*Ami Fottoule?* Pem-pem pemprem pem vazoil'li ami Turturi Kum-kum kunkrum kum vazoil'lem ami Rebeku Dama-dumu dumu dam dam dum vazoil'lo Dol Tomoru Mann'dde dulpod ghaunu Jai Hind Bharat mata jai! oxe nare gazounu Uddon-uddon nachonu Dezembrache ekonisver Manoil'lo ami suatontr dis Purtugez pakleank danvdailo Goyank sutt'ka mell'lolo.
Portugezantlea chopkeantle suttoun Goyem az sugur urlam? Vazontoram vazzounu Kiteak ami hul-hulponan nachle? Fottouta re ami foutoule, Amcheach Goykaram kodsun Fottouta re ami fottoule Dongramche dongor khonnon Grestkai tuji vikun khaun Mhojea-tujea dolleank pana bandun Apunuch grest zata ani grest zale. Hai mhojea Goa! Sobit dorea Vello tujeo Porkeank viktat ani vikleo Ghavantle dongor foddun Kaiborim tujim xetam puroun Bongle-imaroti toyar kortat ani keleo Goyam baile lok Goyant rigon Bhoim, Goyche Goykar urrot mhonn vatter. Oh mhojea mankulea Tujea pottan mhaka samballun Zolmak hadtolea Goa! Goa mhoje Maim Veng marun ghott tuka dhorun Gopan ravon tujea Suskartam ullas soddun rodtam. Xiklam, ponn sirvis na ge mhaka Magtat ge te, ponn Lakamche lakh diunk ghodona Amich niuddun hadlolea Montreank. Tum xidkaitali ami aikonk na Purtugezank ami daundaile Ponn az amcheach bhavamche Ami ghulam zaun urle Mai ami fottoule. Goa mhoje mai! Kitem cholta ani kitem chol'lam? Roste sudrona aksident vadta Kitlinch tujim bhurgim morta Udorgotichea nhavan brostochar Tech porim Chorio ani Bolatkar Niai nit na Mai, na ami swatantr na Mai, ami azun gulamponan assat Gulamponan, Goyant raj kotolea Alibaba ani challis choramche Peter Fernandes Penha de Franca (UAE)
