---------------------------------------------------------------------------
**** http://www.GOANET.org ****
---------------------------------------------------------------------------
Protect Goa's natural beauty
Support Goa's first Tiger Reserve
Sign the petition at: http://www.goanet.org/petition/petition.php
---------------------------------------------------------------------------
Bekaideaxir minancho khell
Ho bekaideaxir minam vixim khell thamblo vo thamboila. Na to atam
thambounk titlem sompem nhoi. Punn hacho guneanv ani tacho gunneav
korunk nit korcho vell fuddem vhourunk ami novlam polletanv.
Sorkar mhunnta 'illegal min' kaddpa pasot 'contract' kortat teo komponeo
zababdari. Zalear thodde amdar sorkar zobabdar mhonntat. Konn mhunnta
min niryat (export) kortat tim bondram zobabdari. Hea bekaideaxir minam
pasot guspagondoll zala to sospacho nhoi.
Minacher dhorlolo aplo dhondo kortat to lok morchea kaddun sorkarak aplo
dispott'to giraz na zatolo mhunn kollit korta. Bekaideaxir minam
kaddpachem zor bond korina mhunntat tanchem tor sorkar mandun gheit
zalear sorkar onek vhodd proxn ubo kortolo. Vikhallim vokhtam, kuddincho
dhondo (prostitution), ani her bekaidexir choltat te-i dhondeancher
zaito lok dispott'to giraz zoddta. Hacher sorkar bondi kiteak ghalta?
Punn je toren hem bekaideaxir asun poryan he dhonde vhodd promannan
choltat toxench 'illegal mining' cholpacher boball zata tacho amkam
dubhav lagta. Bekaidean choltolem toxench chodd poixe asat thoim bondi
haddunk sompem nhoi. Punn Bharotant nodor marlear kitem tori disun yeunk
laglam.
Bharotant veg-vegllea illegal choltolea vavrak lagun vo bhroxttacharak
lagun mhan monis aiz bondkhonnint asat. Hem pollelear, nit zatoli mhunn
axa vaddlea. Nit zaunkuch zai. Nit, rit ani xist Bharotant odik aili
zalear Bharot khorench mhan zaunk pavtolo.
Nit korta te kaide xistin vapurlear, Bharotant zo kallea poixancho
dubhav asa to unno zaunk ek vhodd faido zatolo. Dor nagrik desache
girstkayent bhageli zaunk pavtolo. Girestkay fokot thoddea kodde asun zo
gap gorib ani girestam modem vhaddlea tem unnem zaunk vell lagcho na.
Bhroxttachar nopit korunk zo avaz vaddta, to bore xevotak pavtolo mhunn
ami assa ballgoita. Punn eke mhunn'nnecho amkam ugddas yeta. Big thieves
hang small ones- vhoddle chor, lhanank gollar martat. Osli Bharotachi
poristhiti zainam zaunk dor nagrikachi opekxa.
Gُychi poristhiti veglli asa. Zor bekaideachem min sorkar bond korunk
xoklo zalear zaiteo bekaideaxir vostu bond korunk nagrikank ani sorkarak
urba yetoli. Gُychea sorkarak hem ek vhodd avhan. Dor Gُykarak mot marun
konnak nivddun kaddta tancher-ui zaitem dhorlolem asa.
Punn nagrik amdaranche poixe gheun odik gulam' zaleat. Lok aiz osle
poristhitir pavleat ki ganvant dhormik riti soddun 500 rupia melltat
mhunn khoim vochunk toyar zatat. Hi Gُychea choddxea nagrikanchi
poristhiti zalea.
http://www.v-ixtt.com/client/ogrlekh.asp
