---------------------------------------------------------------------------
Sign the Petition requesting The Honble Minister of State for Environment
and Forests (I/C) to maintain the moratorium on issuing further
environmental clearances for mining activities in Goa
http://goanvoice.org.uk/miningpetition.php
---------------------------------------------------------------------------
Tiatracher boroilolo Sungttancho vantto vichitr laglo.
Salvadorbabachea motan, tiatristamni prekxokank (tiatr pollennarank) sondex
divpacho yotn korchoch nhoi, karonn tankam toxem korpacho odhikar konnench
diunk na. To sangta: "... dusreank sondex diupi ami konn? Sondex diupacho
odhikar amkam konnem dila? Ami dusreank kiteak sondex diunk zai? Khuim tori
vochun dista, tiatrantlean konnench, konnakuch sondex diuncho nhoi." Punn
zaitea tiatr vimorxeamni (review) "ho tiatr boro sondex dita" oxem boroilolem
amkam dixtti poddtta. Inglixent-ui "This tiatr sends a strong message" oxem
boroilolem melltta. Anik konn mhonnttat, "Tiatr mhollear loksomporkachem ek
khoddegantt madheom'."(Tiatr is a powerful medium of mass communication.) Kaim
padrimni oxem-i mhonnlolem asa ki apunn xembhor sermanvantlean zo sondex lokam
meren pavounk xoklom na to ekach tiatra vorvim apnnem pavoilo. Tor,
Salvadorbabachem vegllem mot koxem kai? Sondex (message)nastana sompork
(communication) korum-ieta kai?
Punn fuddem vochun Salvador babuch sangta, "Mhojea monam pormannem, tiatrachi
borpavoll girest chintnamni (thoughts) ani vicharamni toptoploli asunk zai.
Machier tiatrachea rupan ti follak yeta tednam tantuntle vichar tiatr
pollennaranchea monak adllun vochunk zai. Tea vicharamni ani chintnamni, tiatr
polleupeank chintunk laupachi tank asunk zai. Tankam vichar korpachi vatt ugti
korpachi xokt asunk zai. Tankam nhidentle zage korpache dhomxe asunk zai. Ani
eka tiatrache borpavollint tor he gunn asot zalear, dubhav nastana tiatr
polleupi apnnak tiatr somzola te toren ap-aple porim, apo-ap sondex ghetolo."
Dhaddinaslolo sondex tiatr pollevpeam meren pavtolo tori koso?
Mhaka dista Salvadorbabak ek voznadik mud'do manddpacho aslo. Punn tache
khatir ji sadhona (dedicated preparation) gorjechi asli ti tannem korunk na.
Tannench tiatr boroinnarank boroch-so sol'lo vo bud'dh dilea: vachchem,
polleunchem, kan-dolle ugte dovrun nirikxonn korchem (observe), niyall korcho,
sogleo gozali monantlea monant xizouncheo ani magiruch tem utpon'n kagdar
vaddchem. Fuddarak Salvadorbab apunn-ui oxem kortolo mhunn ast ballgitam.
Bhaxecher kaim ttiponnam (comments):
Salvadorbab boroita: "Mhojea monam pormannem ..." Tor taka kitlim monam asat
kai? Ekuch asa zalear tem "Mhojea mona pormannem" zavpachem nhoi? Fuddem to "
... pollennaranchea monak adllun vochunk zai." Oxem boroita. Tor soglea
pollennarank ekuch mon asa kai? Hanga tori somzunk zata, ghoddie to 'zonn
ekleachea monak' oxem mhonnunk sodta zait.
"... tiatrache borpavollicher bhor diunk panvalm ubarlelim zalear," hatunt
'panvalm' mhollear kitem kai? Konnui mhonnttolo, hanv kuskuttam kaddttam
mhunn; hem utor 'panvlam' oxench astolem mhunn konnai vachpeachea monant dubhav
ascho na! Punn JIVIT masikant eke suvater 'zaitivont', 'nirmaan' oxim utram
ailim tancher chuk mhunn bott dovorpean aplem borop zotnayen topaspachem nhoi?
Te bhair, eka masikachea sompadpeak vegvegllea borovpeamni dhaddlolim pon'nas
tori panam topasun nittayer ghalchim poddttat; vegvegllea borovpeancheo
pod'doti vegveglleo astat, kaim zonnanchem ekan ek utor topasun sudhraunchem
poddtta, tem velean; masik omkeach disak ttopalant pavonk zai, tekhatir omkeach
disak tem chhapkhaneant pavonk zai, hi dhasti-i tachea mathear umkolltta.
Itlem korun kaim chuki xil'lok urleo zalear to 'self-styled' thorta! Aplench,
eka panachem, borop zankam nittayer ghalunk yena tosleamni dusreancheo chuki
kaddop mhollear koslo puruxarth? Kai
apunnuch ‘shabishanv’?
Fuddarak tori zotnayen pavlam marchim.
Sebastian Borges
On 16 Apr 2010 Goa World <[email protected]> wrote:
SON?VARACHIM SUNGTTAM:
???????????????????????????????????????????????????????????????? Tiatr ! ?Tiatr
! ?Tiatr !
