---------------------------------------------------------------------------
**** http://www.GOANET.org ****
---------------------------------------------------------------------------
Protect Goa's natural beauty
Support Goa's first Tiger Reserve
Sign the petition at: http://www.goanet.org/petition/petition.php
---------------------------------------------------------------------------
Minanche banngoddent asloleank kheast melltoli?
Minanchea dhoniamni Devacher, soimbacher ani mon'xancher okman kel'lea
karannank lagun farikponn diunchem poddtolem. Tankam kheast melltoli,
oxem Quisconda ani Kepem zil'leantlea lokan sanglem.
Kristanv dhormik sonvsthechea xetachi ek zomin bekaideaxir apnnaun
minachea vavrak vaprunk proytn zal'lo asa, te sombondim lok aplo tallo
ubharit asa. Sonvsthechea vhoddilam koddlean koslich manyotai nastana,
ti zomin minachea dhoniak dil'lean ti zomin porot gheunk kortint kes
chalu asa.
Fattlea kaim vorsank tea xetache zomnicher bhorpur 'manganese' mellta
dekhun zaiteam montreamni te zomnicher aplo dollo dovorla. 1980 vorsa
eka montrean aplea sangata lokak gheun zomin chorpacho proytn kel'lo.
Ailolea lokan tea xetki farmacher akromonn korun thoimsor vavurtoleam
vavraddeank thoinche dhanvddaile ani farman aslolim bandavolleo moddun
uddoileo.
Dongrar bandlole Saibinnichi murti ek gundda moddunk sodtalo. Punn eka
sadea xetkari vavraddeache xiddkavnnek lagun to gundda fuddem gelo ani
ti murti thoinchi umttun kaddli. Ti murti sokla poddli ani kuddke zale.
Eka satollea uprant vichitr toren to gundda somplo ani 1984 vorsa jea
montrean ti yevzonn kel'li, tea montreak faran marlo. Ti zomin apli
korun gheunchi tozvit tea montrean soddun dili ani sod'dea to opangull
jivit jiyeta.
Heach vorsa onek minacho dhoni tea minache zomnicher aplo dollo dovrun
ek vegllich tozvit keli. Te sonvsthechea neyaivadicho (attorney) faido
kaddun, tannem ek koblat keli.
Zor tea xetki zomniche hok'k ani kagdam-potram tea minachea dhonia kodde
asat ani sod'dea kortint ti kes chalu asa, minachea matyek lagun ti
zomin khonddunk kotthin zatolem. Kaideachea minacher poryan bondi
ghal'lean, eke toren ti Devachi zutti, oxem tea ganvcho lok uloita.
Fattlea kitleach vorsank tea sonvsthechea vangddeamni adivaxi lokak aple
hok'k diunk vavurleat. Tea sonvsthechea eka vangddean minachea
odhikaream add zhuz manddlem dekhun, taka jivexim marpacheo dhomkeo aileo.
"Minacho vavr choltalo tea pormannem, kaideachea minacher bondi yetoli
mhonn konnench chintunk na, karann soglle duddvankar ani vhoilea
panvddeache odhikari tea banngoddent misoll asle. Dhul'leak lagun
minachea vattharant jiyetolo lok khup-xea duensank boli poddla. Lokacho
virodh astana-i konnench koslench panvl marlem na. Duddvanche axek lagun
minachea ttrokanchea obsoegank sampddun kitleach lokacho jiv somplo.
Soglloch lok, bekar aslolo lok, tea minachea dhondeant bhitor sorlo ani
sokoilea dorjecho min vikunk laglo", oxem eka ganvkaran sanglem.
Minachea banngoddent aslole kaim montri bondkhonnint asat mhonnttoch,
fuddarak zaitem bodlop yeun, lokak nit favo zatoli, oxi opekxa dovrum
yeta.
http://www.v-ixtt.com/client/details.asp?id=5377&cid=3
