---------------------------------------------------------------------------
**** http://www.GOANET.org ****
---------------------------------------------------------------------------
Protect Goa's natural beauty
Support Goa's first Tiger Reserve
Sign the petition at: http://www.goanet.org/petition/petition.php
---------------------------------------------------------------------------
Kadambak faido zaunk kotthin
Stanley Vaz
Ponnje : Sabar vorsam zalim Gõychem Kadamba Mhamondoll (Kadamba
Transport Co-operation) luskonnachea sonkottak fuddo korun apleo bosi
choloita. Sod'deak hem mhamondoll rinnachea dongrar pavlolem asa. Hem
rinn oxem vaddot ravlem zalear Kadamba Mhamondoll bond korchem poddtolem
vo tachem khasgikoronn korun dusre khoimchei khasgi songhottnnechea
tabeant korchem poddtolem mhonn disun ailam.
2003 vorsa hea mhamondollan Gõychea Sohokari Benki koddlean 30 krutt
rupia rinn ghetlam. Tea rinnachea kolantorache (interest) duddu sod'deak
12 krutt rupia zala te mhamondollan benkik diunche poddtat mhonn
Sohokari Benkintlea sutramni hea potrkarak sanglem. He sogllem barik
pollelear Kadamba Mhamondoll fuddarak faidyan choltolem vo faido korun
dakhoitolem mhonn koslich axa na. Ghetlolea rinnache hafte (installment)
bhorunk zainant, thoim jur farik korunk koxem ghoddtolem? Oso ek mottoch
proxn uprasla.
Rinnache hafte bhorunk mhamondollak soglleach vattamni opekx ailam. Ani
sorkar poryan hem rinn farik korunk kosloch husko ani umed dakhoinam
mhonn gomun ailam. Taka lagun hem rinn oxench vaddot ravlem zalear
Kadamba Mhamondollak marekar proxnak fuddo korcho poddtolo oxem
Bekitntle odhikari sangtat.
Kaim dis fattim Gõycho Vahatuk Montri Sudin Dhavlikar-an Mhamondollan
Sohokari Benki koddlean 30 krutt rupia rinn ghetlolem, tem farik
korpachi toyari dakhoiloli. Punn 12 krutt rupia zo jur asa to maf
korcho mhonn prostav manddlolo. Punn Sohokari Benkichi jednam sadaronn
boska zali tednam Xri Dhavlikaracho ho prostav bhair uddoilo. Jur maf
korpachi benkicho odheokx Ramchandra Mule hannem te boskent sanglem.
Taka lagun Xri Dhavlikaran manddlolea prostavachim kagda-potram sod'deak
benkint dhull khatat oxem odhikareamni hea protinidhik fuddem sanglem.
Sorkari odhikarea koddlean gomlam tea pormannem Kadamba Mhamondollak
sorkar vella-vellar duddvanchi mozot korta. Punn fattlim 15 vorsam zalim
hem mhamondoll faidean yevpachi nanvuch kaddina. Taka lagun duddvanchi
mozot korpak sorkar poryan ang kaddta.
Gõy Sohokari Benkin Gõychea sorkarachea veg-vegllea mhamondollamni
kruttamni rinnam vaddleant. Khupxim mhamondollam hea rinnache hafte
bhorunk toxench jurache hafte farik korunk fattim urleat.
Sanjeevani Sakor Karkhannean benki koddlean 35 krutt rupianchem rinn
ghetlolem asa. Punn hea rinnachem hafte mat ho karkhanno neamit bhorta.
Marketting Federation hannim benki koddean 12 krutt rupia rinn ghetlolem.
Tantle 6 krutt rupia benkin vosul zaleat. Taka lagun urlole 6 krutt
rupia benkin marketing federation-ak maf keleat oxem benkicho odheokx
Ramchandra Mule-n V. Ixttak sanglam.
http://www.v-ixtt.com/client/details.asp?id=5336&cid=3
