Agxi Ganv Portugez Zata Agxikar mottea promana Portugez zaunk lagleat. Fattlea baraek vorsa sumar 6 hozar Agxikar Portugez nagrik kose thoim ravunk lagleat. Agxechi motdaranchi voleri nnov hozaram velean sadetin (3½) hozarancher pavlea. Dor mhoynneank Portugalak vochunk sodpi Agxichem panchayatikode nivasi dhakle (resident certificate) khatir, tisek tori orzo yetat. Hacher ekandar Agxi vattar, lokjinn ani vechnnukecher porinam zaunk lagla. Dor disa Altinho aslolea Portugez Konsultori bhair Portugalak vochunk lineo lagtat. Antre-porian hangasor Saxttikar ani Agxikarancheo lineo astat. Fattlea tin vorsam oddez hozar Goykar Portugez nagrvasi (citizen) zaleat. Ek dam thoinche nagriponn ghetlem, hangasor tankam motodhan korpak mellona. Vechnnuk loddunk mellona. Sorkari nokri mellona. Zomin ghevnk mellona. Heo kitleosoch gozali astat. Portugalak sahit zaloleancho ankddo Sant Andrea lokacho chodd asa. Hacher chodd korun Agxiche lokvosticher porinam dista. Agxi futboll grovndd asat, ponn khellpi nant. Voddim asat punn nustekar nant. Madd asat ponn sur kaddpak render nant. Oxem sodeak Agxichem somazik chitr zalam. Sant Andre, Vhoddlem Goem, Batim, Neura, Azossim ani Mandur hea ganvamni chitr oxench zalam. Jinn sudorchi mhonn choddso lok Europak ani Potugalak vochunk lagleat. Oxem tor fuddem-fuddem chaluch urot zalear Agxi sarkelea vattaramni lokjinn, xettam-bhattam, ghor-daram, vechnnuko ani her gozalincher porinam vaddot vetlo. Ho husko adlo amdar Xri Francisco Silveira uktayta.
www.goa-world. com GULF-GOANS e-NEWSLETTER (since 1994) >http://www.yahoogroups.com/group/gulf-goans/ >www.colaco.nethttp://www.live365.com/index.live >________________________________ > >THOUGHT FOR THE DAY: If we say less than we should, it is easy to add. But >having said too much, it is hard to take it away. > >-- St. Francis de Sales >
