Our Kristaum people are BODMAS. Kiteak khata te boxenuch te thukta. Amchea bhurgeaponar ami dektalet eke Firgojentlo Padri Misantlean Latim baxen Devachem utor porgottun, amchea kallzani Devacho mog rigoitalo. Amchim vhodilam amkam xikoitalim ek Padri Devacho mhuniari mhonn ani koxe baxen ami taka eukar zai to, ani koxe baxen ami taka resped diunk zai to. Tea kallar to Padri fokt Firgojent Mis sangon, bhurgeank dotorn xikoun eke Firgojen aplo vour kortalo.
Dis bodoltoch Mis Latim baxentlem konknint zalem. Ami Devachem utor sozmon Devachech zaumchea suvater Deva von vodik xane xale. Amche Padri Firgojent Mis sangtoch dusro ghanvco vaur suru korunk lagle. Zoxem Ghavan Iskol suru korun, Music bhurgeank xikoun, Torek vaur aschea khatir Bhurgeamcho zome (Youth) Firgojent ghodun hadle, Vaddeam-vaddeani Somudaeo ghodun hadleo, kaim Firgozani fuddem sorun Hall-aim bhandlim. Ghaumchea tornatteank Firgojentlea vaurant vantto gheunk sondhi dili. Xezaream modem dusmankeo upzotaleo thoim mog dison hadlo. Sangonk sodtam Padri ani mhojea-tujea bitorli soirigot ek keli. Ani hacho faido gheun dista mhaka amcheam kaim tornatteani Padrimchi beporva korpak suru keli. Bond kortam team Padrimchi khobor ani ugdass kortam Hindu Dhormacho. Eka ghavan ek Pandit vo Bott eka mondiracho vhaur samballta. Eka eka ghorant ek Puja korkoch ek Hindu bhav taka maie mogan eukar diun ful na pakli dium ghora dadta. Kednach te lok aplea Pandita vo Botta vhoir vankdem advem tidvem uloinant. Sot vo fott niall korun polleat. PADRI - tuje ani mhoje sarkilo to mhonis. To chukla tor tachi chuk daka dakoumcheak zonn ekleak kaido assa. Bar'rar Kop marun ead korun tachi kritika korchi noi. Tum Padri vhoir uloita tem dusrea dhormache lok aikota hem visorchem noi. Tum boro boroupi ani gaupi zalo passun zalear tachim ghitam ghodun ghaumchim nhoi. Tum tujea dhormak opmanaita mhonn manun gheumchem. Ek Hidu bhav vo Muslim bhav Barrar KOP martoch apleam Panditamcho abru agdaita to konem aikola? Hakach lagon haum mhontam ami Kristaum BODMAS. Khata tech boxen boxen thukta. Chintun polleat mhoje thaim kitem zata? Mhojem ghor koxem cholta? Xantikaen, Sozmikaem proxnn suttave korat abuz zaum ghanvchem padd ghalun sodinakat. Uttat nhidleam zalear PAI ani MAI. Tumchea bhurgeank bore baxen dhormachi vollok xikoeat. Bori rit dekh bhurgeak dixeat tumcho ghorabo khoxal astolo. Tumcho ghorabo khoxal aslear akho tumcho ghanv khoxal astolo. Tumcho ghanv khoxal aslear Goemcho porzoll Bharat Dhexar fankartolo. Tumchea Mogan Peter Fernandes
