Ixttamno,
Hanvem odmas kel'lo tech pormannem, Tomazinho baban apli 'forgery' ("Press Note
signed by Fr. Freddy J. Da Costa") mhaka dhaddun dili; ti hanga polleyat:
http://tinyurl.com/2vumz6j
Tech borobor anik tin "purave" dhaddleat. Ek 'forgery' toyar korpeak anik tin
korunk bixat zai? Punn 'forgery' mat bhov bori zalea. Excellent work! Kam'
itlea kurtidponnan kelam ki samki khorelich dista. Dalgado Konknni Akademi-cho
ho dukument khoim. Tacher Dalgado Konknni Akademi-chem nanv ani pot'to
asa. Sokol soy kelea thoim 'rubber stamp'-ui marlam. Dukumentachi tarikh mat
khoinch disona. Punn poilich voll oxi asa: "A special meeting of the members of
the Akademi was held on 9th October 1988......" Konn-ui to dukument khorelo
mhunn mandunk fattim-fuddem zauncho na. Hanvui toxench mandtolom aslom. Punn
DKAcho Logo add ailo. Tacher "Sthap: 1989" oxem spoxtt asa. Atam tumich chintun
polleyat. 1989 vorsa sthaploli sonstha 1988chea Otubrant aplea membranchi
'special meeting' gheunkuch xokona, oxem nhoi? ['Xokta' oxem tumkam dislem
zalear, koxem tem mhaka kolloilear upkar zait.] Mhonnje to dukument ani DKAcho
Logo hanche modem 'conflict' asa.
Donui ekach borobor khore asunk xokonant; ek khoro aslear dusro khotto
asunkuch zai. Tech khatir to dukument ek 'forgery' thorta. Na zalear, DKAcho
Logo fottkiro mhonnchem poddtta. Punn ho Logo khub temp amchea fuddeant
asa. Hanvem V.Ixttak dhaddlolo to dhovear-kallo (black-n-white) nomuno 2004
vorsa uzvaddailolea PORMOLL hea yadostikantlo. Internet-ar dhaddla to rogit
nomuno halinch zal'lea uzvaddavnni suvalleachea amontronn karddantlo. {Donui
hanga click korun polleyat:
http://tinyurl.com/2vxaraw
Mhonnje fattlea 5-6 vorsanchea kallant ho Logo xembhor-don'xim pavtti tori
chhapla ani hozaramni vachpeamni sabar pavtti to pollela astolo. To fottkiro
mandunk kustar lagta. To khotto mhunn provar korunk Tomazinho baban atam
khoddegantt purave diunche poddttole. Te nodren, Tomazinho baban fuddlea
prosnank promannikponnim soroll zapo diuncheo:
1. Sarkich konn tarkher DKA sonstha sthapon zali? Tiche poilean poile Odheokx
ani Sekretar konn aslole?
2. Fr. Freddy DKAcho Odheokx aslolo zalear, kedna savn kedna poriant? Tedna,
tache borobor, Sekretar konn aslolo / aslole?
3. DKAcho Logo kedna ani konnem toyar kel'lo?
4. Logo-nt chuk asa mhunn tumche nodrek kedna tori ailolem? Hoi zalear
kedna? Ani te vixim tumi kosli karvay keli?
5. Logo-ntli ti chuk (asli zalear) nivllavpache yotn kedna tori keleat? Hoi
zalear, kedna ani kosle? Ani sudharit Logo amkam kedna polleunk mellttolo?
Hea prosnanchi zap mellttokoch amcheamni dusrea prosnank hat ghalunk zatolem.
Tomazinho bab sohokar ditolo mhunn patiyeun ravtam.
Sotachench zoit zatolem.
Mog asum.
Sebastian Borges
On 1 May 2010 tomazinho cardozo <[email protected]> wrote:
*Borges bab-ak Zabab*
*?Romi Konknni? ? Soglleo Fotti! Ekuch Sot!!*
Amcho Borges bab portun fotti marunk laglo. Adim hanvem tacheo 5 fotti
vachpeache nodrek haddloleo. Atam tannem anik fotti martat teo polloum-ia.
