[Goanet] Sad demise of Jackson Coutinho of Canacona in Dubai, hea vixoiavoir havem Goaet-ar uzvadak
Eil’lim boroupam vachtoch mhakaim il’em borounk euzolem: http://nizgoenkar.blogspot.com/2010/10/st-marys-goan-sodolity-dubai-spineless.html Vachtoleano rag dhorcho noi kiteak Niz Goykaranchi bhas Konkani dekun hanv Konknint boroitam ani sozmotam je NIZ GOENKAR vachtat te Goykar vachun sozmotolet mhomm, ani adim fuddench vachtoleank Deu Borem korum mhonntam. Havem att vorsam Saudi desant sarlea uprant Dubaint paulear char vorsam zalim, ani jem Dubaint havem Goykaram Modem deklam tench haum boroitam, ani vachtoleank dista haum chuklam mhonn, zalear mhaka bhogsumcho. Az passun havem St Mary’s Goan Sodality bhair khoich dusri sonvsta vavurtoli dekonk na na mhonn aikonk na. Poile suvater ek vichar amchea Goykar bhavna modem ekvott kiteak ghodun hadunk zaina? Kaibore sogott Goykar ami Movall Kalzache, dusreachi dukh-sukh volkon ghetole tor kiteak amchean hatik hath diun fudem paul marunk zaina? Kiteak nossai, kiteak kritika. Mhaka ho boroilo lekh bilkul audonk na, boroitolo Niz Goykar? Are papya, jem St Mary’s Goan Sodality-n Jackson Coutinho passot kelam tem tust korpa sarkem. Tani Dubai rautoleam Goykarancho sohokar maglo, Goykaruch noi ponn Goykar noi te passun tache khobrek gele ani zata te baxen aplo taka Sohokar dilo. Az Jackson amchea modem uronk nam, Devan tachea churchure korun Aplea Ghora vhelo, Tachea Otmeak Sasnachem Sukh favo zaumchem. Anik dusreo Goemcheo Vavurtoleo sounto asleo zalear khoim nhidloleo? Durean kel’lo Vhaur tumchean pollounk zalo na haka Niz Goemkar mhonnpacho? St Marys Goan Sodality, Goykaranchi ekuch Sonvsta vavurta ti havem deklea ani hi Sonvsta zo vhaur korta to boro vhaur Niz Goenkar acher uzvadak eil’lo lekh kaim zanak Goychea politicianak misoll korta, kiteak? Upkar korun osli dusmankai Pois dourat. Goykarponn rakat re. Ho lekh boroun tumi zaiteam zanachim monam kodu keleant tem bilkul sarkhem na. Amche Munglurcheam bhavamcheo zaiteo Sonvsta assat ani kaibore ekvottan te vavurta te polloun egdom borem dista. Tanchea borea vaurachi khobor DAIZI WORLD porgott korta tem zonn eka Goykaran vach’chem. Vorsak char panch Goykaranche Konknint Tiatr Dubaint pollounk mell’ta thoim passun ekvott na zaun uzoteo dusmankaeo. Kitem zalam amcheam Goyemkaranchea ekvottak? Goykar mhojea bhava Goykar mhoje bhoni Eka hatan Talli vazona Talli vazpak dusroi hath zai.. Eklean chuk kelear taka mellon ghe Ani tachi chukh sudrai ponn masikamcher kritika kiteak? Kritika kelear tum Niz Goykar? Dubai aslole bhavank toxe bhoinank Vell chodd molacho Offisachea toxem Ghorchea vaurant Torui St Marys Goan Sodalitik aplo vell ditat Tumchea hatak xokti ani penant xaai Assa mhon kiteim boroinakak. Niz Goykar zalear fuddem sorat Hatik hath diat ani Konknint uloyat. Ani Niz Goykarponn dakoiat. Tumcho Mogall Peter Fernandes _/_/_/_/_/_/_/_/_/_/_/_/_/_/_/_/_/_/_/_/_/_/_/_/_/_/_/_/_/_/ _/ _/ tambdimati: the Goa review is a community blog of original _/ art, writing, music, news and commentary from and about the _/ smallest state in the subcontinent. check out the newest _/ member of the Goanet family daily at _/ http://www.tambdimati.com. _/ _/_/_/_/_/_/_/_/_/_/_/_/_/_/_/_/_/_/_/_/_/_/_/_/_/_/_/_/_/_/
