Porporot Delhi dhanvtolea Goychea Kongress fuddareancher Sonia-n chabuk marlem
Goychea tikett vantpak sotak Sonia Gandhin lokx ghatlolean thollave Kongress
fuddari kachabul zaleat. Je meren Raxttrivaddi kodden zage vanttop nichit zaina
te meren sodeache amdar sodlear anink konnachich tikett nichit korinakat oxem
spoxtponnim Patel, Sudhakar Reddy ani Oscar Fernandes-chi poir Buddvara ratri
husram boska ghevn, hea fuddareank sanglem.
Sonia Gandhin Goychea Kongress fuddareank sodeak tori hold-ar dovorleat. Delhi
sanv khaxea gopantlean mahiti mell’lele promann, Kongress Odheokx Sonia Gandhi
vorixtt fuddareank vangdda Buddvara ratri husram boska ghetli. Tatunt tinnem
char ghoxtti sangleo.
(1) Kongress-Raxttivaddi sitancher poile nirnoy gheyat
(2) Raxttrivaddeank kitle zage ditle tem tharayat
(3) Khoincha motdarsangh divnche te polloyat
(4) Tea uprantuch tiketti vixim ninoy gheyat
Kongressichea choddxea amdarank tiketti melltoleo. Punn Santa Cruzachi
poristithi pollevn magir nirnoy gheyat oxem Kongress fuddareank sanglem.
Buddvarak boska zateli, hem kolltokoch, Goyche Kongressache kaim vichuk fuddari
Delhi dhanvil’le. Tankam sado sondex divn ritea hatanim porot dhaddle. Sondex
oso: Ogech Delhi yevun bosonakat. Goyam vochun kamank lagat. Amchi soglleancher
nodor asa. Jen’na thartolem ten’na tumkam kolloitole. Te meren susegad ravat.
Kongress Odheokxache hea bhumikek lagon ek gozal spoxtt zalea. Kongressachea
amdar soddlear anink konnachich tikett sodea tori fixed nam. Tatun
Raxttrivadeank khoinche zage vantele, je meren odhikrutin tharona tea meren
konnakuch kaim cert dovorpachem nhoi. Konfusanv aslelea motdarsanghantlo chodd
probhav poddcho nhoi. Dekhun nanvam Febrer poilea soptokan jahir korpacho
vichar asa.
Goa-world.com khobram mezavelean
---------------------------------------------------------------------------
Protect Goa's natural beauty
Support Goa's first Tiger Reserve
Sign the petition at: http://www.goanet.org/petition/petition.php
---------------------------------------------------------------------------