(1) *Sovi Fott: *Borges bab mhunntta, ?*Hanvem taka prosn kel'lo, Romi
Konknni Sommelonant je tharav ghetat te sogle Romi lipint Konknni vachpi
porjeche mhunn mandun ghevpache kai mhunn. Tor to mhonntta toxem mandun
ghevpachem na.? *Are Borges bab oxem hanvem mhunnokuch na. Khoim ani ken?na
havem toxem mhunttlam tem sang polloitam? Kiteak re baba fottincher fotti
marunk laglai?
(2) Pustok prodorxonn aslem tem soglleank dislem punn Borges babak dislem
na. Bongom tachem! Taka goddie dixttichem ?problem? asa zait. Monachi dixtt
nivoll zalea xivai babddea Borges-ak khorem kitem tem dischench na. Punn
hea vixoya vixim mhoje lagim chorcha kortana to Tony Martins ani tacho proxn
derrepent kiteak haddlo re baba? Dusre dusre proxn misoll korun khorea
prosnnacher visor ghalpachem karya amche ?maharajkarnni? bhes borem korta
mhunn ami zannanv.
(3) *Satvi Fott:* ?Romi Konknni? he shobd sogllea poile hanvem suru
keleat mhunn mhojer arop ghatlo. Mhaka zababdar korchekhatir hi jivi fott
tum uloilo. Hanvem tuka purave dile ki kitlim vorsam fattim tancho vapor
Padr. Nicolao Pereira, Prabhakar Tendulkar ani Fr. Freddy J. Da Costa hannem
kela mhunn. Atam te soglle purave zata zalear hea madeama vorvim daddun
ditam. Te vach ani uprant uprant kitem sangpachem asa tem sang. ?Forgery?
kelea mhunn tumvem anik ek arop kelo anik ek fott marli. Hi tuji fatllea att
disam bhitor satvi fott. Dusreancher arop ghalpachem kam? ?mharajkarnni?
fuddaream laginch sompeponnim zata mhunn hanga provar zata.
(4) *Attvi Fott:* Borges bab mhojinch utram boroita, ?'Toch lekh asa
zalear to dusare bhoxen koso yetolo tor? Tosoch yetolo nhoi? Hanvem zo lekh
Times of India haka daddlolo tachi proti zai zalear mhojean konnakui diunk
zata.' Ani tea fuddem mhunntta, *?Mhonnche Internettar zo mathallo aila to
tannench dhaddlolo oxem zalem na?*? Are Borges bab kiteak re orthacho
onorth kortai ani ghuspaghondoll rochunk sodhtai? Punn ek mat khorem.
Guspaghonddoll korunuch aplem sadovop hem amchea ?maharajkarnni?-anchem
kortov?vea asa. Hanv Borges babak ek avhan ditam. To lekh internettar
hanvem daddla mhunn tannem provar korcho. Ani provar korunk zaina zalear
apunn fottimchem zoit korunk vavurpi mhunn mandhun gheunchem. Tovui lekh
zoso daddla toso hanga zoddtam.
(5) Borges bab anik ek gombir vak?kea vaporta. To mhunntta, *?Jiti fott
ani disa uzvadda, dolleam hujir nagovpacho yotn*:?. Je konn aplea jivitant
nagovnne asat tankanch nagovpachea yotnacheo boreo yadi zata. Konknni
sombondhan khore nagovnne konn asa kai? Fuddem vachat. Mhojea vichara
pormonnem je konn Romi lipintle Konknnint boroita, masikam kaddta, tanche
khatir Adverizements gheta, duddu komaita, Romi lipintle Konknnicho kosloi
vavr korunk duddu gheta, dusrea utramni Romi lipintle Konknnichea adharan
aplem sadoita punn Devnagori lipi borobor Romi lipik sthan divpak virodh
korta te monisd ki khore Konknni bhaxeche nagovnne, chor, fotting ani dhongi
asa. Dusreak nagovnno mhunn ek bott dakhoitana Borges bab apleakuch tin
bottam dakoita mhunn visorta astolo.
(6) Ani akhrek to mhunntta, *?Anik ghannoun gheunche suvater, Tomazinho
baban ho pixeank pimpoll dakhovpacho dhondo edearich soddun dil?lo
boro.?*Borges him bhurgeaponnam mure? Churchure tuje! Kiteak hea
zhuzan konn
ghannoun ghetolo to vachpi tharaitolo, tum ani hanv nhoi!
Fottinchem zoit kednanch zanvchena
*Tomazinho Cardozo*
Candolim, Goy.
