Bai Lorna Cordeiro mhollear kherit bhaxen Goenkaranchea kallzamni gitanche sur vazonk lagtat. Karann, Lornak ani songitak mhotvacho sombond asa, hem dor eka Goenkarak khobor asa. He khepek, Mumboichea bab Agnelo hannem ghetloli bai Lornachi mulakhat amchea vachpeam khatir hangasor ditanv.
- Sompadpi.
Angelo : Bai Lorna, tuzo zolm� khuim zalo ani tujea kuttumbachi amkam ollokh diuxi?
Lorna : 1946, Agostache 9ver, Mumboi mhozo zolm� zalo ani thoimsoruch hanv lhanachem vhodd zalem. Mhojea avoi- bapaichem ghor Goeant Saligao ganvant asa. Mhojea bapaichem nanv Theophilusa ani avoichem Cecelia Cordeiro. Hea kuttumbant sogllim mellun ami so bhurgim - teg bhav ani teg bhoinni. Tanche modlem hanv tisrem. Mhojem xikop hanvem Mumboi dhavi meren kelam.
Angelo : Tuzo songitacho gunn konnem porzollailo ani tum konnak tujo guru mandta?
Lorna: Mhojea Kuttumbachea sohokarak lagun, kantaram gavcho mhozo gunn palelo ani follvont zalo. Aiz hanv NIGHTINGALE mhonn porzolltta zalear, tem mhojeach ghorcheank lagun mhollear zata. Mhozo gavpacho gunn songitakar sorgest Chris Perry hachea monant romblo. Tannem mhaka fanki gavpinn keli. Taka hanv mhozo guru mhunn mandtam. Tannem mhojea kantrant aslelem boll ollkhun mhaka aplea 24 piece pongddant ghetlem. Hanvem 15 vorsanche piraier thavn kantaram gavnk survat keli. Sumar nnov vorsam, Chris Perrychea inglez benddant, jaaz singer mhonn nokhetri hottelamni ani night klubamni kantaram gailim. Mumboi xarantuch hanvem kantaram gaileant oxem na. Dil�li, Kolkot�ta, Madras ani Bengllur hevui rajeamni vochun hanvem kantaram gaileant. Chris Perryk mhojem gavpachem boll thavem aslem mhunn to mhoje khatir kherit kantaram rochun mhaka gavnk ditalo ani uprant hanv tim sallorechea suran gaitalem. Piso, Bebdo, Red Rose, him visrunk zaina toslim kantram azunui vhodda ghonnghonnan Goeant borinch gaztat.
Bai Lorna Cordeiro
Angelo : Sorgest Chris Perry ani Ronnie Monsorate hanche xivai ani konnachea sangata tunvem kantaram gaileant?
Lorna : Hanv sumar 23 vorsam kantaram gainastana ravlem, hachi mhaka vhodd dukh bhogta. Oxem segit vorsam hanvem kantaram gailelim zalear aiz hanv unchlea zagear pavun sonvsarant borench porzollttelem aslem. Atam porian inglez konknni oxim hixeobak dhorlear 300 songitachea �Album�-amni hanvem kantaram gailelim asat. Mhozo tallo suadik ani nazuk aslelean Bollywood-che songit digdorxok zoxe porim Kalyanji, Anandji, Bappi Lehri, Laximant Pyarelal ani Rajesh Roshan hanche borobor kantaram gavpak mhaka bhag mell�lem toxench fanki Mohammed Rafi ani Sudhesh Bhonsle hancheai sangata gitam gavunk mhaka bhag favlem. Hea xivai Bahrain, Qatar, Kuwait, ani Muscat hevui desamni hanvem kantaram gaileant. Ani hea Julai mh oineant eka khas kariokromant bhag ghevnk hanv
London vochpache toiarent asam.Hi mulakhat xhapun ieta mhun nosor hanv Evropachea desant astelem.
Angelo : Tujea sabar godd kantarancho ugddas lok azunui korta oxem tuka disona?
Lorna: Oi ! Lok azunui ugddas kaddttat ani tim tanchea tonddar gollttat-khellttat. Hanvem poile nch Konknnintlean gailolem kantar �Noxibak Roddtta� ani �Nach-ia Kumpasar� borinch lovkik zaleant. Dor ek mhoji kessett sodanch bori khoplea ani lokamni tea kessettink bori prosid�dhi dilea. 1995 �Hello Lorna� kessett uzvadda aili ani ti Remo Fernandes-achea hatantlean vimorxit (release) zali. Hi kessett Goenkaram modem borich famad zali.
Angelo: Tuje he kherit gavpache kolek lagun tuka sabar puroskar favleat astele, tuzo bhovman kela astolo. Hacho thoddkeant ul�lekh korxi?
Lorna : 1997 Mumboi Best
Female Singer mhonn mhozo bhovman zalo. 1997 Goan Review - Best Female Singer, 1998 Best Singer Doha Qatar, 1999 Bombay Boys Sports Club Kuwait hancho puroskar, Konknni machier kel�lea ut�tom� vavra khatir State Of Bahrain puroskar 2004, ani gitam gavun Konknni bhaxek iogdan kelolea khatir Muscat-ant halinch ek puroskar favla.
Angelo: 1995 vorsa Dezembrache 3rer tum poilech pavtt Miramar Rock Festival show-ak ailem tea disacho ugddas sangxi ?
Lorna: To mhaka itihasik dis. Thoddim cholon bhonvonk nozo astanai mud�dom aplea hatant boddi ghevn tim mhaka polleunk ailelim. Hanv hea show-ant astelem mhonn mandun ghevnk tankam avgodd lagtalem vo hanv-----? Hem pollevn mhojea dolleamni ghosghoxit dukham vhanvlim.
Angelo: Tum ek gavpinn mhonnttoch, tuje avddichim oxim gavpi konn tim sangxi?
Lorna: Mumboichem Nehie Rod, Lata Mangeshkar, Asha Bhonsle, Tina Turner ani Elafresh Lorrale Francis. Hanv ek Jaaz gavpinn.
Angelo : Sorv xevttim Konknni mogiank tuzo sondex kitem?
Lorna: Konknni amchi Maim Bhas. Ami tika morunk divnk upkarona. Ami jivi asumsor tika jivi dovrunk zai.
Vauradeancho Ixtt - anchea upkarant
Do you Yahoo!?
Yahoo! Mail is new and improved - Check it out!
http://www.goa-world.com
http://www.live365.com/stations/61664 Live Konkani Music
http://www.mahableshwar.com/
Addresses:
Post message: [EMAIL PROTECTED]
Subscribe: [EMAIL PROTECTED]
Unsubscribe: [EMAIL PROTECTED]
List owner: [EMAIL PROTECTED]
URL to this page:
http://www.yahoogroups.com/group/gulf-goans
| Yahoo! Groups Sponsor | |
|
|
Yahoo! Groups Links
- To visit your group on the web, go to:
http://groups.yahoo.com/group/gulf-goans/
- To unsubscribe from this group, send an email to:
[EMAIL PROTECTED]
- Your use of Yahoo! Groups is subject to the Yahoo! Terms of Service.
