GULF-GOANS e-NEWSLETTER (since 1994)® www.yahoogroups.com/group/gulf-goans/ www.goa-world.com http://www.goa-world.com/goa/credit%5Ccredit.htm Tumcam Maie-mogacho ieukar. Stay tuned to Gulf Goans e-Newsletter - everyday someone, somewhere learns a little.... GULAB magazine confers 1st NRI Shining star of Konknni Stage title upon Gracy Morais Kuwait: At a recently held function commemorating the 30th year celebrations of popular Konknni magazine, GULAB conferred its first ever title upon a Konknni Tiatr Artiste, Gracy Morais, in Kuwait. Gulab Konknni Mogui Kuwait felicitated Gracy, popular Konknni stage actor and singer in Kuwait, bestowing the coveted title "Shining Star of Konknni Stage in Kuwait". Gracy received the memento from the hands of Fausto Da Costa, Editor of Gulab Magazine, who was on a short visit while Vice President of the Konkani Mogi Kuwait (KMK), Salazar placed a crown with a glittering star on Gracy's head aptly matching with the title conferred on her. Gracy Morais with GULAB Editor Fausto Da Costa Gracy has been an active member on Kuwait Konknni Stage for the last thirteen (13) years acting in several local tiatros, participated in musical shows, and competitions, has been a member of Kuwait Goa Tiatristanchi Sonvstha (KGTS), Goan Welfare Society (GWS), Crystal Focus Club, and also toured some of the Gulf Cooperation Council (GCC) States and the United Kingdom. She has also played the main protagonist in Kuwait's first Konknni feature film titled "BLACK Nhesop Atanchem Fashion" produced and directed by T-Bush and premiered in Kuwait. Gracy has to her credit Best Actress and Best Singer (Female) awards at Kala Academy Tiatr Competition in 1997 in Goa, and several other awards in Kuwait for her versatality, grace, singing and acting prowess. She has featured both singer and actor in of several Konknni CDs and VCD produced in Goa, India, and Kuwait. She also has a flair for writing short Konkani essays and poems. The function was organized by Konkani Mogi Kuwait and attended by special invitees along with KMK committee members headed by Domnic Fernandes. Gracy hails from the picturesque village of Ribandar in Goa and has a MBA degree in Healthcare Sciences, and together with her husband, Augusto and her two children, continues to enjoy her cherished talents of singing, acting and social work. She is the daugther of (Late) Luis Rodrigues (musician) and Milagrina Rodrigues. A section of the invitees and Organizers (KMK) __________________________________________________________________________________ Mulakhoti khatir Prosnavoll 1.Gracy bai, thoddkeant tuji vollok vachpeank diunk magtam. Tuzo zolm, mullavem xikxonn, fuddle xikxonn, vaur, kuttumb. Mhozo ganv Ribandar.Mhojim avoi-bapui, Milagrina ani Luis Rodrigues, dogaim ganvan Raibondrchim.Tanchea chear bhurgeam modlem hanv dusrem.Chovgaim bhav-bhoinnanim tiatr mollar vavr kela. Sodeak ek bhoinn, Rosalia, vevsaiik tiatran bhumika korta zalear mhozo bhav Kala Academy-cheatiatr spordhen amchea ganvchea vangddeak aplo adhar korta. Mullavem xikop Bal Bharati Vidya Mondir hea amchea ganvche iskolan kelem. Uprant collej ani tea fuddem Goa University-intlean B.Com Degree guetli.Halinch, Kuweitt xharant ravon, Sikkim Manipal University-intlean MBA degree (in Healthcare Sciences) xikop purem kelem. 