Hem FACEBOOK Tem Kitem?
Halinchea khallar, somaz-jali mavlle tholl (social network service)
FACEBOOKsoglleanchem avddichem zalam. Dor eklo monis, apli kazgi mahiti
fottusoit FACEBOOK-ar dita. SEARCH, hea zagear, tujea vollkichea mon’xachem
nanv
'type' kelear ani to/tem hea mavlle thollacho vangddi aslear, FACEBOOKapo-ap
tum
sodtolea mon’xachi fottusoit 'update' kel’li mahiti dita. Visor poddlolea
ixtt-soireanche fottu pollevn, monantle podd’de, adle yadimni bhorun yetat.
Pois
zal’lim ixtt-mitr ani soirim, hea FACEBOOK-a velean lagim zatat. Portean
mulakhat zaun, konn khoinchea sonvsarachea konxeak pavla, hen zannam zaunk
pavttat. Fottu pollevn, jivak shu-u-u zata. Iskolant, kolejint xiktana ani her
zagear ekthaim jiyetole khallavele ixttanchi porot vollok zatoch, jiv
humalleamni dhadosta. Thoddim, sagantan kuttumbache fottu ditoch, tachem vo
tichem logn zalem mhunn kollta. Thoddo lok, bhurgeanchi kola ani heram vatten
tanchi huxarki 'video film' korun FACEBOOK-a velean, ap-apnnalea mogacheank
pattoun ditat. Khoreanch, hea FACEBOOK-an, bhouch chamatkar kela ani 500
millanv
lokachem avddichem zalam.. 'Alfred Rose fan group', 'Lorna fan club of
Goa-India', 'Tiatrist-fan group', ani her sabar fans-klubamni bhitor sorunk
amontron ditat. Tim svikar korchim vo na? Hi mat tuji zababdari asta.
“Tuzi ixttagott zhoddunk -------sodta”.Oxo ek iglejintlean FACEBOOK-a velean,
ek
sondex mhojea e-mailint ailo. 'Accept' vo 'reject' korchem, hem mhojer
tharlolem. Daddpi, ekdom lagxil’li ani vollkichi ixttin aslolean hanvem
'accept'
botton damplo. Ani tea meren Simão, Hilda, Tilda, Paula, Agostinho, Vincy, Mike
ani her xeboram odik sandlolim mhaka porot FACEBOOK-a velean doddlim. Mhaka
zalear hem FACEBOOKbhouch upeogi zalam ani hanv bore toren tacho vapor kortam.
Punn thodde ontoskornnan kuskeponn dovorun jiyetele lok, hea mavlle thollacho
vaittovo margaleant goirvapor (misused) kortat dekhunuch, kaim desamni hem
somajik FACEBOOKmavlle thollak bondi ghatlea.
Ani amchea Gõyant thodde vaitt sobhavache monis unnem nant. Tannim hea funkea
mavlle thollavelacho faido kaddla ani kaddttat. Famad aslolea mon’xanchea email
account ukte kortat ani tanchim paddelim kortumbam mavlle thollar duitat. Ani
akach lagon fattim Gõyche Bhouxik Vavra Khateache Montri Churchill ani Xikxonn
Montri Monsoretan pulisek tokrar kelea. Tanchea nanvan, kaim monis khotteo
khobracho prochar kortat mhunn tannim kex nond keleat. Gõycho Mukhel Montri
Digambar Kamat utla. Apnnalea montrimonddolachea bhageleank sotaytat mhunn
'Indian Computer Emergency Response Team' hankam chitt boroun karvayi suru
korunk sanglam. Nanvanchi badnami kortat, abruluksonnank pavoitat, bemoriadik
fottu ghalun gupit faido vo 'blackmail' korun sotaytat hem monant dorun, Gõyant
Orkut, Facebook, Hi5 ani her somajik mavlle thollancher bondi ghalunk magnnim
kelea. Fattlea disamni Gujrati Mhavesh Mole nanvanchea bhurgean, Sanguemchea
eke
cholieache pozdde fottu ani lojek ghalpa sarkelim borovpam FACEBOOK-ar uzvaddak
haddlim mhunn pulisen kex nond zalea. Ghatki monantlea mon’xam koddsun
tornnateamni ani odik korun choleamni hea samazjali mavlle tholla koddsun pois
ravtat titlem borem zait.
Halinchea disamni mhojea e-mailint dusrench torechem FACEBOOKbhitor sorlam.
'Greetings from Tina'. 'Bina wants to be your friend'. 'Gina invites you….' ani
sabar cholienche sondex mhojea e-mailir pavtat. 'Inbox'-ar vachun mellta
FACEBOOKpunn ukte kortoch, ollxig sobdacho F---,uchar kel’lo vachunk mellta.
Tina, Bina, Gina ani her sobit tonddam borobor, daddleank uchamboll korchele
tanche nazuk kuddiche sande distat. Survatek (noko zaun) pollepa sarkele nhoi
te e-mail hanv ukte kori. Punn atam, jitle pavtti nakartam vo 'delete' kortam
titlech pavtti portean gunvandde ghalun tinch-tinch ollxigi chitram 'entry'
martat. Hanvem tokrar kelea. Pulisek nhoi. FBOOKkharbareank!!!!
_/_/_/_/_/_/_/_/_/_/_/_/_/_/_/_/_/_/_/_/_/_/_/_/_/_/_/_/_/_/
_/
_/ tambdimati: the Goa review is a community blog of original
_/ art, writing, music, news and commentary from and about the
_/ smallest state in the subcontinent. check out the newest
_/ member of the Goanet family daily at
_/ http://www.tambdimati.com.
_/
_/_/_/_/_/_/_/_/_/_/_/_/_/_/_/_/_/_/_/_/_/_/_/_/_/_/_/_/_/_/
