Bhavartant acharak zago na
Hem leap year! Kazaram chodd zaunchim nant. Kiteak lok toxem manta; to
ek achar. Azun-ui lok achar manta. Ponn thoddim mandi nant. Toxem zalear
lok kazar zaunk kiteak bhiyetat. Kitem-i zalem zalear, lok mhunnunk
lagtalo tim leap year-ant kazar zal'lim. Ami dusreachea jivitant kitem-i
zalem zalear… ami maghir kitem mhonnpachem urlam.
Khobor korunk gelear kainch chukichem mellonam, bhavartacher add na,
tori astana lok leap year-ant kazar zaunk upkarona ho achar mandpacho
bond zainam. Hea pasot thoddim mahiti ami hea ankar dilea.
Khorench mhonnlear, leap year mon'xache somzonne pormannem ghoddlolem
asa. Monis aplea somzonnem pormannem dis-raticho odmas korun mezunk
laglo. Zaka ami atam vorsam mhunntanv. Punn hem mezop sarkem na mhunn
kolltoch, mon'xan tantun adjustment korunk proytn kelo ani hea
adjustment-ak leap year mhunnunk pavlo. 32 hozar vorsamni anik
adjustment korcho poddtolo. Khorem mhonnlear voir sanglam titlem tem
sompem kam' nhoi, punn ami sompeponnim sangunk proytn kela.
Bhavartant acharak zago na, kiteak achar bhirantin utpon zata. zhoim
bhavart asa thoim bhirant na. Mhaka eka sms hacho ugddas yeta:
Sotrechean paus thambounk zaina zait punn amkam pausant ubim ravunk asro
dita. Toxench amchea bhavarta vorvim soglleo addkolleo suttaveo korunk
zaina zait punn hoch bhavart amkam addkolleo fuddo korunk ghottay dita.
(The umbrella may not stop the rain but give us the confidence to stand
in the rain. In the same way, our faith may not stop problem but give us
to confidence to face the problem).
Somazant achar asat te, amchea bhavarta vorvim novsorunk Povitr Sobha
amkam margdorxonn dita. Somazant aslolea acharanchem borem mon sodunk
ani vaitt asa tem soddunk ani povitrtayen novsorunk amkam avhan asa.
Punn hi novsornni haddchea bodlek ami acharan bhorlolea somazachim
gulamam zatanv. Konn mhunnta ami xiklolim asun-ui acharam vixim nennar
koxim vagtanv. Hea acharanchi sod korunk ani kitem sarkem ani kitem
vaitt tem sodun kaddun ami fattim sortanv.
Hem korunk eke vatten bhirant amkam pois dovorta zalear dusre vatten
nemarponn. Oxem dista zaitea lokak achara vixim chodd ulovop naka. Mhaka
anik kitem-i zait. Hi bhirant. Vo hem mhaka kiteak poddlam oxem mhunnop.
Achar pokoll, bhavart okhondd. Achar bhirant haddta, bhavart ghottay
dita. Zor tujea jivitant bhirant ani pokollponn asa zalear tum acharamni
buddlolo astoloi. Bhavartant acharak zago na.
http://www.v-ixtt.com/client/ogrlekh.asp
---------------------------------------------------------------------------
Protect Goa's natural beauty
Support Goa's first Tiger Reserve
Sign the petition at: http://www.goanet.org/petition/petition.php
---------------------------------------------------------------------------