2.Tum Konknni molar koxem pavlem? Konknni machier ken’na ani khoinchea tiatrant ailem? Tantlo tuzo thoddo bhov onnbhov. Mhozo bapui muzg tossoch ek tiatirist: ganvan tiatr boroun, digdorsun, tantun sabar torechim kantaram ghoddun ganvchea bhurgeank xinkoitalo. Tossoch mhozo mama, Diogo Fernandes (Danny de Ribandar) tovui ek tiatrist. Tannem challis voir (more than 40) tiatr palkar addle. Lhanponninch than tiatranchi ruch amkam lagli ani ti vaddot geli. Konknni machier poilech pavl aum chear vorsanche piraer “Rogtacher Soput” hea mhojea Mama-chea tiatran. Tantun dhormik xikounnecher atthaplolea Opening Hymn-an Ballka Jezuchi bhumika kel’li toxech tiatrache mukhi partint bhurgeachi bhumika kel’li. Tiatran vegllem nesson, make-up korun ani odik korun apleakuch visron konna eka attveach munxeachi bhumika vo categorization korop hem vichitruch dislem. Tiatrantleo bhumika toxinch gailolim kantaram titlim ugddass nam, pun prekxokancheo tallieo ani tiatra uprantlim vakhannenchim utram azun monan sadouta. Logna uprant Kuweittant ieun tiatran kam chalu dovorpak prothsahon munttlear mhozo ghov, Augusto Morais-achem. Aiz takach lagon mhozo palkar vavr chalu assa. Goeam choddxe tiatr nachleam "Dramatic Troupe of Ribandar" hanchea khala toxech amchea ganvan. DTR khala Kala Academy Tiatr 1997 spordhen “Dhondo” hea tiatran Best Actress toxench Best Singer him donuim inama favo zalim. Konknni (commercial) machier mhozo vaur chodd Kuweittant. Guelea chovda vorsanim zaitea club, Kuwait Goa Tiatristanchi Sonstha (KGTS), toxech individual tiatr borovpeacheam tiatranim vantto geunk maka sondhi mel'li. Tantuntle mhojea ugddassache ani chodd pritiche "Anvddo & Chuklelim Panvllam" (Ferns Productions - Mario de Majorda), Tuzo Ganv Mhojem Nanv (Simon Gonsalves), Pallam (Donald Collaco), KGTS-ache panch show, toxech Utorda Club-ache varxik (annual) ek-anki nattkuleanchi spordha, zantunt mhaka khup inama mel'leam. Toxench Kuweitan poilench T-Bush Films hanchem poilem Konknni film "BLACK Nhesop Atanchem Fashion" hea cholchitran mukhi role korpachem bhag mhaka mel'lem. T-Bush-a khal vaur korop ek "prestigious" sondhi. To artistank ek freedom dita aplo vaur korunk (he will give much scope for artistes to perform but within the frame of the role). Ghelea vorsant, London ani Qatar bhonvddi kelolo, Shahu Almeida-cho Musical show "TIATRIST, hantunt bhag gevunk maka sondhi mel'li. Kaim Konknni Audio CD ani VCD-inui avem gailam. Tatuntleo ugdassacheo RINN, CANDEIA SAIBINN, MUSICIAN ani atam bhair sorcheo assa Comedy Queen Querobina Carvalho ani Kuweit Konknni Mogi Odheox, Domnic Fernandes hancheo noveo CD. 3.Konknni machi tuka kitem ek chondd (hobby) kai vevsay? Fokot chondd zalear hem tum ek vevsay koxi ghevpak kiteak sodina? Konknni machie mhozo ek chondd ani acting & singing is my passion. Ami Kuweittant orthik karannank lagon vosti korun assa. Devan amcher khup bessanvam ghalun bori nokri-i favo kelea. Kuweittant khup thodde tiatr machier etat. Kernaim ek club vo sonvstha tiatr machier addta tor kernam ek boro tiatrist mukhar soron apli art tiatra torfen prekxokam mukhar dovorta. Kuveittant tiatr khup thodde dekhun konknni machier bhumika vevsaiy korunk khup augood. 