Aksidentank Kharan Dinakat http://groups.yahoo.com/group/gulf-goans/message/35837 Ticho ghorkar eka sumanachi 'emergency leave' ghevn Gõyam ghel’lo to, aiz portean Kuveitt panvcho aslo. Gaddi spidir dhanvtali. Ghaddi choloytana tika mobile fonar ulovnk zai aslem. Fonar uloitam-uloitam keddnam vimantololachea parkingan pavli ti, tikach khobor nasli. Gõyam thavn yevpi viman vellar pavlelem. Samon gaddien bhorlem. Ghorkarak, 'passenger seat'-ar bosoylo. Gaddieche 'steering wheel' eka hatant zalear, dusrea hatan mobile fon ubarlo. Ghorkar bore bhaxen Kuveitt pavlo mhunn, tigele avoyk kollit korchem aslem. Mobilar ankdde damptana, tichea hatantlo fone zobordosten ghorkaran kaddun ghetlo. Tika matxi tiddok aili. Fone porot dinvk magtana tichea ghorkaran mhonnlem.
“Vachunk nam tunvem etea disti poddta tea d'isplay board'-ar. DRIVE NOW TALK LATER. Ghora pavtoch susegadin tuje avoy thaim uloi”, mobilacher uloitana obseaganche ek mottem kharan Kuveittancha rosteancher asa mhunn to zanna aslo. Gaddi sodanch rostear 'defensive' cholounk zai ani nhoi 'offensive'. Khubdam tika ugddas kortalo. Gaddi choloytana tichi ek vaitt sonvoim mhonllear mobile fonar ulovpachi. Ghelea mhoynean ticheach offisan kam’ korteli ek ixttin oxech toren mobilar ulovtana marrekar obseag zaun molbavelea kumpantlean gaddi ghevn sorgachea darvontear pavleli. Ticho ugddas korit tin dis tinnem gaddi choloytana fonar ulovpachem bond kel’lem. Punn, zal’leachi sonvoim melea viret vhota? Borea utramni fon magun ghetlolo zalear tika rag yevncho naslo. Bhurgeanchea hatantlo fon oddun kaddta te toren tannem kelem. Sondhi mellta teddna 'tit for tat' ditelem oxem tichea monan niyalltana tika kitem tori haddkolunk laglem. Ani tinnem ghorkarak mhonnlem “I am driving honey” “Zannam hanv” “Zannam zalear nennar zainaka” “Atth dis zale….” “Hem kam’ ghorakodden susegadin korunk zata” “Itli addkolay kiteak?” “Vachunk nam tunvem etea disti poddta tea display board-ar? DO NOT test WHILE DRIVING. Dekun, mhojea zangddar tuzo hat asa to vegim kuxin kadd” Lino B. Dourado
