GULF-GOANS e-NEWSLETTER (since 1994)® www.yahoogroups.com/group/gulf-goans/ www.goa-world.com
http://www.goa-world.com/goa/credit%5Ccredit.htm http://www.looxcie.com/ www.konkanifilmbook.com Tumcam Maie-mogacho ieukar. Enjoy Life - This is not a rehearsal! Konkani uloi, boroi, vach ani samball - sodankal. Hich Goenchi osmitai ani amchem khalxelponn. Goenchi amchi Konkani bhas! Ekvottachem saddon Goenkaranchem. Stay tuned to Gulf Goans e-Newsletter - everyday someone, somewhere learns a little..... SON’VARCHIM SUNGTTAM: ‘AMCHO AVAZ’ - Jose Salvador Fernandes Avaz! Amcho! Kherit bhaxen Konknni mon’xancho. Mukhelponnan Konknni mon’xam khatir. Ani viprit ritin Konknni mon’xamni kelolo avaz. Mhonnche, xevttim Gõykarancho avaz. Vegllea utramni amcho avaz! Hoi! Anik thoddeach satolleamni, Konknniche Romi lipentlean ‘AMCHO AVAZ’ nanvachem disallem-potr (daily paper) suru zavpachem asa. Itlo kall, Konknniche Romi lipientlean ek disallem uzvadda yevchem oxem, oso kherit bhaxen Romi lipientlean Konknni jiti-jivi dovorlolea sogott Gõykarancho mona pasun anvddo aslo. To atam xarti pavtolo. Hacho orth, hache poilim Konknniche Romi lipientlean ek-ui disallem uzvadd yevnk na oxem nhoi. 1907 vorsa SANJECHEM NOKHETR hem Konknniche Romi lipientlean uzvadda ailolem poilem-voilem disallem aslem. Tea uprant Novem Goem, Goencho Avaz hea nanvanchim disallim uzvadda yevn, tannim Romi lipientlea Konknni vachpeanchea monachi dispott’tti tan-bhuk marlea. Punn uprant, na-na torechea addkhollinchea fatrank lagun tim disallim, disallim mhunn fuddem uzvadda yevnk pavlim nant. Atam khub kallan oxem, Konknniche Romi lipientlean anik ek disallem uzvadda yeta –‘AMCHO AVAZ.’ Khorem mhollear, Konknniche Romi lipentlea mon’xancho avaz gazovpak ani aikopak oslea disalleachi borich goroz asli. Ti goroz atam hem novem disallem chalik lagona borabor bagtoli. Itlench nhoi, tor hea disallea udexim Konknni potrokaritent-ui mol-mhotvachi bhor poddtoli, vangdda Romi lipientlean Konknni bhaxechim pallam-mullam ghott-mozbut zatolim ani tem disallem Gõykarnchi osmitay ani vollok mhunn fuddem sortolem. Konknni bhaxecho itihas ustun pollelear, Gõychi ani Gõykaranchi osmitay rakun-samballun dovorpacho bhouch mol-mhotvacho vavr kelo to Konknni potrokariten mhunn disun yeta. Konknni potrokarita 2 Fevrer,1892 vorsa, UDENTECHEM SALLOK hea neamalleantlean suru zali. Hem nemallem dor mhoineak ek pavtt uzvadda yetalem. Fuddem vocgun tem pondrallem zalem. 1894 vorsa hem ppondrallem bond poddlea uprant, Konknnintlim ani Konknniche Romi lipiecho bhag aslolim sabar Purtugez ani Inglez nemallim uzvadda ailim. O Concani, A Luz, O Luso-Concanim, O Liberal, O Goano, Tribuna, Porjecho Avaz, A Lua, Catholic Sovostkai, Dor Mhoineachi Rotti, The Popular Magazine, Ave Maria, The Goa Mail, O Amigo do Povo, Konkani Boletim, A Tribuna , Gulistan , Defensor do Povo, Amcho Sounsar, Amcho Gao, The Goan Herald, Niz Bhavarti, The Goa Times, A Voz do Goano, Porjecho Adhar, The Goan’s Own Magazine, Vavraddeancho Ixtt, Novem Goem, Gõykar, Gulab, The Goan Review, Konkonn Divo, adi. oxea sabar nemalleancho tantum aspav zata. Oxe he Konknni potrokaritentlean Romi lipientlo Konknni monis apli bhas samballit fuddem sorla. Khobram-potr hem khobro divpi bhou purvilem madeom. Hea madeomacho TV-k ani reddiok khub faido zata. Aiz jeo TV-cher, khobram chenolancher vo reddiocher jeo khobro vitraytat, teo poylim borovn kaddtat ani uprant vhoddlean vachun aikopeam khatir vitraytat. Punn hea khobrantlean, aikopeank jitli-i te-te khobrechi barik-sarik mahiti zai ti vellache moryadik lagun khubuch pavtti diloli nasta. Punn ti khobram-potrancher mat purayponnim vachunk melltat. Xiklole porjek khuim khobram-potram him khobrechi mukhel zhor asta. Tea khatir, khobram-potrank ek visvaxi vachpi asta. Aiz sonvsarant, Bharotant ani Gõyant legit jem kitem ghoddta tem aiche sudarlole teknolojik lagun ami aiche aiz zann zavpak pavtat. Aiz ghoddloleo gozali jeo faleam khobram-potrancher uzvadda yetoleo teo News Chenolam udexim aiche aizuch kollta. Torui astana, oxe fattbhuyecher aiz-kal khobram-potrank khuinch mar boslolo disona. Adim hea madeomak jem mol aslem tem aiz-ui asa. Oxe poristhitint, Konknniche Romi lipientlean ‘AMCHO AVAZ’ hea disalleantlean, atam Konknni potrokaritek odik dhar ani ek vegllem moddon yevpachi vatt toyar zata. Itlo kall, mona-kallzantlean Romi lipentlea Konknni mon’xak Romi lipientlean ek disallem zolmak yevchem mhunn axetale ani anvddetale. ‘AMCHO AVAZ’ disalleantlean tachi hi axa ani anvdde atam xarti pavtele. Tache he anvdde-axa xarti pavoita-pavoita hem disallem dubav na Konknni potrokaritechea mollar mol-mhotvachi bhor ghaltelem. Tech khatir, dor eka Gõykaran ani konknnean hea disalleak aitea monan-kallzan yevkar divnk favo. http://www.goa-world.com/ http://www.tiatracademy.blogspot.com http://aitaracheokaskuleo.blogspot.com/ http://sonvarchimsungttam.blogspot.com/2010/10/amcho-avaz-jose-salvador-fernandes.html GOA SUDHAROP: Congratulations "TEAM ALMEIDA" http://groups.yahoo.com/group/gulf-goans/message/31703 www.goasudarop.org To contact us email goaworldto...@yahoo.com copying uly...@yahoo.com Goa-World.com Team http://www.radioidli.net/konkani-poem-a-classic-recording-of-kochi-ananth-bhat/ Narlakui roddta ani telak-ui roddta - Konkani Opar http://www.yahoogroups.com/group/gulf-goans