4.Konknni bhaxe vixim ani Konknni palka vo machie vixim tuka kitem bhogta? Mhonnje tujim bhognnam (feelings) kitem? Konknni bhaxa amchi “lifeline” ani hea pordessant amchi “identity”.Vaura zagear, missak, toxench ier somajik zagueancher konknni bhas kanar sadouli ki apleaponn bhogta. Pordessan assonui aplea ‘community’ modem assa oxem dista (we feel we are within our community although we are on a foreign land). Konknni palk munttlear amkam Goenkarank ek vhoddponn. Adim Goeant, amchea ganvant ani atam Kuveittant tiatr assa munn koll’lear, zata title aspav gheun tea tiatrak ajir zaun anond bhogunk ami fattim ravonam. Tiatra velar ek veglle torechi umed prekxeok zauum vo bhumika korteleank bhogta. 5.Git gavpak tuka modhur tallo asa. Tor tujea avazak tunvem tallim’ (training) dilea vo ho tuzo soimbik avaz? Donui. Gavop hem Devachem dennem, tem odik fuloilem mhojea bapain. Tachea (under my father’s guidance) solfeggio (singing music) ami xinklim; tea uprant palkar ani igorjen choir-an gavun odik guidance/flair mell’lem. Thoddo temp sorgest Fr. Martin hachea music iskolantui avem thoddem bhov classical training guetlem. 6.Tiatristam koddlean Konknni bhaxek khub yogdan zaum ieta, punn tem zaina, Konknni machi zaum songit aiz ‘commercial’ zalam, oxem mhaka dista. Tor tujem mot kitem? Mhojea mota koddem tum sohomot na zalear Konknni bhaxek tiatristanchem yogdan mhak spoxt korxi? Khorem munttlear Tiatr suru zalolo as an unique form of entertainment. Adlea tiatristanim palkar vaur kelo ek chondh tossoch ho palk saumbaupacho hetu monan dhorun.Zaiteanim aple duddu khorchile tor thodeanim apli ghoram ritim kelim tiatrak lagon. Pun to temp atam uronk nam, zait ghoddie orthik poristihitik lagun atam tiatr ek vevsay zaun guelea. Sabar nove artist tiatran bhumika korta..tiatran vaur korun atam ek sarko mhoineacho expense kaddum-ieta.. Ek-ek pongodd aplo tiatr palkar addun, tache ponasa voir show korun khas apleak ek steady income komoita. “Konknni bhas sambaulea padrinim ani tiatristanim” oxem munttlelem avem khup aikolam. Khoreponnim tiatristanim Konknni sambauli ani azun Konknni bhaxe khatir vhoddle toren vavr sobhemazar dista to tiatr machie vorvim. Adlea tiatran somajik vixeoiancher xinkounn melltali ti atam nam. Tiatr toxench kantaram vorvim khup sudharop etalem ani khup vixoiancher marg dhorxon te kortale. Aplea modur gitanim zaiti bori budh te vant’talet ti atanchea kantaranim mellonam. Portench zalear tech tech gaiok (singers) ani chalu vixeoiancher kantaram aikon bejarrai ailea – hem bodolchi chodd goroz. 7.Konknni machier hadttoleam tiatrank favo to dorzo asa? Atam Tiatr Academy Goy hi sorkari sonstha zolmak ailoleak tiatramni dorjea babtint kitlo sumar bodol zala? Hi Academy ailoleak tiatrank orthik mozoti xivay dorjea votten vhoddlem xem kainch zaunk na, oxem hanvem mhonnlear lottkem zait? Ani kiteak? Goenche Kala Academy spordhentle tiatr ani commercial /vevsaiyk tiatram modem khup ontor assa. Vevsaiyk tiatran kitem novem dakhoun prekxeokank oddun addcho proitn asta ani oxe toren senior vo established artistam sangata noveam artistank misoll korun tiatr machier addta. Academy spordha veglli – kola, rong, machie setting, bizlle upyeog hem soglem ek sporde toren manddun addta ani he tiatr pollounk vo tantun bhag gheunk ek vegllich umed asta. Halinch Kala Academy sporden vantto getelea pongddank orthik mozot diunchem tharailem ani oxe toren guelea sporden khup novea pongddanim aplea tiatr spordden manddle. Gelea vorsa kaim tiatr pollounk sondhi mel'li; dukh dislem ki tantuntle choddxe tiatr kala academy spordecho dorzo khup khala uddoita. Hi sporddha orthik mozot vanttchi ek zhor zaunchi num, pun khorench tiatr voir kaddchi ek sondh zaunchi hench mhojem magnnem. 8.Konknni palkar tuzo onnbhov kitem? Palk sudhravpak tujeo suchovnneo kitem? Aiz aum amchea tiatristank odik korun adlea tiatristank bhovman ditam kiteak aiz tankam lagon amkam hem daiz favo zalem munn. Oxem munttat, “ek pautt tiatrist, to sodanch tiatrist”.Ek pavtt tum palkar chodlo, palkacho mog tuka soddinam.Toxench tiatr pollenarank ek pautt tiatrachi ruch lagli ti tuttonk khup avgodd. Tiatr palk jo adim aslo to nam. Khup bodol’lam ani bodolchi goroz assa.Tempa pormonnem noveo arti dakhoun lokachim monnan khuxi korpachi tozvit tor chaluch asta. Lighting, stage setting, costume design toxench ier zaitench bodol’lam. Songita babtin tor sangonknam.Brass instrument khup unne zaun chodd techno songit bitor sorlam.Ek keyboard vazoupi chear muzganchem kam eklo korta.Tiatr songitacho dhorzo khup khala urta. Ekoddim (solo) kantaram chodd –zodd kataram (trio, quartet, panchko) nanch zait geleam.Zodd gitam prekxokank chodd avddichim – him porot chalu korunk gorjechem. 9.Aiz Mumboint tiatr kobaruch mhonnlear zata ani adim Mumboi zatale toxe tiatr aiz Kuveittant, her Golf xaramni ani bhailea desamni zatat tor hem Konknniche fikirin zata, kai orthik dixen (monetary gains) zata? Goenkar khoincheai konxeak vochoum tanchea borobor tanchi sonskruttai ani odik korun tiatr sangatak veta munttlear horkot aschi nam.Hech porim Kuweittant tiatr suru zale ani khup ful’le. Kaim vorsam pattim Kuveitt-che club, sonstha toxech individuals vo group of friends ekttaim zaum tiatr manddtale. Kaim karannank lagun atam he tiatr bondh zalea. Atam fokot Goeam than akhoch pongodd vo tancho ek tiatr addun prekxeokank dakhuncho itlem urlam. Makam dissonam ki Kuveittan zatelea tiatram voir zodd khup assa xi. Chodd xe tiatr, tiatram vixim apurbai vo Kuweittche dhesant tiatr rochun addcho heach hetunt zata. Tantun kaim orthik lab zalo tor fuddarak aninkui tiatr rochun addunk tankam protsahon meltta. 10.Kuveittchea Goykaram vixim tujem mot? Kuveittchea Goykarancho Konknni bhaxe vixim ani Konknni machier vixim vaur? Kuweittank goenkar khup pun Goenkarponn fokot dakhoupachem/mullachem. Ami Goenkar munn sangonk fattim soronam, pun Goenkaram bhaxen vagnnunk nam. Konknni amchi maim bhas munn sangonk fattim soronam pun Konknni bhas ulounk fattim. Goenkarponn hi identity zai, pun Goenkaram modem sombond nakam, amcho culture nakam; Goem amkam goenkaram passot samball’lelem zai punn, khud apnnem hea babtint kitem korchem mon nam..Vorsam zalim, Tiatr machier tech tiatrist dista, nove kolakar nam; tech prekxok, novo lok mattvant disonam. Kortat te korta, dusre fokot aplo hok’k rakhun dovrunk sodta. 