Misachea zobabamni bodol
Krist Yenneachea (Advent) poilea Aitara thaun Misant vantto ghetoleank
sodanche porim Misak zobab diunk zauncho na. Karonn Igorz Maten Misache
manddavollintlim zaitim utram bodol'leant. Ho bodol adim vapurlolea
Latintlea mull (original) utra pormannem zaunk Igorz Matechem mon asa.
Teach borobor Misachi somzonnim amkam odik kholayen ani orthabhorit
zaunk hem tichem panvl zaun asa.
Vatikani Dusri Vixv Sobha zalear 2012 vorsa 50 vorsam bhortat. Hi
somarombhnni odik orthabhorit korunk Misa Gronthachem novem bhaxantor
(The New Roman Missal) kelam. Amchi somzonni odik supurn zaunk ani amcho
bhavart thiraunk ho novo Misal amkam sondhi dita.
Pon'nas vorsam adim jednam poilech pavtt Misachi bhett lokachea bhasamni
bhettounk Povitr Sobhen porvangi dili. Tednam ek vhodd khuxalkay loka
modem ubzoli. Poilem sogllem jem Latin bhaxen aslem tachim thoddim
utramvoll favo te porim bhaxantor zaunk nasli. Thoddim utram lokak
somzunk zai mhunn odik sadim kortana, tancho mull latim orth vegllo
zalo. Taka lagun hea novea Misalant, odik latim utranchea mull orthak
visvaxi raunk proytn kela.
Kiteak Misachi bhett Jezun sthaploli ani ti pinddkanchea pinddkank
visvaxiponnim amchea hatamni pavlea, teach visvasan ami ticho orth
dusreant ditat. Amchi somzonni sudh korunk Povitr Sobhek ek kherit
zobabdari asa. Ti niyall korun Devache kurpen apli zobabdari pallta. Hem
Povitr Sobhechem margdorxonn tokhnayechem.
Bharotantli Povitr Sobha ho novo Romi Misal vevharant ghalunk toyar
zata. Kardial Oswald Gracias, Mumboicho Arsebisp oxem porgott'ta: 'hi
amkam ek bori sondhi magnnem korunk, sevadhormacher niyall korunk ani
Misachi somzonnim gheunk odik umedin Misant vantto gheun Jezuk hea
bolidanant bhettunk'.
Misachea vellar lok zobab dita tantunt atam zaito bodol ail'lo asa. Punn
odik bodol Padri Misachim magnnim korta tantunt aila. Hachi purn
somzonnim gheun ami Misache bhettek orthabhorit ani povitrponnant vantto
gheunk amkam avhan asa.
Hi somzonnim diunk Povitr Sobhek ani padrink ek kheirit zobabdari asa.
Je toren ani jitlea vegim ami hi somzonnim lokak ditanv, titlo faido
Povitr Sobek zatolo. Nam zalear hi Misachi novi manddavoll ami
xiktoleanv punn tacho orth amkam mellchona. Ho novo Misal ek manik
lipoun dovrunk rochunk na punn tem porzollavunk nirmann kelam.
Gُychea dhormprantant hi manddavoll Konknni bhaxen korunk azun vavr
cholta. Hea vorsa Gُyant ho bodol zaunchona punn amcho usko tachi
somzonnim gheunk ani zata title vegim ami tim somzunk amkam zonn ekleak
avhan asa. Igorz Matecheô soglleô khobrô padri amkam sangtalo, to kall
atam somplo; punn aiz hea novea Misala vixim zaitim borovpam English
bhaxent ailolim asat, tim amchean vachum yetat.
http://www.v-ixtt.com/client/ogrlekh.asp
---------------------------------------------------------------------------
Protect Goa's natural beauty
Support Goa's first Tiger Reserve
Sign the petition at: http://www.goanet.org/petition/petition.php
---------------------------------------------------------------------------
