Bondolam Marchim, Punn Chodd Nhoi Papia Mogachano, Sokoil dil’li chitt bhouch adim mhaka pavtti zal’li. Khoim tori chukon ti inbox-an sandleli. Khubdam hanvem yont kele ti sodpak. Punn kal, osoch adlo vo naka to kochro ‘delete’ kortolom mhunn komputorar boslolom, ten’na sandleli e-chitt mhojea hatak sampoddli. Dekhun, tumkam vachunk divn dislem. Vellantlo vell kaddun vachat. Manest AK lekhok bab, Keddna kai Aitar yevnso dista. Ani to ailo mhonntoch, mhagelem suman atvech umedin suru zata. Tea disa nosto, nhoi mhunn jevonn porian naslear upkarta. Punn Aitaracheo Katkutleo mhagelea inbox-ant disleo nant zalear, hanv pixim koxim zatam. Aikunk ojap dislem? Hanv ek logn zal’li ostori. Amgelea xivay, mhajean; dusrea daddleanchi axa korunk zaina. Hem amgelea dhorma add vota. Khorem mhollear, mhaka tumcho prem zala, (chuk zali), tumgelia borpavollicho mog, oxem somzuchem tumi. Tumchi borpavoll dor disa mellchi, oxi mhaka dista. Punn sumanant fokot ekuch pavtti katkutleancho porinam, heraim disantlean chalu urta to pollevn, mhaajea ghorkarak ‘kuzli’ zatat. Te somzotat, hanv tumcher pixim. Tumcha borpavollint lingsonbondim (sexual) ullek zata to pollevn, thoddeamni sobemazar vachpachem soddlam mhunn sangtat. Punn, tech monis lip-choriam vo guptim vachtat ani dhongi mon’xam bhaxen anond bhogtat. Ani oslea mon’xancho sobhav, tumi ugteaponni adlea eka lekhan boroilam. Only a hypocrite, would yell about the imperfection of something when they themselves are imperfect.’ Khaxalem tanchea thaim naslolean dusreanchem sarke nhoi mhunn sangpak fokot dhongi monis poile aroddtole. Tumchim, double meaning axil’li borpavoll, internet-a velean sonvsarak ximplolea dor ek Gõykarak zagrutayechi ‘kranti’ (revolution). Kiteak? Adlech torechim borovpam vo xemaincheo kannio boroitoleank, vachpeam koddlean moll uronk nam. Dekhunuch, dukhoinastana kantto kaddtolea voizak, poilem giraik favtta. Tumchem poilem pustok ‘Aitaracheo Katkutleo’ vachpa khatir, mhagelea hatant ghet’tilem tem, vachun sompo meren sokoll dovorunk nam. Khorench! Tumcha pustokak, ‘Prostavona’ (preface) borovpi Gasper-bab Almeida-n boroilam tem borobor asa. Hem pustok ek collector’s item koxem asa. Ani dekhunuch, hamvem; tumgelem AK putsok mhaajea samkara dista toxem salantlea showcase-int dovorlam, ani mhaajea rikami vellar, porot ekdam tumche lekh vachun mhagelea alxi vellar urbecho sontos ghetam ani kednam-kednam rongar yevn khub hansta. Pustok vachtana sodanch hanstolem pollevn mhaajem dakhttea poran tumgelea pustokak apnnalem nanv dilam, “Mummy’s Laughing Book” Hanvem zaitim pustokam vachleant ani vachit asam. Punn tumcha borovpachi style mat heram poros veglli asa. Ani khorench! Mhagela potrakar, lekhok ani Goa Konknni Akademi-cho vangddi axill’lea bhava thaim tumcha pustokam vixim vicharlolem tednam, tannnem kitem mhonnchem? Ekdom boro borovpi. Ho borovpi apunn kitem ani kiteak boroita to zannam. Hea borovpeachi ji ‘style’ asa ti eke vegllech torechi ani tosli ‘style’ dusrea borovpeanchea borovpamnim disonam ani tachi borovpank mathalle divpachi ‘style’ asa ti khorench aichea kallache tornnateanchem lokx oddpa sarki asa. Hea borovpeachem vachop hansoita titlech chimmte-i kaddta. Ixttanno, bobke vo bondolam marunk thoddi tori xim-mer azunk zai nhi?. Punn, voile borovpan chodduch bondolam marleant vo bobke asat, oxem disona tumkam? Lino B. Dourado
