Khuni, Chor ani Luttmarancho Fuddlo Sorkar Goyant?
Sogllea mottea rajki pokxamni hea venchnnukent guneavkari kexi axil’le
umedvar asat. National Election Watch-an, ugtalar haddlea tea mahiti
promann, osle tin umedvar ube ravleat. Khunacho yotn, kandani vosul,
chori ani broxttachara kexi meren hea guneavachi volleri asa.
Goyantlea umedvaramni vechnnuk yougi samkar dil’lea pratintlea potrancho
National Election Watch-an obeas kela. Goynatlea sogllea mukhel rajki
pokxamni guneavkari fattbuim axil’lea umedvarank tikett dileat.
Guneavkari fattbuim axil’lea dor ek ek nnov umedvarank Kongres ani BJP-n
tikketti dileat. Trinamoll Kongres char umedvar guneav fattbuim axil’le
asat. Raxttrivadi Kongresche don zalear Goa Vikas Pokx ani UGDP dor ek
umedvara add guneav nond asat. Sat umedvarancher add khunachi yotn,
chori ani her gombhir guneavanchi nond asa.
Goa Vikas Pokx Mickkychea add dha guneav kexi asa. Opokx umedvar Arjun
Salgoacara add tin. Kongres umedvar Shyam Satardekar add tin.
Kongresicho Babush Monserrata add don. Opokx umedvar Govind Gaude don.
Kongres umedvar Rajesh Patnekara add don. Trinamoll Kongres umedvar
Saplesh Desai add don. Kongres umedvar Jeniffer Monserrata add ek.
Raxttrivadi Kongres Nilkhanth Halarnkar ek ani Ramakant Borkar add ek
kex nond asa.Goa-world.com Khobram Mezavelean
Gulf-Goans e-Newsletter presented by goa-world.com team
http://www.yahoogroups.com/group/gulf-goans
---------------------------------------------------------------------------
Protect Goa's natural beauty
Support Goa's first Tiger Reserve
Sign the petition at: http://www.goanet.org/petition/petition.php
---------------------------------------------------------------------------
