SUPURLIM TIN UTRAM
Kalchea Budhvarak nusteachea bazarant, khubuch tempan, ghorkara sangata ti
gavli. Koxe toren ani ken’na amchi ollok zaloli ti mhaka yad nam. Internet-a
vellean mhojea inbox-an ti bhouchdam email forward korta. Punn ken’nanch ek
utor
type korun email dhaddun dilo nam. Kitem zaum! Konnui tuka kitem tori forward
vo
pattoun dita tedna to monis tuzo ugddas korta, oxem sozmuchem asta. Ani mhoji
yad kel'leak hanv dhinvasan ‘thanks for your email vo dhinvas tuje e-chittik’
oxem boroitam.
Bhouch umollxik laglolea porim tinnem mhoje hat ghott dorle. Netar yetli mhoji
liknni, ti ani tigelo ghorkar chukoinastana vachtat mhunn kollit kelem. Tinnem
pattoun vo ‘forward’ kel’le e-mailik hanv soroll upkarachi zap ditam tea khatir
ti mhojer khos. Dusrim ixtt-mitram toxem korinant mhunn tin xinn korta. Tea
vellar hanvem mhontlem.
“Tuka dusreamni pattoun dileleo gozali ‘forward’ khorchea bodla, tunvem khaxea
type korun supurlim tin utram boroun...”
“Xi baba. Loz besti!”, Nustem mollovpachea kamant gul'l aslolea ghorkarak
pollevn tinnem mhontlem ani mhukar sanglem, “three little words? I love you?
Him
utram konnakui ucharpak mhozo ghorkar na re papia?”
“Toxem nhi gho! Hanv kitem sangunk sodtam tem poilim aik tori. Tunvem ‘forward’
kel’lea emailink mhoje toren her ixtt-mitram zap dinant mhunn nigtoch tunvem
xinn kela. Ghorjechi mahiti, zagrutay divchelim ani faideachem kitem asot
zalear
tosli emaili pattoun dilear konnank tori faideak poddot. Punn naka zal’lem
ani moriadi bhailem portean-portean dhaddun dilear, tugele ixtt-mitram delete
buttanv chiddpak vell lainant. Dekhunuch hanv sangonk sodi, tosle email pattoun
dinvchea bodla tunvem how are you vo koso/koxem asa tum, him tin lhan utram
type
korun dhaddlear ghoddie tugelim mogachim tuka jerul aplea bholaikechi khobor
ghetli mhunn dinvastolim ani tuje emailik protisad (reply) kortelim”
Mhojin utram tika pottlim zait. Hanvem kitem sanglolem tem niyall korpa sarkem
asa mhunn tinnench zaun mhaka sanglem. Ani khorench. Ho mhozo lekh
tumcheainbox-an pavlo ani to tumi ugto korun vachlo oxem hanvem somzuchem. Aiz
meren ani adim porian mhoji liknni tumi mon divn vachtat mhunn hanv sodanch
tumcho abari. Supurlea tin utramni hanv tumkam dhinvastam. DEV BOREM KORUM
Lino B. Dourado
* * *
IS YOURS one of the stories of Goans on board the S.S.
Dwarka, or at the Strait of Hormuz, Basra or Bahrain, Dubai,
Swindon, Mombasa, Poona or Rangoon? Selma Carvalho's new book
*Into the Diaspora Wilderness* docks at many other ports. Get
your copy from Broadways, Panjim [9822488564] Rs 295. P&p
extra. http://selmacarvalho.squarespace.com/
