklli ailoli. Hea vellar batmidarache kuddin thav
choddlo. Lapitt-an CD aikoli zalear CD vixim kitem tori pezad Lapitt uloitolo.
Ttika marun spoxttponnim mot ditolo, ani faleanchea CHABUK peporacher chomotkar
zatolo. Batmidar fuddem uloilo) He CD-in choddan chodd kantaram eka
rajkornneachi dulai (vaittovo sobhav) klorex ghalun duncho yont kela ani nhoi
padri babachi kabay duipak. Kolvencho lok konna khatir margar ailo? Padri vo
politiciana khatir?
Lapitt:No comments
Lapitta-che ghora bhair eka maddacho nall zhoddlo. Vhodda boballan avaz zalo.
Konna tori, ekleachea tokller poddcho chuklo. Lapittachea ghorant bosun aslolea
batmidarak dislem, to nall tache tokller poddun sintidavinem zauncho.
Vicharlolea prosankno comments, no comments Lapitt-a koddlean zap mellta tor,
peporar mhullakot kosli? NO COMMENTS? Lapittak kitem dista gai? Kaim vorsam
fattim hoch, Dogui Bodmas-acho producer Calvert Gonsalves aple CD-icher gann
kortolea rajkornnachi adim mulhakati, lekh ani her dusrim bori borpavoll Goan
Observer hea satolea Inglez potracher boroun taka voir-voir choddoun dovortalo
ani az? Tachea liplolea jivitachi kanni CD-ir gavop? No comments oxi ekuch zap
diun, Lapitt kitem sangunk sodta? Politicians are no permanent friends, nor
enemies? Zalear, Kolvencho lok konna khatir zhogoddta? Konna khatir 9 dis
novenancho upas dorla? Bannavle ani Navelim-che amdar Micky Pacheco ani
Churchill Alemao hanchea modlo veglozar visrun
kalche dusman az ixtt zale nant? Ani oslench kitem kai fuddarak Calvert ani
Micky sovem ixttagotichem natem ghoddlem zalear? Kolvenkar tonddan bott ghalun
ogech chaktole kim nam? 'Birds of same feather flock together.' Hi inglez opar
aikolea mhu?
Any comments?
Lino B. Dourado
http://aitaracheokaskuleo.blogspot.com/
