SANTA CLAUS, Hea Broxttacharak Xevott Nam...
Mogacheano,
Gõykarank ek vhodd bhett mellchi asli. Punn durdovean kaim Gõychea
fuddareanchim patkam lipovchea khatir, tumkam haddlolo sontos, dukhin porto
vorcho poddta. Tumchea Gõyant, vhodda promannan drugs-ancho dhonndo cholta to
nopoit korchea korun, ek novea vorsachi bhett tumkam divnk mhojea adaran Kendr
sorkari Narcotics Control Bureau-chi yevzonn asli. Dekhun, drugs-sanchea
dhondean guspoleleanchim pallam sodun kaddpachi gupt toyari korchea pasot,
koddegant pulis odhikari, DGP Dr. Aditya Arya nemnunk Gõyant keleli. Tachi gupt
yevzonn Kendr sorkarachea sohokaran, vikalim vogddam dhonddean revoddloleank
dorpachea asat mhunn, thollave fuddareank melltanch, 12 voram modim taktiken
tachi bodli keli. FIR nond korpak toyari choltali. FIR nond zalear, zaitea
zannank marog poddpachi ani odik korun vhodd namneche teg rajkarnni trasant
poddpache
DGP Dr. Aditya-an poilich bhett Moddganvcha Monti Dongra ghetleli ten’na thanv
broxttachar rajkarnneancheo xempddio taitt zait ghel’leo ani Mukhel Montreachi
nidh piddear zatali. Ponnje Pulis bondkonin Cipriano Fernandes-acher moronn
ani Bichole pulis thannar pulisanchea maran Babita Gawde-che mornn, hi
bariksanichi chovkoxi DGP Arya korta tacher pulis odhikarancho ani, Ghor
Khateacho koddok virudh aslo. Pulisank xistin ravchem ani pulis odhikareamni
vellar kamank aschem he tache nem pallunk pulisank addkoll zatali. Kuddi
dhondeavalicher Mapxechea pulisen kel’lo oral sex-acher khaxa DGP karvay
kortalo ani osleo ghoddneo porot nam ghoddunk divncheo, hi tachi bori yevzonn
asli.
Bharatache Raxtrpoti-n, DGP Dr. Aditya Arya sanglelem, Gõychea dorya-vello
jeo drugs-anim vhanvtat teo nitoll korunk ani Morjim ganvan Russia nagrikani
zopt kelole shakacher koddok kharvay korun, Bharat nagrikanchem vhoddponn
samballunk adnea keleli. Punn ti nibayunk zali nam mhunn to khub dukhi zata.
Russianchea shakanni Bharat nagrikank yevkar nam. Suneank tori thoim zago asa
khoim punn nhoi thollavelea lokak. Hi ek lojeji gozal ki nam? Morjim ganv mini
Russia zala. Fuddarak, Rusiachea mafia-k fuddo korunk borech tras zatele tea
khatir DGP Arya tanchim mullam khatrun pidda khobar korunk sodi mhunn, Gõychea
mottea-mottea rajkarnancher bhirant uprasleli. Lohu-lohu drugs-san samil
zaleleanchim khori nanvam ugti zata aslim.
Mogachano, je meren aiche broxtt rajkarnni Gõycher raj choloitole te meren
Gõyant broxttachar bond zavncho nam. Konn eklean mhaka xiddkayla. Hea
broxttacharak xevott nam. Xevott asa. Ani to tumchea hatant asa. Tumchea hatant
asloli sond ibaddchi nhoi. Fuddlea vechnnukent broxtt fuddareank tancho
ghoracho rosto dakounk tumcher tarlolem asa. Tumchi motam favo tea fuddareank
vichun kaddun Russianan gopt kelolem Morjim, Morjekarank portem divnchem. Nam
tor oslim Russi-Morjim, onbeam baxen fulot ravot.
Natalanche bore anvdde magun tumcho nirop ghetam.
Santa Claus
Somestank Khuxealbhorit Natalam Anddetam
---------------------------------------------------------------------------
Protect Goa's natural beauty
Support Goa's first Tiger Reserve
Sign the petition at: http://www.goanet.org/petition/petition.php
---------------------------------------------------------------------------