11.Tuje vixim anik kitem sangpachem aslear sangchem. Kala Academy Tiatr 1997 spordhen “Dhondo” hea tiatran Best Actress ho inam melltoch dislem ki hem inam ek vhodd zabadari ani ti munttlear dor ek prosong adlea poros odik boro korun aploch adlo dhorzo par korunk. (to beat your own standard performing better with each performance). Mhojea vaura vorvim dusreak kiteim lab zata tor mhojea karyan aum iexasvi zatam oxem sozmotam. 12.Konknni porgottnneam (publications) vixim tujem mot? Vixex korun Gulaba vixim tujem mot ani suchovnneo. Gulab masik mhojem khup avddichem. Mhojea bhurgeponnar saptahik Cine times ani Goa Times ami ruchin vachi. Him masikam vachun Konknni vachpachi ani borovnchi ruch odik vaddli.Tea uprant Gulab athan poddlo ani Konknni fulot geli.Tis vorsanchem poinn korun Gulab mukhar vetanam, odik rogin zaun vecho hench amchem magnnem. Nove vachpi rochun addunk, nove borovpi zai,, bori boroupam zai. Bhurgeanchi ruch vaddteli tor, bhurgeank avoddte lekh, lhan kotha, crossword, puzzles, adi ghalcheo. Internet technology vaprun, zata titlea veguim ek Gulab website korcho ani pornnim borovpam, lekh, kotha tacher archives koxeo ghalcheo. Adhunik kallar, he adhunink upai vaprun zata title vachpeank ho gulab pavti zauncho hench amchem magnnem. Physical copy vikre vangdda, website subscription options hache voir thoddo vichar korcho ani nirnnoi ghenvcho. 13.Konknni vachpeank, tiatr pollennarank ani novea kolakarank tuzo nirop? Konknni masikam ani konknnitlean borovpam chalu urtelim tor, vachpeanchi chodd goroz.Hatan mezun zatelim masikam assat; konknni borovpi unnem zait veta.Tor hankam encouragement melltolo tor vachpeanchi chodd goroz. Eka tiatristachea vaurachi tust, prekxokanchea talleanim..Prekxok nam tor tiatr nam.Atanche prekxop madhyeom voiyache ani tache voir (middle-aged and above) – bhurgim ani tornattim khup thoddim.Tiatr pollenarim aplea family sangata tiatr pollounk suru korchem.Oxem kelear tiatr chalu urtele, nam tor, kaim vorsanim tiatracho fuddar kitem zait tem sangonk zainm. Atamchea kallar, khup nove tiatristpalkar disti poddta.Adlea poros atam tiatrachi orthik ienavoll bori assa; dhor show-ak boro payment mellta; zaiteach tiatristank hi ek vevsaiy zalea. Zalear dusrea vorda, ek novo tiatr borovpi novea kolakorank gevun tiatr palkar addlear choddant chodd pavtt prekxok tankam mandun gheinam ani hakach lagon senior toxech nove artistank ghalun tiatracho pongodd manddcho poddta. Tor noveanim dhir gevun ani pornneanim (senior) bore marg dorxonn korun ho palkar mukhar vorcho ani samballcho. Photos: https://picasaweb.google.com/102679284165043982952/MORAISII#5253006551470495522 http://goablog100.blogspot.com/2012/10/1st-nri-title-shining-star-of-konknni.html The First Online Konkani Music Station - Started on March 14, 2000 http://www.live365.com/stations/61664 Konkani Video on You Tube http://www.youtube.com/uly334 www.targetgoa.com http://goablog100.blogspot.com www.goenche.com www.q8india.com SIGNS OF OUR TIMES - by Alexyz www.goa-world.com Upcoming Event in Kuwait: TIATR "AITAR ANI BUDHVAR" Boroupi ani Digdospi: Salu Faleiro http://goablog100.blogspot.com/2012/10/aitar-budhvar-konkani-tiatr-by-comedian.html http://goablog100.blogspot.com/2012/10/salu-faleiros-achievements-in-kuwait.html
