---------------------------------------------------------------------------
**** Goanet Classifieds ****
---------------------------------------------------------------------------
Enescil, a Brazilian engineering firm requires Engineers, Architects
and Draftsmen, proficient in AutoCAD, for their new office in Goa
Those interested can email [email protected] by 15 November 2011
Selected candidates will be sent to Brazil for 2 months training
---------------------------------------------------------------------------
Goyemche Fonn
Sodanche baxen hanvem mhoje ghorkannik telefon kelo, ghorachi lainn koxich
meklli mellonam zali, tor tichea mobilar kol kelo, signal mellonam thea zagear
asa mhunn fonnar awaz ailo, tor hanvem, mhojea Navelim rautolea vhodle duvek
tichea ghorchea lainnir kol kellem, fonn rokdoch vazlo tring tring, tring
tring, tring tring tor zoxo fonn ubarlo, hanvem "hello" mhunnlem ani
"sweetheart" mhunnchonch aslom, tednam eke zantte oskot ostorecho fonnar
"haaallo baaaba" oxo awaz aikolo, hanv somzolom ki goddye mohjea zanv-yamchi
Cunkolechi azzi tanger yevun sorlea ani tinnem fonn ubarlo kai dislem.
Tor hanvem tika "tum koxi asa maim" oxxi pukarnnim keli tor tinnem "tumchea
maghnneani borim ass-re baba, ani tum koxo asa re baaaba ? oxem mhunntlem
"hanv boro asam ge maim" oxem hanvem zabab dilo, tor tinnem fudem "baba konn
ulloita ?" oxem maka vicharlem , hanvem mhunntlem "Freddy ge maim" rokdench
tinnem mhunntlem "baba tum tujea zivacho boro khorun kuidad ghe, hanv ekdomunch
xintir tuge maim-k lagon, tika nhenntteponnim Devan appnamger vheli" hem aikon
hanv ekdomuch gunspa-ghondollant podlom, mhoji avoi somplear bottis (32) vorsam
zalim ani sasumaim somplear dha (10) vorsam zalim, maka dubhav poddlo,
fonn-lainnir kitem tori ghodbodd zala, tor hanvem tika vicharlem "maim ghorant
konnui asa ?" Tinnem rokdich zap dili "baaaba, tuji bhoinn Fatim attanch yevun
sorlam", hanv matxe chintunk poddlom, hoi mhoji vhodli bhoinn Fatima hea
somuyear Goyeant asa, tor hanvem mhunntlem "upkar khorun matxe tika fonnar
appoixi" tinnem vhoddlean Fatimak ullo marlo, ani tea mhunnosor "baaba
, tum khuim saun ulloita ?" oxem maka vicharlem, hanvem mhullem "Dubai-thaun"
attam ti matxe tottak zali ani vicharlem "baaba, tarva-xirvis soddun Dubai
ghella ? Hanvem tuje maimk passun songlolem, anik don viaz zattoch tuka kharar
khor mhunn, tum auchit Dubai kiteak ghello, bottir xirvis zainat ?"
Hanvem monnant mhunntlem "Saiba bogos" mhojo ek natu asa ani hi ostori mhojea
lognamchem chint'ta tor hanvem kitem sangchem tem chinttam astonnach, Fatiman
fonn aplea tabeant kelo, ani "hello" mhunntlem, ho tor mojea boinnicho awaz
nhuim aslo, tednam maka sapp khollon ailem, ki hi telefon-linnichi chukk
mhunnon, tor hanvem tika "hello" mhunntlem ani sanglem "maka dista mhoji chukk
zali, hanvem cukkin tumcho number dail keloxo disat" tinnem mhunnlem "kaim
porva nam", punn tinnem fonn dovorche addinch hanven tika vichar kello,
"Fatima, maka matxe sangxi ho mhozo fonn khuim laglo to ?" Tor tinnem maka
sanglem "Fatrade" mhonn ani bhauvan tarvar saun dhadlolim vokhdam ghevun tem
tichea timannak divunk thuim ailam mhunn.
Hanven fuddem vicharlem "Fatima, tujea bhauvachem nanv Freddy ?" tinnem
rokdench "hoi" mhunntlem ani maka tichea bhavak vollkota kai mhunn vicharlem,
hanvem nam mhunntlem ani hea fonn-kolachi purai khobor tika sangli, tem
ekdomuch hanslem ani sangonk laglem oxem zaitech pauti zata mhunn, tor hansot
hansot hanven tika vicharlem "Fatima, tuka anik ek bhoinn asa ?" tinnem nam
mhunntlem tednam matxe jivak suseg zalo, kiteak tika anik ek bhoinn aslli
zalear, tichem nanv Nancy zaunk xoktalem, kiteak mhojea dure bhoinnimchem nanv
Nancy. Hanv monnant hansot aslom, fonn dovorlo ani novean mhoje duvek koll
kelem anik kitem sangom ? Konnem eke ostoren fonn ukkollo ani "hello"
mhunntlem, ani tho-ui mhoje duvecho awaz nhuim aslo, tor hanvem vicarlem "konn
ulloita" tinnem zap dili "Antonet" ani tem zaun aslem mhoje maimchem nanv, fonn
anik naka zalo ! Chinttunk podlom, Goyeam duvek fonn kel'lo, sorgar maim-k koxo
laglo ?
Bhavam bhoinnino ho joke nhuim hem mhoje sovem kal ghodlam !
#####################################################################################
The content of this electronic communication is intended solely for the use of
the
individual or entity to whom it is addressed and any others who are
specifically
authorized to receive it. It may contain confidential or legally privileged
information.
If you are not the intended recipient you are hereby notified that any
disclosure,
copying, distribution or otherwise placing reliance on the contents of this
information
is prohibited and may be unlawful in certain legal jurisdictions. If you have
received
this communication in error please notify the sender immediately by responding
to this
email and then delete it from your system.
#####################################################################################
---------------------------------------------------------------------------
Protect Goa's natural beauty
Support Goa's first Tiger Reserve
Sign the petition at: http://www.goanet.org/petition/petition.php
---------------------------------------------------------------------------
