---------------------------------------------------------------------------
**** http://www.GOANET.org ****
---------------------------------------------------------------------------
Protect Goa's natural beauty
Support Goa's first Tiger Reserve
Sign the petition at: http://www.goanet.org/petition/petition.php
---------------------------------------------------------------------------
Ek Vhoddlem Kuttumb Sukhi Kuttumb
V/S
Ek Lhan Kuttumb Sukhi Kuttumb
http://groups.yahoo.com/group/gulf-goans/message/35933
Bharotachea dokxonnicha vattarantlea Kristanvank, Katolk Igorz agro korta odik
bhurgim zolman haddunk. Keralant, Kristanvancho ankddo heram dhorma vonn denvot
vetelean, thoinchi Katolk Igorz, Kristi sumudayek netan sangta, ek vhoddle
kuttumb sukhi kuttumb. Anik bhurgim vaddounk suchnna kortana, odik bhurgim
asul’lea kuttumbank kaim firgozo ani khas korun Keralantle Kalpetta
vattarantlea St. Vincent de Paul Forane Igorz fukott xikxann, voizoki sovloti
ani nogot duddvancho adar basaita.
Sonvsarachi vhodd loksonkhea Chini desa fattlean Bharotantli 1.2 billion
dusrea zagear urta. 1991 vorsant 19.5 tokk’ke Keralant Kristanv asul’le zalear
hea vorsak 17 tokke panvddear pavlla mhunn Keralantli Katolk Igorzo husko
porgotta. Kuttumbantlea panchvea bhurgeak 18 vorsam zaum meren bhurgeacha
nanvan 10 hozar rupia bankint ghaltole ani fukott xikxann, voizoki sovloti
ditelet mhunn avasan dilam. Dusre vatten Bharotantli loksonkhea vaddai zatolean
Bharoti sorkar ek lhan kuttumb sukhi kuttumb, eka kuttumbant fokot dogam
bhurgim aschim, oso naro gazoyta.
Vhoir asleli khobor ami gombhirponni ghetli zalear, khorench anik kaim vorsam
sortat mhollear, amchea Bharotan Katolk Kristanvancho ankddo denvot vetolo
hatunt matui dubhav nam. Margayecho uzo perot aslolean choddam bhurgim eka
kuttumban asop mhonnchem, ek vhodd vojem kuttumbancha vhoddilank. Amchea
Bharotan fuddarak fokot dogam bhurgim ani chodda bhurgeank zolman haddlear, eka
bhurgea fattlean 10 hozar dhondd ani tin mhoinnem avoy-bapayk (sangatan kai?)
bondkonint sarchelem ek bil mandlam, tem pas zait tor, ek kodok kaido zatolo
mhonntat.
Aposl St. Thomas Jezu Kristacha mornnam uprant 52 A. D., Keralant pavlolo
teddna vhodda promonnan Bharotan Kristanvponn suru zalem ani lohu-lohu herui
Bharotacha rajeanim ximpoddlem. Keralant Kristanvponnank oromb zalolea zagear
atam Kristi lokacho unnav zait veta tea khatir thoimsorlea dhorm-odikareank ek
bouch khonticho husko zala. Dekun tannim chintlam ani veharant ghalunk ekdom
sullsullit panvlam marleant. Kristi lokan choddam bhurgim zolman haddchim ani
oslea kuttumbank duddvanchi mozot kortana durbolleankui adar kortele mhunn
Kerala Catholic Bishops Council vhoddil Rev. Jose Kottyil-an spoxtt sanglam ani
Keralantle dor ek ghorabean aslole vhodd Katolk familicho bhovman fuddlea
mhoynneant kortole mhunn tannem ugddas kela
Vaddoy ani choddoy ho naro logn disa igorjen padribab sangta. Punn jedna khorea
jivitan to lagu kelear Bharotacho sorkar tumi dogam tumchim dogam puro mhunn,
fukott robori vantta. Robori mhonlear bori yad zali.
Ek natu xapaik vicharta
-Xapai, family planning mhonnchem kitem gha?
-Chol voch hangasorlo. Mhaka khobor nam.
-Hanv zannanch aslom xapai. Tuka khobor asli tor, tuje gireskayeche 24 vantte
zavnche nasle
Lino B. Dourado