17 Abril, 1892 tem 17 Abril, 2010. 118 vorsancho kall. Sahityachea Tiatr
prokarak. Hea 118 vorsanchea kallant, tiatrachea angamni khubxe bodol
ghoddleat. Tiatrachea vikasak mhotvachem yogdan diupi bodol ghoddleat.
Dekunuch, 17 Abril, 1892 vorsa suru zalolea ani aichea tiatrant borech bodol
ghoddoileat ani ghoddleat tem disun yeta. Punn mhotvachem mhonnlear, tiatracho
gabho mat toch urla. Uronkuch zai, karonn tench tiatrachem khaxeleponn asa.
?
???? Tiatrachem ek mhotvachem ang mhonnlear tiatrachi borpavoll. Tiatr
veg-vegllea angamni sudarot vetana, veg-vegllea angamni progoti kortana, mhojea
motan tiatrachi borpavoll-ui aste-aste fulot vochunk zai, ti fular yeupachi
goroz asa.
?
Tiatrachem mol-mhotvachem ang asloli borpavoll girest asop mhonnlear tea
tiatrachem ordem zoit. ?Tiatr boroupa fattlo tuzo hetu kitem?? oxem tiatristank
vicharlear, choddxe zann rokddech zap ditat ? ? lokak sondex diunche khatir
hanv tiatr boroitam.? Oxi hanv zap aikotam vo vachtam tednam, mhojea monant
vicharancher vichar yetat - dusreank sondex diupi ami konn? Sondex diupacho
odhikar amkam konnem dila? Ami dusreank kiteak sondex diunk zai? Khuim tori
vochun dista, tiatrantlean konnench, konnakuch sondex diuncho nhoi.
?
Zalear, tiatr kiteak boroupache tor?
?
Mhojea monam pormannem, tiatrachi borpavoll girest chintnamni (thoughts) ani
vicharamni toptoploli asunk zai. Machier tiatrachea rupan ti follak yeta tednam
tantuntle vichar tiatr pollennaranchea monak adllun vochunk zai. Tea vicharamni
ani chintnamni, tiatr polleupeank chintunk laupachi tank asunk zai. Tankam
vichar korpachi vatt ugti korpachi xokt asunk zai. Tankam nhidentle zage
korpache dhomxe asunk? zai. Ani eka tiatrache borpavollint tor he gunn asot
zalear, dubhav nastana tiatr polleupi apnnak tiatr somzola te toren ap-aple
porim, apo-ap sondex ghetolo. Tankam to diupachi gorozuch upraschi na.
?
Aiche tiatr pollennar, oxech uttun konnachea-i tiatrak vochonant. Tiatr
konnacho, tiatrant konn-konn gaupi? asat, konn-konn komedian asat, konn-konn
kolakar asat hem sogllem polleun ani chintunuch xevttim tiatrak vochpacho
nirnnoy gheta. Tiatrache borpavolli vixim-i oslench kitem zaunk zai oxem mhaka
dista. Tiatrachi borpavoll itli dharechi, probhavik ani monachi bhuk bagoita
tosli asunk zai, faleam tiatr pollennaramni tiatrache borpavollivelean tiatr
boroupeacho sumar korun tiatr polleunk vochpachem tharaunk zai. Oxi poristhiti
nirmann zali zalear, tiatr boroupi-i tiatr boroitana don pavtti xadur ravtole,
ani hea soglleantlean tiatr borpavollicho-i bhaxik ani sahitik nodrentlean
dorzo vaddpachi xoketay asa.
?
Punn niktti toxi tiatrachi borpavoll korunk zata? Dhorlem pen, laglo borounk
mhonn eka tiatrachi bori borpavoll toyar zaina. Tea khatir boroupean khubxeo
gozali korcheo poddtoleo. Boroupean apnnak yetat tea bhasantlean vachop
korpachem, veg-vegllea bhasantlim nattkam polleupachim, somazant
cholta-bhonvtana ani chear-chougam modem misoll zata tednam monache dolle ani
kan ugte dovorpache, apnna bhonvtonnim ghoddtolea ghoddnnea-gozalincher niyall
korpacho, monantlea monant heo soglleo gozali xizoupacheo ani uprantuch kagdar
vaddun magir machier choddoupacheo. Ani tednam, tiatr boroyloleak apnnem ek
boro tiatr boroyloleachi, ani tiatr pollennarank apnnem ek boro tiatr pollela
mhonnpachi bhitorlean khoxalkay bhogtoli.
?
Tiatr ho G?ycho ek agllo-vegllo sahityacho prokar. Eka kallar tiatr ani
tiatrist mhonnlear choddan chodd zann ang kaddtale. Punn khub vorsam uprant hea
prokarak ek vegllem mhotv ailam, vegllo zago, vegllem rup favo zalam. G?yant
Tiatr Akademi sthapon zait porian tiatr prokarak anik-ui mhotv ailam.
Sahityacho ho prokar anik-ui unchle tenkxer vhorun bosounk, Tiatr Akademin
tiatrache udorgoti khatir vavurtana kherit toren tiatrache borpavollicher bhor
diunk panvalm ubarlelim zalear, borpavolliche nodrentlean anik thoddeach
vorsamni amkam anik-ui unchlea dorjeache tiatr polleunk melltole.?
Jose Salvador Fernandes
Sebastian Borges
Send free SMS to your Friends on Mobile from your Yahoo! Messenger. Download
Now! http://messenger.yahoo.com/download.php
