Chukloleank Bhogxitam Jea mapan tum dusreank vagoita, dita, tech mapan tuka porot mellta. Dusreank, odik korun dukhoiloleank, bhogsonnem dilea bogor, tuka bhogsonnem ani pekovnni mellona mhonn Pascoal Rodrigues aplea 'Chukloleank Bhogxitam' hea novea tiatrant dakoll korta. Cania (Nancy) sangata pordesant att vorsam sarlea uprant, Emerik (Pascoal Rodrigues) aple potinni sangata Gõyam yeunk chint’ta. Dabolim vimantollar Emerikacho bhav Sweden (Samuel Carvalho) apnnak bhettunk yetolo mhonn Cania dolleant tel ghalun ravta, punn to thoimsor pavoch na. Ghorant bhitor sortoch, Caniak Emerikacho visvaxi chakor Cameron (Humbert) bhett'ta. Tea uprant, aplea derak polleunk axetana, Sweden soglloch uchamboll zaun, bhair yeta. Punn to kuddi-monan pangllo-osokt polleun, Cania borench bhiyeta ani dukhi zata. Att vorsanchea kazari jivitant pordesant avoyponnacho bhes mellunk na, to bhes Caniak aplea ghovachea ghorant bhitor sortanch, favo zata. Ani tem bhag aplea bhava koddleanuch taka favo zalem mhonn Emerik aple potinnink spoxtt korta. Pordesant vochpachim sopnam toddek dovrun, Gõyantuch pennem korun, aplo ghor-sonvsar korunk Emerik yeujita. Nokri sodunk gel'lo astona, aplea derachi seva pott’tiddken korta dekun, Cania Cameronak gharantlo dhanvddaita. Tea uprant, gharantlo sogllo vavr Cania Swedenachea buzancher ghalta. Tem taka sotaunk lagta. Aplea pangllea bhavache tras polleunk zaina zaun, Emerik taka dusreachea tabeant dovrunk yeujita. Punn jednam to soiro Braz (Sucorro de Santa Cruz) ani to ixtt Emerikache bhettek yetat, tednam aplea deracho apnnak chodd husko, oxem sangun Caina tankam ritea hatamni porot dhaddta. Aplea derachi ubgonn ailolean, taka sasnnak nattak korunk Caina chinta. Ani cold drink-ant vikh ghalun, aplea ghovacheach hatantlean taka jivexim marunk yeujita. Punn toxem apleachean koxem korum yeta, hem Emerik chintunk poddta ani aple potinnik zaitich somzaita. Potinniche dhomkek bolli poddun, Emerik xevttim to cold drink-acho glas mezar dovrun, thoincho koddsorta. Tea uprant, Sweden thoimsor yeun, tem cold drink piyeta ani foddfoddon morta. Aple vattevelo kantto nopoit zalo mhonn chintun Caina khoxal zata, punn nigtoch zolma ailolo ticho put pangllo zolmota. Tea bhurgea sovem te avoychi vagnnuk kosli? Aplea dera porim aplea rogtachea bhurgeak-ui jivexim marunk Caina raji zata? Tea bhurgeak xevttim konnachea tabeant korta? Tacho fuddar koso ani koslo zata, tem sogllem tiatrachea dusrea bhagant dakoilolem asa. Komedi babtint, Humbert, Michael, Marcus ani Eston-an ekamekak sangat diun, lokak umedir dovortat. Kantaram vixim, Lawry Travassochem 'Dev Podvedar', Pascoal Rodriguesachem 'Kun'nattkai', Soniachem 'Sopnam', Osvy Viegas-achem 'Bentin', Marcus Vazachem 'Tiatrist', Sucorro de Santa Cruzachem 'Tension', Xavier Almeida-achim 'Michael Jackson' ani 'Akantvadi' ani Sucorro-Sonia-achem 'Khoro Mog' aikopa sarkim aslim ani boro sondex ditalim. Eke attvech toreche bhumike khatir Samuel Carvalho ani bhurgo Velbet-ak amchim porbim. Dharmik xikovnnecher Pascoal Rodriguesan anik-ui tiatr machier haddunk amchim magnnim. P AGXEKAR I VIP http://indiancommunityinkuwait.blogspot.com/2010/01/help-haiti-dbppa-initiative..html GULF-GOANS e-NEWSLETTER (since 1994) >http://www.yahoogroups.com/group/gulf-goans/ http://www.goa-world.com ________________________________
> >www.colaco.net www.v-ixtt.com >http://www.goa-world.com/goa/music/live.htm >Promoting Tiatr & Tiatrists since 1994 >http://tiatracademy.blogspot.com/ >Gulf-Goans e-Newsletter presented by goa-world.com team >http://www.yahoogroups.com/group/gulf-goans >http://aitaracheokaskuleo.blogspot.com/ >GREET YOUR LOVED ONES IN GOA >http://www.goa-world.com/expressions/ >http://www.asiawaves.net/india-fm-radio.htm > ________________________________ > ________________________________
