[Goanet] 'Debate Soddun Konn Pollon gelo?'

[Fausto Da Costa]

Kodel Digambarachi asom, Parrikarachi asom vo Ranechi asom; svarthi 
Konknnivaleank kitem forok poddla? poddtta? ani poddttolo! Romi-devanagiri 
Konknni mhonlolo vixoy matr jivo asonk zai. Ani dekhunuch ho prosn mittona 
vo mittoinant. To sodanch jivall dovortat, boskaun khavunk. Zai tedna voir 
kaddun ap-apleachem sadounk.
Fausto

Rajkornnat khormelele ani bhormele monisuch Debate-ik fuddem sortat, kiteak 
tannim adim-fuddench rater manddleli asta apli fotting bazu sot koxem 
manddun lokachea dolleank panam puspachi. Konknnichea vikasacho vavr 
apsuvarti monxachea hatanim poddla ti ek durdoivachi ani khontichi gozal. 
Matiche vonttik ximitt saroilem mhunn ti Slab-acho bhar pelunk xokona. 
An'naddi rajkornneank hem itle vegim somzopachem na. Zo meren Digamberachem 
kodel surokxit asate meren suvarti konknni valeank bhirant na. Sogllo teomp 
saumaimchoch asona, suniechoi vell pavon sorta hem jitle beginsomzota titlem 
konknnichea faideachem zaunk pavtelem.
Debate-ik te meren kainch mol uronk na. Aiz meren konknni hanv mhuntta Romi 
konknni vixim nettacher ani masik -potramcher bhasabhas zalea tantunlean 
konn fotting anik konn sot sangta tem spoxtt zal'lench asa. Taka ani veglli 
debate goroz na oxem promannik konknni mogeank thavem zalam.