Mogall Stephen bab, Maie mogache nomoskar tumkam. Rogtacheam Goycheam bhavnnak don utram boroileam tim vachtoch tumkam don volli borounk xeo disleo.
Goykarachea kallzan, Goykarachea rogtan Konknnicho ani Goycho mog aslear Goykarak konnech zagoumchi goroz na. Amche zaitech xe Goykar konknni uloilear ani dusrean uloitana aikoler xikop naslolo oxem sozmot mhon Inglezuch tasta, ani inglez tasta ti aikotoch aikotoleacho to somoz zata. Tum Muskat assa, dor sukrara Igorjent Misachi Bhett somptoch eke mekak ek Goykarachi famil bett'toch khoinche baxen hodtitat? Inglez ho Konknnint? Ek Munglurchi Famil eka mekak bhett'toch khoinche baxen hodkitat? Inglez ho konknni? Dubhav na konknni uloitat te bachelor Goykar. Havem Bahrainchea ghavan deklam, havem Al-khobar Aramco base-ir deklam ani atam Dubai polletam, Goykaram fat-fat Inglezuch tasta ponn Monglurkaram ani tanchim lhan lhan bhurgim passun konknni uloitat. Amchea Goykarank burgeank konknni xikounk unneponn bhogta, oxem noi Stephen bab? Tim Roman lipen xikonk na ponn avoi bapaichea utrani xikleam. Amkam zor ekleak Goycho ani Konknnicho mog aslear amkam konnech zagoupachi goroz na. Ami amchea bhurgeam lagim konknni uloilim, tim konknni xiktolim. Stephen bab Keralacheam bhavnak polle re koxim tim apli bhas samball'tat. Ani amche Goykar bhavna? Tumi Sonia Ghandhicher xinn kela? Goyant kitlim konknnintlean disalim khobre potram assat? Vauradeancho Ixtt atoudeak ek pautt.. Gulab Mhoineak ek pautt. Felicio Cardoz SOT xaptalo, Evagreo Jorge UZVADD ani Fr Freddy GOYEMCHO AVAZ him dissalim Romi Lipin xapun hadtalet. Amchea Goyemkaranim him khobram potram jivim dovorlim? Assa to Vauradeancho Ixtt ani Gulab. Hachi kopi getoleank dinvas. Goychea Saiban vachtoleancher aplo axirvad ghalcho. SUNARPARANT hem Devnagri Disalem koxem cholta ti mahiti na. Anik Konnni Romi disalim mellta zalear mhaka khobor na. Tumi Goyem Purtugezank porot diunche mhonntat. Romint konknni xikchea khatir? Purtugez Goeant astana kitleo Konknnint xalla asleot ani kitleo Marattint xalla asleot? Sopne naka. Amchea Hindu bhavamchea ghorani passun konknni uloil'li aikunk ieta ponn zaiteach xeam Kristi ghorabeani konknni uzar zaina. Amchi Konknni VHOILEA DORZEAR pauleli eka Goykarak zai zalear zonn eka Goykaran konknni ulounk zai, dusreak ulounk xikounk zai ani KOYKARANCHI KONKNNI BHAS TICH KORUMYEA RAJ BHAS haka tenko diunk zai. Mog ascho Peter Fernandes * * * * * * * * * * * * * * * * * * * * * * * * * * * * * * * Goa-launch of the well-received *Into The Diaspora Wilderness* by Selma Carvalho on Aug 29, 2010 (Sunday) at 11 am at Ravindra Bhavan, Margao. Meet the author, buy a signed copy (only Rs 295 in Goa till stock lasts). http://selmacarvalho.squarespace.com/
